រាជធានីភ្នំពេញ ៖ តាមការគ្រោង ប្រជាពលរដ្ឋកម្ពុជាចំនួន១៥៨នាក់នៅម៉ាឡេស៊ី នឹងវិលត្រឡប់មកកម្ពុជា នៅថ្ងៃទី២៦ មិថុនានេះ ប៉ុន្តែមានពលរដ្ឋកម្ពុជាចំនួន៥៣នាក់ សម្រេចចិត្តមិនវិលត្រឡប់មកកម្ពុជាវិញទេ ។ ចំណែកប្រជាពលរដ្ឋកម្ពុជាចំនួន១០៥នាក់ បានមកដល់កម្ពុជាហើយ ។
អ្នកនាំពាក្យក្រសួងការបរទេស សហប្រតិបត្តិការអន្តរជាតិ លោក កុយ គួង បានអោយដឹងថា ដោយមានការសហការ និងជួយសម្របសម្រួល របស់ស្ថានទូតកម្ពុជាប្រចាំប្រទេសម៉ាឡេស៊ីជើងហោះហើរលេខ MH754 របស់ក្រុមហ៊ុន អាកាសចរណ៍ ម៉ាឡេស៊ី បានដឹកអ្នកដំណើរពលរដ្ឋកម្ពុជា ក្នុងនោះមាននិស្សិត និងពលករ ចំនួន ១០៥នាក់ និងអ្នកដំណើរជនជាតិម៉ាឡេស៊ី ២នាក់ បានចាកចេញពីទីក្រុងគូឡាឡាំពួ នៅព្រឹកថ្ងៃទី២៦ ខែមិថុនា នេះ ហើយបានមកដល់ទីក្រុងភ្នំពេញនៅវេលាម៉ោងជាង១១ព្រឹកមិញថ្ងៃដដែល ។ យ៉ាងណាអ្នក ៥៣នាក់ទៀត នៅមិនទាន់ដឹងពីមូលហេតុ ដែលពួកគេសម្រេចចិត្តមិនវិលត្រឡប់មកកម្ពុជាវិញនោះ នៅឡើយទេ ។
សូមរម្លឹកថា ថ្ងៃទី២៦នេះ ពលរដ្ឋខ្មែរនៅម៉ាឡេស៊ី ១៥៨នាក់ទៀត នឹងមកដល់កម្ពុជា
