ឃើញហើយស្លុតចិត្ត! អាហារសម្រាប់សិល្បៈករហាត់ត្រៀមសម្តែងសុីហ្គេម២០២៣

មហាជនបានធ្វើការរិះគន់ជាខ្លាំងទៅកាន់គណកម្មធិការរៀបចំអូឡាំពិក (NOCC) ជុំវិញបញ្ហាម្ហូបចំណីរបស់សិល្បៈករ ដែលកំពុងហាត់សមសម្តែងសុីហ្គេម២០២៣។

យោងតាមគណនីឈ្មោះ សកល កិត្យា បានបង្ហោះរូបមួយសន្លឹក ដផយមានបាយស ជ្រក់ល្ហុក ទឹកសុីអុីម្ទេស ជាមួយទាមួយជំហៀង និងបានសរសេរថា៖ ” បាយសិក្ប:ករហាត់សម SG2023?!!! “។

នៅក្នុងការបង្ហោះនោះ មនុស្សម្នាបាននាំគ្នាបញ្ចេញមតិ រិះគន់ទៅកាន់ NOCC ដោយលើកឡើងថា៖ ប្អូនខ្ញុំអាយុ 14 ឆ្នាំហាត់មួយថ្ងៃពេញ ហាត់បាន 2 ថ្ងៃមកផ្ទះកោសខ្យល់ ហើយព្រឹកឱ្យគ្នាសុីនំប៉ាវ នំបុ័ង បាយថ្ងៃពងទាខកន្លះគ្រាប់មានកំលាំងពីណាហាត់? លុយចូលហោប៉ាវអស់ហើយ? អាណិតប្អូនខ្លោចចិត្តខ្ចប់បាយពីផ្ទះ ទិញបាយខ្លួនឯងទៅរាល់ថ្ងៃព្រោះការរៀបចំល្អពេកទទួលយកអត់ចង់បាន”។ អ្នកខ្លះទៀតបានចោទសួរថា៖ មានការកិបកេងលុយឬក៏យ៉ាង?

តែយ៉ាងណាមិញ មានអ្នកបញ្ចេញមតិម្នាក់បានសរសេរថា៖ “បាយនឹង ខាងចិនជាអ្នករៀបចំទេ មិនមែនខាងខ្មែរយើងអ្នកចែកឡើយ”។

ជុំវិញករណីនេះ មិនទាន់ឃើញគណកម្មធិការរៀបចំអូឡាំពិក (NOCC) ចេញសេចក្តីប្រកាសបកស្រាយអ្វីមួយនៅឡើយនោះទេ៕