ខេត្តបាត់ដំបង ៖ គិតមកត្រឹមម៉ោង១០និង៥៣នាទីព្រឹកថ្ងៃទី០៧ ខែសីហា ឆ្នាំ២០១៩ នេះ បុរសម្នាក់ជាអ្នកយកអាចម៍ប្រចៀវនៅតាមរូងភ្នំ បានធ្លាក់ចូលជាប់ក្នុងចន្លោះនៃផ្ទាំងថ្ម រយៈពេល៤ថ្ងៃនោះ នៅពុំទាន់ជួយសង្គ្រោះចេញពីរូងថ្មបាននៅឡើយទេ ។
បើតាមសាក្សីម្នាក់នៅក្បែរកន្លែងកើតហេតុបានប្រាប់អោយដឹងថា បុរសរងគ្រោះមានឈ្មោះ ស៊ុម បូរ៉ា អាយុ២៨ឆ្នាំ រស់នៅភូមទឹកថ្លា ឃុំអង្គរបាន ស្រុកសំពៅលូន ខេត្តបាត់ដំបង បានឡើងភ្នំ ចូលក្នងរូងភ្នំហុងទឹក ស្ថិតនៅភូមិហុងទឹក ឃុំបារាំងធ្លាក់ ស្រុកភ្នំព្រឹក ដើម្បីកើបអាចម៌ប្រចៀវ ហើយបានកៀបជាប់ក្នុងចន្លោះរូងភ្នំ តែម្តង លុះដល់ម៉ោង៨យប់ថ្ងៃទី០៦ ខែសីហា ឆ្នាំ២០១៩ ម្សិលមិញនេះ ទើបប្អូនប្រុសបង្កើតរបស់ជនរងគ្រោះឈ្មោះ ស៊ុម រដ្ឋា តាមរកឃើញហើយបានរាយការណ៍ទៅកាន់សមត្ថកិច្ច អោយជួយសង្គ្រោះ តែបច្ចុប្បន្នពុំទាន់ជួយសង្គ្រោះចេញពីរូងថ្មបាននៅឡើយទេ ដោយសារតែស្ថានភាពពិបាកក្នុងការសង្គ្រោះ ។ ព័ត៌មានលម្អិតនឹងផ្សាយជូនបន្ត…
បុរសម្នាក់ទៅប្រមូលអាចម៍ប្រចៀវលក់ ធ្លាក់ជាប់ក្រហែងថ្ម អត់បាយអត់ទឹក៤ថ្ងៃ ទឹកដោះម្តាយថ្លៃ មិនស្លាប់ សមត្ថកិច្ចកំពុងជួយសង្គ្រោះ (មានវីដេអូ)
សូមទស្សនាវីដេអូ ពីគណនីហ្វេសប៊ុកមួយមានឈ្មោះ Chea Kry បានធ្វើការផ្សាយផ្ទាល់ចេញពីកន្លែងកើតហេតុ ៖
