យោងតាមលោកវេជ្ជបណ្ឌិត Nguyen Anh Duy Tung បាននិយាយថា ស៊ុតជាប្រភពប្រូតេអ៊ីនដ៏សំបូរបែប ដែលអាចធ្វើឱ្យមនុស្សមានអារម្មណ៍ថាឆ្អែតបានយូរ បើទោះបីជាញ៉ាំអាហារតិចតួចក៏ដោយ ព្រោះប្រូតេអ៊ីននៅក្នុងស៊ុតនឹងជួយទំនុកបម្រុករាងកាយ ក៏ដូចជាពង្រឹងដំណើរការដុតបំផ្លាញជាតិខ្លាញ់ផងដែរ។ មិនត្រឹមតែប៉ុណ្ណោះ វាថែមទាំងផ្តល់នូវសារធាតុចិញ្ចឹមចាំបាច់ដល់រាងកាយផងដែរ ក៏ដូចជាជួយឲ្យសុខភាពរឹងមាំ ព្រោះក្នុងស៊ុតមួយគ្រាប់ៗមានផ្ទុកនូវបរិមាណកាឡូរីទាប គ្មានជាតិស្ករ បរិមាណខ្ពស់នៃវីតាមីន B ផូស្វ័រ សេលេញ៉ូម និងសារធាតុប្រឆាំងអុកស៊ីតកម្ម ។ ដូច្នេះហើយ ការទទួលទានស៊ុតឱ្យបានត្រឹមត្រូវក៏ជួយឱ្យមនុស្សមានតុល្យភាពនៅក្នុងគ្រប់គ្រងកម្រិតជាតិស្ករក្នុងឈាម កាត់បន្ថយការឃ្លាន និងសម្រកទម្ងន់បានយ៉ាងមានប្រសិទ្ធភាពបំផុតដូចខាងក្រោម ៖
១ បរិភោគទាំងផ្នែកលឿងនិងផ្នែកសនៃស៊ុត ៖ សារធាតុបំប៉នភាគច្រើននិងប្រូតេអ៊ីនជាងពាក់កណ្តាលគឺនៅក្នុងផ្នែកលឿងនៃស៊ុត។ ដូច្នេះហើយ ការដកស៊ុតផ្នែកលឿងចេញគឺមានន័យថា បានដកសារធាតុចិញ្ចឹមជាច្រើនដែលមាននៅក្នុងស៊ុត ដូចជា choline, folate, iron, selenium, phosphorus, zine, thiamine និងវីតាមីនមួយចំនួនទៀត។
២ ប្រើខ្លាញ់ល្អសម្រាប់ការចម្អិនស៊ុត៖ ការចៀនស៊ុតចៀនជាមួយខ្លាញ់សត្វ អាចបណ្តាលឱ្យឡើងទម្ងន់ ព្រោះមួយស្លាបព្រានៃខ្លាញ់សត្វមានផ្ទុកជាតិខ្លាញ់(ឆ្អែត) 7 ក្រាម ដែលអាចនាំឱ្យប្រឈមនឹងជំងឺសរសៃឈាមបេះដូង ជំងឺដាច់សរសៃឈាមខួរក្បាល និងជំងឺទឹកនោមផ្អែម។ ដូច្នេះហើយ ការប្រើខ្លាញ់(មិនឆ្អែត)ដូចជា ប្រេងអូលីវដើម្បីចម្អិនស៊ុតគឺជាជម្រើសដ៏ល្អបំផុតសម្រាប់សុខភាព។
៣ បរិភោគស៊ុតជាមួយនឹងរបបអាហារដែលត្រឹមត្រូវ ៖ វាមិនត្រូវបានណែនាំឱ្យញ៉ាំស៊ុតជាមួយនឹងម្ហូបមួយចានដែលងាយធ្វើឱ្យមនុស្សឡើងទម្ងន់ដូចជាសាច់គោចៀនឆ្អឹនពាក់កណ្តាល ឬ អាហារមានជាតិខ្លាញ់ច្រើននោះទេ។ អ្នកគួរតែបរិភោកស៊ុតជាមួយសាឡាដ គ្រាប់ធញ្ញជាតិទាំងមូល ឬទឹកដោះគោជូរ ដើម្បីបង្កើនការសម្រកទម្ងន់។
៤ គ្រប់គ្រងការទទួលទានស៊ុត៖ ជាទូទៅមនុស្សពេញវ័យម្នាក់អាចបរិភោគស៊ុតរហូតដល់៧គ្រាប់ក្នុងមួយសប្តាហ៍។ ទោះជាយ៉ាងណាក៏ដោយ ស៊ុតលឿងមានបរិមាណកូឡេស្តេរ៉ុលខ្ពស់។ បើយោងទៅតាមអ្នកជំនាញផ្នែកបេះដូងនៃសហរដ្ឋអាមេរិកបានបញ្ជាក់ថា អ្នកដែលមានបញ្ហាសរសៃឈាមបេះដូង មិនគួរទទួលទានស៊ុតលើសពី៣គ្រាប់ក្នុងមួយសប្តាហ៍នោះទេ៕
