ក្រុមហ៊ុនហាណូយ Airlios បានបង្ហាញរថយន្តអគ្គិសនីហោះ ដែលខ្លួនគ្រោងនឹងលក់ជាលក្ខណៈពាណិជ្ជកម្ម នៅឆ្នាំ២០២៤។
រថយន្តអគ្គិសនីហោះនេះ មានកៅអីទោល ដែលអាចហោះហើរបញ្ឈរបាន ដល់ទៅ ១០ ម៉ែត្រ ក្នុងរយៈពេល ១០វិនាទី ហើយបន្ទាប់មក ហោះហើរក្នុងល្បឿន ១០០គីឡូម៉ែត្រក្នុងមួយម៉ោង។
វាអាចឡើងដល់កម្ពស់ ១២០ ម៉ែត្រ ដែលមានកម្ពស់ដូចនឹងអគារ ៤៤ ជាន់។ វាមានថ្មចំនួន ៨ ដែលត្រូវបានសាកពេញ ក្នុងរយៈពេល៧ ទៅ ៩ នាទី នៅស្ថានីយ៍សាកថ្ម ៣០ គីឡូវ៉ាត់។ ភាគច្រើនផលិតពីអាលុយមីញ៉ូម និងសរសៃកាបូន ហើយអាចហោះហើរបានទាំងដោយស្វ័យប្រវត្តិ និងដោយដៃ។
គំរូមួយ ហោះបានយ៉ាងជោគជ័យក្នុងរយៈចម្ងាយ ៣៣គីឡូម៉ែត្រក្នុងរយៈពេល ២០នាទី ក្នុងរយៈកម្ពស់ក្រោម ១២០ម៉ែត្រ។ វាត្រូវបានសាកល្បងរយៈពេល ១០០ម៉ោង និង ១០០០គីឡូម៉ែត្រ។ គម្រោងនេះសម្រេចបាន ៧០-៨០ ភាគរយហើយ៕
ប្រភព៖ VN Express
