តារាកំប្លែង ពូណុយ បានចេញវីដេអូមួយនិយាយអំពីអ្នកលក់អនឡាញ Love Riya ដែលកំពុងឃុំខ្លួនជាបណ្តោះអាសន្ន។ តារាកំប្លែងរូបនេះបាននិយាយថាលោកមានតែអាណិតអ្នកលក់អនឡាញរូបនេះព្រោះមានអ្វីគ្រប់យ៉ាងបែរជាមកដល់ចំណុចនេះ ខណៈពូណុយ ថា Love Riya គឺខុសពីមុន។
តារាកំប្លែង ពូណុយ បានបង្ហោះវីដេអូមួយនិយាយអំពី Love Riya នៅលើបណ្តាញសង្គមទិកតុកកាលពីថ្ងៃទី ១៧ សីហា ដោយបានដាក់ចំណងជើងថា «ខ្ញុំគិតថាបងប្អូនក៏មើលឃើញមិនខុសខ្ញុំដែរ»។ តារាកំប្លែងរូបនេះបាននិយាយថាលោកមិនចង់ចេញវីដេអូនិយាយក្រៅពីកំប្លែងនោះទេហើយអ្នកគាំទ្រក៏មិនចង់ឱ្យខ្លួនលោកចេញវីដេអូផ្សេងក្រៅពីកំប្លែងដូចគ្នា ប៉ុន្តែដោយសារតែមានការខម្មិនជាច្រើនថា Love Riya ជាមេរបស់លោក។ តារាកំប្លែង ពូណុយ បានរៀបរាប់ថាទោះបីជាមេ ប៉ុន្តែសម្រាប់រឿងផ្ទាល់ខ្លួនបើឃើញខុសថាខុស បើឃើញត្រូវថាត្រូវហើយលោកមិនបានស៊ែរកាន់ជើងថា Love Riya ត្រូវនោះទេ ខណៈទុកឱ្យ ច្បាប់ជាអ្នកដោះស្រាយ។
ពូណុយ ថាលោកឃើញ Love Riya គឺមានតែអាណិត ដោយសារតែគាត់មានគ្រប់យ៉ាងប៉ុន្តែមានថ្ងៃនេះ ក្លាយទៅជាអ៊ីចឹង។ ក្នុងនោះដែរ ពូណុយ បានបញ្ជាក់ថាមួយរយៈក្រោយមកនេះដែលតាមដានវីដេអូការ Live គឺមើលការនិយាយ២ ៣នាទីគឺដឹងថាមនុស្សនោះបែបមិច។ តារាកំប្លែងរូបនេះបានបន្តទៀតថា ជាច្រើនខែមកហើយតាំងពីការសូមទោសលើកទី១ ហើយលោកបានដឹងក្នុងចិត្តប៉ុន្តែមិនមានសិទ្ធិអីនិយាយ ខណៈ ពូណុយ បានបន្ថែមទៀតថា ប្រសិនជាគាត់ (Love Riya) ដូចពេលនេះតើគាត់ទទួលបានងារដែរឬទេ ព្រោះកាលពីមុន Love Riya ពុំដូច្នេះឡើយ។.png)
ការនិយាយបែបនេះ ពូណុយ បានអះអាងថាមិនមែនជាការតវ៉ា សម្រាលទោសពីគាត់នោះទេលោកមិនមានការជាប់ពាក់ព័ន្ធទេប៉ុន្តែឃើញខុសថាខុស ឃើញត្រូវថាត្រូវ ហើយលោកឃើញ Love Riya គឺអាណិតមិនមែនតែទើបតែឥឡូវគេចាប់គាត់នោះទេ។ ជាមួយគ្នានេះដែរ ពូណុយ បានរៀបរាប់ទៀតថាក្នុងរយៈពេល២ឆ្នាំដែលធ្វើការជាមួយ Love Riya មិនដែលជួបក្រុមហ៊ុនណាដូចជាក្រុមហ៊ុនរបស់ Love Riya មិនដែលឃើញមានការរិះគន់ កែប្រែវីដេអូសូម្បីម្តង មានតែលោកជាអ្នកស្នើវិញថាមានចំណុចណាដែលត្រូវកែប្រែឬអត់ ហើយដល់ថ្ងៃគឺបើកលុយ ដល់ថ្ងៃបើកលុយ។
គួរបញ្ជាក់ផងដែរថា អ្នកលក់អនឡាញ Love Riya ដែលមានឈ្មោះពិតថា ឆេង ស្រីរ័ត្ន ត្រូវបានតំណាងអយ្យការអមសាលាដំបូងខេត្តកណ្ដាល បានសម្រចចោទប្រកាន់ ពីបទញុះញង់ឱ្យមានការរើសអើង និងធ្វើឱ្យខូចទឹកចិត្តកងទ័ព៕
