កោះស្រឡៅជាកោះមួយដែលស្ថិតនៅ ភូមិកោះស្រឡៅ ឃុំកោះកាពិ ស្រុកកោះកុង ខេត្តកោះកុងដែលមានសហគមន៏មួយឈ្មោះថា សហគមន៏កោះស្រឡៅ ដែលមានប្រជាជនរស់នៅទីនោះប្រហែងជា ២០០ គ្រួសារជាង ហើយជាភូមិមួយដែលប្រជាពលរដ្ឋភាគច្រើនប្រកបរបរនេសាទ។
កោះស្រឡៅគឺជាតំបន់ព្រៃកោងកាងយ៉ាងស្រស់ស្អាតហើយវាក៏ជាទីជម្រករបស់ពពួកហ្វូងមច្ឆាសមុទ្រចម្រុះគ្នា ដែលបានផ្តល់ប្រយោជន៍ទៅអោយប្រជាជននៅទីនោះប្រកបរបរនេសាទជាប្រចាំថ្ងៃ។
សម្រាប់ការធ្វើដំណើរវិញ បើសិនជាចេញពីខេត្តកោះកុងត្រូវចំណាយពេលប្រហែល៣០នាទីមកផែព្រែកក្ដួចហើយបន្តដំណើរទៅតាមទូកឈើប្រហែល២៥នាទីទៀតទើបទៅដល់កោះស្រឡៅ។
មកដល់កោះនេះលោកអ្នកនឹងទទួលបានអារម្មណ៍ប្លែកត្រជាក់ចិត្ត ដោយបានគយគន់ទេសភាពដ៏ស្រស់ស្អាតដូចផ្ទាំងគំនូរនៅលើកោះនេះ។
មិនតែប៉ុណ្ណោះលោកអ្នក ក៏អាចជួលទូកអ្នកនេសាទ ជិះកម្សាន្ត ស្ទួចត្រី និងគយគន់ថ្ងៃលិចបានថែមទៀត៕
