រដ្ឋាភិបាលខេត្ត Nam Dinh បានឱ្យដឹងថា ក្រុមហ៊ុនយក្ស Quanta ដែលជាអ្នកតែងតែផ្គត់ផ្គង់គ្រឿងបន្លាស់ MacBook របស់ក្រុមហ៊ុន Apple នោះ បានចុះកិច្ចសន្យាបង្កើតរោងនៅវៀតណាម។
រោងចក្រនេះនឹងក្លាយជារោងចក្រទី៩ របស់ Quanta នៅទូទាំងពិភពលោកហើយនឹងគ្របដណ្តប់លើផ្ទៃដី ២២.៥ ហិកតា និងមានតម្លៃ១២០លានដុល្លារ ក៏ប៉ុន្តែមិនមានការបញ្ជាក់លម្អិតពីសមត្ថភាព និងពេលវេលាសម្រាប់ការសាងសង់នោះទេ។
នេះមិនមែនជាលើកទីមួយនោះទេ ដែល Apple ឈានជើងបោះទុនវិនិយោគនៅក្នុងប្រទេសវៀតណាម ជាក់ស្តែងកាលពីឆ្នាំមុន Apple បានបង្កើតរោងចក្រផលិត iPhone និង Apple Store នៅក្នុងប្រទេសនោះថែមទៀតផងដែរ៕
ប្រភព៖ Bloomberg