រាជធានីភ្នំពេញ ៖ ស្ពានបាឡេ ឆ្លងកាត់ទន្លេសាប ពីចំណុចឃ្លាំងស្តុកប្រេងសូគីម៉ិច ផ្លូវជាតិលេខ៥ ក្នុងខណ្ឌឫស្សីកែវ ឆ្ពោះមកកាន់តំបន់អភិវឌ្ឍន៍ ទីក្រុងរណបជ្រោយចង្វា ខណ្ឌជ្រោយចង្វា នឹងបើកដំណើរការធម្មតាវិញ នៅថ្ងៃទី១៦ ខែកញ្ញា ឆ្នាំ២០១៩នេះ ក្រោយផ្អាកមួយរយៈពេល ព្រោះសាឡង់ដឹកប្រេងប៉ះ ។
បើតាមរដ្ឋបាលរាជធានីភ្នំពេញ បានអោយដឹងថា ស្ពានបេឡេឫស្សីកែវ នឹងដាក់អោយដំណើរការឡើងវិញ ចាប់ពីវេលាម៉ោង៧ព្រឹក នៅថ្ងៃទី១៦ កញ្ញា នេះតទៅ ដោយការខិតខំប្រឹងប្រែងរបស់វិស្វករ និងបងប្អូនកម្មករការដ្ឋានទាំងថ្ងៃ ទាំងយប់ មកដល់ពេលនេះ ការជួសជុលស្ពានបេឡេឡើងវិញ បានបញ្ចប់រួចរាល់ហើយ ។
សូមអញ្ជើញបងប្អូនប្រជាពលរដ្ឋ ធ្វើដំណើរឆ្លងកាត់ស្ពានបេឡេ ប្រកបដោយសេចក្តីរីករាយក្នុងឱកាសបុណ្យភ្ជុំបិណ្ឌ ហើយសង្ឃឹមថា ស្ពានជ្រោយចង្វារដែលកកស្ទះប៉ុន្មានថ្ងៃមកនេះ នឹងកាត់បន្ថយការកកស្ទះចរាចរ វិលមកប្រក្រតីឡើងវិញ ។
សូមជម្រាបថា ផ្អាកឆ្លងស្ពាន! សាឡង់ដឹកប្រេងក្រុមហ៊ុនសាវីមីចបើកប៉ះ សសរស្ពានបាឡេរងការខូចខាត
