កាលពីពេលថ្មីៗនេះ គណៈកម្មាធិការជាតិអូឡាំពិករៀបចំព្រឹត្តិការណ៍សុីហ្គេមឆ្នាំ ២០២៣ បានបញ្ចេញរូបរាងនៃមេដាយ ដែលត្រៀមផ្តល់ជូនអត្តពលិក ដែលមានសមត្ថភាពទទួលបានជ័យជំនះ។
នៅក្នុងនោះផងដែរ អ្វីដែលគេចាប់អារម្មណ៍នោះ គឺផ្កាមួយប្រភេទ ដែលជាផ្កាដំណាងជាតិ ក៏ត្រូវបានដាក់បញ្ចូលអមជុំវិញ មេដាយថែម ដែលវាបានរំលេចនូវភាពស្រស់ស្អាតកាន់តែខ្លាំងថែមទៀតផងដែរ។
ផ្កានោះគឺជាផ្ការំដួល ដែលជាផ្កាតំណាងជាតិរបស់កម្ពុជា តាំងពីយូរលង់ណាស់មកហើយ ។ ផ្ការំដួលបានផ្សាភ្ជាប់អត្ថន័យយ៉ាងជ្រាលជ្រៅទៅនឹងប្រជាជនកម្ពុជា ទាំង ប្រពៃណី វប្បធម៌ ទំនៀមទម្លាប់ធម៌ សិល្បៈ ចម្លាក់ នៅតាមប្រសាទនានា ដូចជាចម្លាក់អប្សរានៅប្រាសាទអង្គរវត្តជាដើម។
ផ្ការំដួលមានដុះ ស្ទើរតែពាសពេញផ្ទៃប្រទេសកម្ពុជា ជាពិសេសមានដាំភាគច្រើននៅតាម លំនៅឋានរបស់បងប្អូនប្រជាពលរដ្ឋនៅស្រុកខ្មែរចម្ការ និងតាមទីសួនសារធារណ: មានក្លិនក្រអូបពិដោរ។ បងប្អូនខ្មែរយើងតែងតែសំដៅផ្ការំដួល តំណាងឱ្យកុលស្ត្រីខ្មែរ ដែលមាន អត្តចរិតស្លូតបូត សុភាពរាបសារ និងប្រកបទៅដោយចរិយាសម្បតិ្ត សម្រស់ស្រស់ស្អាតល្អផូរផង់ ក៏ដូចជាតំណាងឲ្យភាពរួសរាយរាក់ទាក់ ស្នាមញញឺមរបស់ប្រជាជនខ្មែរផងដែរ។
ដោយឡែកផ្ទៃខាងក្រោយនៃមេដាយមានរូបវិមានឯករាជ្យ វិមានឈ្នះឈ្នះ ពហុកីឡដ្ឋាន អមជាមួយក្បាច់ផ្កាចន្ទន៍៕
