អ្នកគាំទ្ររបស់ Esther Yu ខឹងសម្បារដោយសារតែពាក្យសម្តីរបស់ Zhao Lusi

នៅក្នុងការ Live នាពេលថ្មីៗនេះ Zhao Lusi កំពុងអនុវត្តការធ្វើតេស្តបើកបររបស់នាងនៅពេលដែលនាងត្រូវបានគេសួរអំពីការកាត់ ១២ ពិន្ទុសម្រាប់ការបញ្ច្រាសនៅលើផ្លូវហាយវេ។ តារាស្រីរូបនេះបាននិយាយថា៖ «តើការបំពានអ្វីដែលនាំឱ្យកាត់១២ពិន្ទុហ្នឹងវាបញ្ច្រាសផ្លូវខ្ញុំដឹងរឿងហ្នឹងមានអ្នកសិល្បៈមុនហ្នឹង…»។ Zhao Lusi ឈប់និយាយពាក់កណ្តាលប្រយោគ ហើយញញឹមនិងមិនពន្យល់បន្ថែមឡើយ។ សកម្មភាពនិងពាក្យសម្តីរបស់ Zhao Lusi ធ្វើឱ្យបណ្ដាញសង្គមផ្ទុះឡើងភ្លាមៗ។

អ្នកសរសេរប្លក់ជនជាតិចិនទាំងអស់បានបង្ហោះអត្ថបទដែលអះអាងថាបុគ្គលដែល Zhao Lusi សំដៅទៅលើគឺ Esther Yu ។ ដោយសារតែក្នុងឆ្នាំ ២០២៤ Esther Yu ធ្លាប់ជាប់ពាក់ព័ន្ធក្នុងរឿងអាស្រូវនៅពេលដែលរថយន្តដឹកនាង បើកបរខុសច្បាប់ចូលទៅក្នុងផ្លូវសង្គ្រោះបន្ទាន់នៅលើផ្លូវហាយវេ ដោយសារតែអ្នកគាំទ្រងប់ងល់ម្នាក់កំពុងតាមក្រោយនាង។ ចំណែករថយន្តដែលដឹកអ្នកគាំទ្រងប់ងល់នោះក៏ធ្វើតាម ហើយត្រូវប៉ូលិសចរាចរណ៍ផាកពិន័យ។
អ្នកគាំទ្ររបស់ Esther Yu មានការខឹងសម្បារយ៉ាងខ្លាំង ដោយបានរិះគន់ Zhao Lusi ថាជា ក្មេងស្រីតែបៃតង ដែលមានន័យថា ជាមនុស្សម្នាក់ដែលមើលទៅស្លូតត្រង់ និងឆោតល្ងង់ ប៉ុន្តែតាមពិតមានគំនិត និងល្បិចកលខ្លាំងសម្រាប់ការនិយាយសំដៅលើអាយដលរបស់ពួកគេដោយចេតនា។ អ្នកគាំទ្រក៏បានពន្យល់ថា អ្នកដែលបំពានច្បាប់ដោយបើកបញ្ច្រាសផ្លូវនោះគឺជាអ្នកបើកបរមិនមែន Esther Yu ទេ ប៉ុន្តែ Zhao Lusi បាននិយាយចំៗថានាងជាអ្នកសិល្បៈ។ ជាការឆ្លើយតប អ្នកគាំទ្ររបស់ Zhao Lusi បានប្រកែកថា តារាស្រីរូបនេះមិនបាននិយាយឈ្មោះចំនោះទេ ប៉ុន្តែអ្នកគាំទ្ររបស់ Esther Yu បានអះអាងថាជានាង ហើយបានប្រកែកតាមអ៊ីនធឺណិត។

នេះមិនមែនជាលើកទីមួយទេដែលអ្នកគាំទ្ររបស់តារាស្រីទាំងពីររូបបានប្រឈមមុខនឹងសង្គ្រាមពាក្យសម្តីនៅតាមបណ្ដាញសង្គម។ កាលពីឆ្នាំមុន រឿងភាគទូរទស្សន៍ចំនួនពីរដែលសម្តែងដោយ Esther Yu និង Zhao Lusi បានចាក់ផ្សាយក្នុងពេលតែមួយ ដែលធ្វើឱ្យអ្នកគាំទ្រភាគីទាំងសងខាងប្រកួតប្រជែងគ្នាឥតឈប់ឈរអំពីស្នាដៃរបស់ពួកគេ។

យ៉ាងណាមិញ លើកនេះ អ្នកនិយមលេងអ៊ីនធឺណិតជាច្រើន ជឿថាការនិយាយរបស់ Zhao Lusi ទៅលើអ្នកសិល្បៈផ្សេងទៀត គឺជាអាកប្បកិរិយា មានន័យ។ Esther Yu ត្រូវបានអ្នកសរសេរប្លុកដាក់ឈ្មោះដោយមិននឹកស្មានដល់ដូច្នេះហើយទើបអាចយល់បានថាអ្នកគាំទ្ររបស់នាងខឹងសម្បារ។ ម៉្យាងវិញទៀត Zhao Lusi គឺជាតារាដ៏ល្បីមួយរូប ដែលនាងចែករំលែកតែងតែជាប្រធានបទ “ក្តៅគគុក” សម្រាប់ការពិភាក្សា។ ដូច្នេះហើយ ទើបតារាស្រីរូបនេះ ត្រូវបានគេសង្ស័យថា មានចេតនាចំអកឱ្យមិត្តរួមការងារ មិនមែនជាទង្វើអចេតនានោះទេ៕