ដំបូងឡើយ យន្តហោះភាគច្រើនលាបពណ៌លោហៈ ក៏ប៉ុន្តែដោយសារតែងាយជាប់ធូលី និងមើលទៅឃើញស្រស់ផង គេក៏បានសម្រេចចិត្តបោះបង់វា មកយកពណ៌សវិញ។
តែយ៉ាងណាមិញវានៅមានបញ្ហាបច្ចេកទេសមួយចំនួនទៀត ដែលយន្តហោះភាគច្រើន តែងលាបពណ៌ស៖
១. បញ្ចុះកម្តៅ និងរក្សាសីតុណ្ហភាពក្នុងយន្តហោះ
ខុសពីពណ៌ផ្សេងៗ ពណ៌ស គឺជាពណ៌ចម្លងកម្តៅបានតិចជាងគេបំផុត។ ដូច្នេះក្នុងការហោះហើរក្នុងរយៈកម្ពស់ខ្ពស់ យន្តហោះមិនងាយស្រូបយកកម្តៅខ្លាំង ដែលធ្វើឱ្យប៉ះពាល់សីតុណ្ហភាពក្នុងយន្តហោះនោះទេ។
២.ការសន្សំផ្នែកហិរញ្ញវត្ថុ
ការលាបពណ៌ផ្សេង ត្រូវចំណាយថ្លៃលើសពណ៌ស។ ជាទូទៅ តម្លៃនៃការលាបពណ៌ផ្សេងៗនៅលើយន្តហោះ មានតម្លៃចន្លោះពី ៥ម៉ឺនដុល្លារ ដល់ ២០ម៉ឺនដុល្លារ ហេតុដូចនេះប្រសិនបើលាបពណ៌ផ្សេងអាចអស់ទ្វេដង។ ម៉្យាងវិញទៀត ពណ៌ផ្សេងនឹងបន្ថែមទម្ងន់ទៅលើយន្តហោះផងដែរ។
៣.ការពារសត្វបក្សី
យោងតាមការសិក្សារបស់អាមេរិកមួយនៅក្នុងសៀវភៅ Human-Wildlife Interactions ក្នុងឆ្នាំ២០១១ បានបង្ហាញថា ពពួកសត្វស្លាបគឺមិនងាយហោះសំដៅទៅរកពណ៌ ស ឬពណ៌ដែលមានពន្លឺចាំងទេ
៤.ងាយស្រួលរកកន្លែងខូច
ពណ៌ស នឹងផ្តល់ភាពងាយស្រួលក្នុងការរកកន្លែង ខូចខាត ដោយយើងងាយមើលនឹងភ្នែកទទេ
៥. ករណីសង្គ្រោះបន្ទាន់
ប្រសិនបើមានឧបទ្ទវហេតុធ្លាក់យន្តហោះ ក្រុមការងារសង្គ្រោះនឹងងាយរកឃើញ៕
ប្រភព៖ menkoravation
