ទឹកក្រូចស្រស់ គឺជាប្រភពដ៏ប្រសើរនៃវីតាមីន និងសារធាតុរ៉ែ ក៏ប៉ុន្តែ ទឹកក្រូចស្រស់ មិនមែនជាភេសជ្ជៈសុខភាព ឬភេសជ្ជៈសម្រកទម្ងន់នោះទេ។ ដូច្នេះហើយខាងក្រោមនេះគឺជាកំហុសទាំង៤ យ៉ាងដែលធ្វើឱ្យអ្នកខូចសុខភាពដោយសារការទទួលទានទឹកក្រូចស្រស់ ដែលមានដូចជា៖
១.ផឹកទឹកក្រូចស្រស់ជាមួយអាហារឬភ្លាមៗបន្ទាប់ពីអាហារ៖
បើអ្នកទទួលទានទឹកក្រូចស្រស់ភ្លាមៗនោះ នឹងធ្វើឲអ្នកតឹងទ្រូង និងពិបាកដកដង្ហើម។
ជាតិសរសៃ និងអាហារភាគច្រើនត្រូវការពេលវេលាដើម្បីរំលាយ ដូច្នេះត្រូវរង់ចាំយ៉ាងហោចណាស់ ២ ម៉ោងបន្ទាប់ពីទទួលទានអាហាររួច។
២.ផឹកទឹកក្រូចស្រស់មុនចូលគេង៖
ទឹកក្រូចស្រស់ដែលមានជាតិអាស៊ីតនឹងបង្កើនកម្រិតអាស៊ីតក្នុងក្រពះ ធ្វើឱ្យក្រហាយទ្រូង រំខានដល់វដ្តនៃការគេង ។ លើសពីនេះ ការផឹកទឹកក្រូចស្រស់ភ្លាមៗមុនពេលចូលគេងអាចបញ្ចេញជាតិស្ករច្រើន ដែលបណ្តាលឱ្យមានថាមពលកើនឡើង ខណៈពេលដែលរាងកាយត្រូវការបន្ថយល្បឿន និងសម្រាកនៅពេលនេះ។
៣.ផឹកទឹកក្រូចស្រស់ភ្លាមដុសធ្មេញភ្លែត៖
ការផឹកទឹកក្រូចស្រស់ភ្លាមដុសធ្មេញភ្លែត ធ្វើឲបរិមាណអាស៊ីតនៅក្នុងផ្លែក្រូចអាចបំផ្លាញស្រទាប់ធ្មេញ។ ដូច្នេះ បណ្ឌិតសភាកុមារអាមេរិកបានផ្តល់អនុសាសន៍ឱ្យរង់ចាំប្រហែល ៦០ នាទីបន្ទាប់ពីផឹកទឹកក្រូចស្រស់រួច ចាំដុសធ្មេញរបស់អ្នកតាមក្រោយ។
៤.ផឹកទឹកក្រូចស្រស់លើស១កែវក្នុង១ថ្ងៃ៖
លោកវេជ្ជបណ្ឌិត Scott Kahan នាយកមជ្ឈមណ្ឌលជាតិសម្រាប់ទម្ងន់ និងសុខភាពសហរដ្ឋអាមេរិក បាននិយាយថា ទឹកក្រូចស្រស់មានជាតិស្ករ និងកាឡូរីច្រើនដូចភេសជ្ជៈប៉ូវកម្លាំង។ ភេសជ្ជៈ ១ ពែង ២៤០ មីលីលីត្រ មានជាតិស្ករ ២៦ ក្រាម ធៀបនឹង ២២ ក្រាមក្នុងទឹកក្រូចស្រស់ ១ កែវ។ ដែលនេះអាចបង្កើនជាតិស្ករក្នុងឈាម យូរៗទៅ ការឡើងជាតិស្ករក្នុងឈាមអាចនាំឱ្យមានជំងឺគ្រោះថ្នាក់ដូចជាជំងឺបេះដូង និងជំងឺតម្រងនោម៕
ប្រភព៖phuntoday.com
