អ្នកនាង ម៉េង កែវពេជ្ជតា និងលោក ណុប បាយ៉ារិទ្ធ ចោទសួរទៅកាន់ថៃថាខ្មែរជាអ្វីឱ្យប្រាកដ

ម្តងដៀលថាខ្មែរជាប្រទេសក្រីក្រ ម្តងចោទប្រកាន់ថាខ្មែរបានជួលលោក មីឆែល ប៊ី អាល់ហ្វារ៉ូ (Michael B. Alfaro) និយាយមិនពិតពីប្រទេសថៃ តារាចម្រៀង ម៉េង កែវពេជ្ជតា ថាថៃបែកកាវ ខណៈរូបអ្នកនាងនិងតារាម្រៀង ណុប បាយ៉ារិទ្ធ បានចោទសួរទៅកាន់ថៃវិញថាខ្មែរជាអ្វីឱ្យប្រាកដ។

កាលពីយប់ថ្ងៃទី១៥ សីហា វត្តមានរបស់លោក អាល់ហ្វារ៉ូ បាន Live នៅលើបណ្តាញសង្គមហ្វេកប៊ុករបស់ខ្លួនបង្កឱ្យមានការរំជើបរំជួលយ៉ាងខ្លាំងព្រោះតែលោកហ៊ាននិយាយការពិតបន្ទាប់ពីឃើញទុក្ខលំបាករបស់ប្រទេសកម្ពុជាហើយប្រទេសតូចមួយនេះពិតជាចង់បានសន្តិភាពពិតប្រាកដ។ ទោះយ៉ាងណា ការ live របស់លោកត្រូវរងការចោទប្រកាន់ពីសំណាកអ្នកលេងបណ្តាញសង្គមថៃនិងចោទមកកាន់ភាគីកម្ពុជាថាជួលលោកមកនិយាយមិនពិតអំពីប្រទេសរបស់ខ្លួន។ ឃើញមានការចោទប្រកាន់ថាកម្ពុជាជួលលោក អាល់ហ្វារ៉ូ តារាចម្រៀង ម៉េង កែវពេជ្ជតា និង លោក ណុប បាយ៉ារិទ្ធ ចេញមកចោទសួរចំៗទៅកាន់ផ្ទះលេខ២។

អ្នកនាង ម៉េង កែវពេជ្ជតា បានសរសេរថា «សៀមបែកកាវ ម្តងដៀលខ្មែរក្រ ម្តងចោទខ្មែរជួលអ្នកឆ្លើយឆ្លងព័ត៌មានអាម៉េរិកមកផ្សាយ សរុបទៅ ប្រទេសអញមានឬក្រហង ?»។https://blogger.googleusercontent.com/img/b/R29vZ2xl/AVvXsEgJ7uFBu_E766F2oOPUyEksQAasuY2e7etWguuDwg9RwCWA6HyzHKiM34hA20JAUaTKdvzTLzYZ9ZvBzfWreu5d88IjWzlp0wXfn1p96TRI8e6dWzlABwIf67agpPBtHQratRwokN0QtCVGBTLD0rla_vdV5kOiuNL5HE7tjv5BbqXICDxZ8cp-2x-clMet/s1616/image_2025-08-05_08-52-31.png

ងាកមកកាន់តារាចម្រៀងក្នុងទ្រនំរស្មីហង្សមាសលោក ណុប បាយ៉ារិទ្ធ វិញបានសរសេរថា «ពួកវាមួយណាវឹបឡើងដៀលថាខ្មែរក្ររហាម សុំទានកន្លះប្រទេស !
តែពេលនេះវាចោទថាខ្មែរមានលុយជួលលោក Michael យកមកឡាយ
ឥលូវសម្រេចសម្រួល ខ្មែរ ក្រ ឬ មាន??? មើលហ្អែងឆ្លើយមើល???»។

គួរបញ្ជាក់ផងដែរថា បន្ទាប់ពីមានការចោទប្រកាន់លោក Michel Alfaro ជាបុគ្គលដែលកម្ពុជាជួលឱ្យផ្សាយព័ត៌មានមិនពិតពីថៃ អ្នកនាំពាក្យរដ្ឋាភិបាលថៃ លោក ជិរ៉ាយុ ហួងសាប់ បានប្រកាសហៅលោក Alfaro ឱ្យមកផ្សាយពីថៃម្តង ។ ប៉ុន្តែការប្រកាសនេះមិនបាន១ថ្ងៃផង បន្ទាប់ពីលោក Alfaro យល់ព្រមទៅថៃតាមសំណើ បែរជាអ្នកនាំពាក្យរដ្ឋាភិបាលថៃរូបនេះមិនឱ្យលោក Alfaro ទៅជាន់ដីថៃទៅវិញ។

រឿងនេះកាន់តែបញ្ជាក់ទៅកាន់ពិភពលោកថាថៃមានអត្តចរិតក្រឡេកក្រឡុចបែបណា ម្តងនិយាយបែបនេះម្តងនិយាយបែបនោះហើយការនិយាយលេបសម្តីខ្លួនឯងវិញក៏ធ្វើឱ្យមានការសង្ស័យថាទំនងថៃខ្លាចលោក អាល់ហ្វារ៉ូ និយាយការពិត៕