ងូតទឹកមិនត្រឹមជួយអ្នកបញ្ចេញស្រ្តេស តែក៏ជួយឲ្យចរាចរណ៍ឈាមបានល្អ រួមទាំងរាងកាយមានភាពស្រស់ស្រាយ។ យ៉ាងណាក្តី បើអ្នកឃើញសញ្ញាប៉ុន្មាននេះ បង្ហាញថា អ្នកមិនគួរងូតទឹកឡើយ ពិសេសក្នុងរដូវរងា។
១ ពេលក្តៅខ្លួន
បើសីតុណ្ហភាពរាងកាយកើនដល់ 38 ដឺក្រ នោះជាពេលដែលរាងកាយចាប់ផ្តើមចុះខ្សោយ ដូច្នេះបើងូតទឹកនឹងធ្វើឲ្យផ្តាសាយ។
២ នៅពេលសម្ពាធឈាមចុះទាប
សញ្ញាបង្ហាញថាសម្ពាធឈាមកំពុងចុះទាបដូចជា វិលមុខ ឈឺក្បាល រកកលដួរសន្លប់ ការផ្តោតអារម្មណ៍ចុះខ្សោយ ភ្នែកមើលមិនច្បាស់ ស្បែកស្លេក…។ អ្នកមិនត្រូវងូតទឹកក្តៅទេ ព្រោះធ្វើឲ្យសសៃឈាមរីក ងាយប៉ះពាល់ដល់ខួរក្បាលធ្វើឲ្យអស់កម្លាំងនិងវិលមុខ។ វិធីល្អ នៅពេលសម្ពាធឈាមចុះទាប អ្នកត្រូវសម្រាកសិនចាំងូតទឹក។
៣ នៅពេលស្រវឹង
ងូតទឹកនៅពេលស្រវឹងប្រៀបដូចបំផ្លាញខ្លួនឯង។ សូម្បីតែពេលផឹកស្រារួច ក៏ហាមមិនឲ្យងូតទឹកភ្លាមៗដែរ ព្រោះបណ្តាលឲ្យសម្ពាធឈាមធ្លាក់ចុះលឿន បណ្តាលឲ្យគាំងបេះដូង ឬដាច់សសៃឈាមខួរក្បាលបាន។
៤ នៅពេលហូបឆ្អែត
ក្រោយញ៉ាំអាហាររួច មិនគួរងូតទឹកទេ ព្រោះស្បែកនិងសសៃឈាមរីកបណ្តាលឲ្យឈាមហូរទៅកាន់ផ្ទៃរាងកាយ រារាំងចរាចរណ៍ឈាមទៅកាន់សរីរាង្គរំលាយអាហារ។ តាំងនេះធ្វើឲ្យគ្រោះថ្នាក់ដល់ក្រពះ ពោះវៀន និងជាតិស្ករក្នុងឈាម៕