ថ្មីៗនេះរដ្ឋមន្រ្តីក្រសួងអប់រំ ឯកឧត្តមបណ្ឌិតសភាចារ្យ ហង់ជួន ណារ៉ុន បានមានប្រសាសន៍ ផ្អាកដំណើរការបើកគ្រឹះស្ថានសិក្សាឯកជនថ្មីៗ។
ការលើកឡើងបែបនេះរបស់ឯកឧត្តមបណ្ឌិតសភាចារ្យ ហង់ជួន ណារ៉ុន ក៏ដោសារតែក្រសួងអប់រំចង់ពង្រឹកគុណភាពអប់រំ និងវាយតម្លៃការអប់រំជាមុនសិន។
ឯកឧត្តម បានបញ្ជាក់ទៀតថា៖” កាលណាដែលមានការបង្កើតសាលាឯកជនច្រើន គ្រូៗនៅសាលារដ្ឋមួយចំនួនបានផ្លាស់ទៅឯកជន។ មិនត្រឹមតែគ្រូនោះទេ សូម្បីតែសិស្សក៏អាចនឹងផ្លាស់ទៅសាលាឯកជនច្រើនផងដែរ ហេតុដូច្នេះ ដើម្បីឱ្យតុល្យភាព ក្រសួងមានតែស្នើឱ្យផ្អាកការបើកគ្រឹះស្ថានសិក្សាឯកជនសិន”។
ទន្ទឹមគ្នានេះដែរ រដ្ឋមន្រ្តីក្រសួងអប់រំ ក៏បានស្នើមន្ត្រីថ្នាក់ក្រោមជួយពង្រឹងវិស័យអប់រំនៅក្នុងសាលារដ្ឋ និងសិក្សាមូលហេតុដែលនាំឱ្យសិស្សផ្លាស់ទៅសាលាឯកជន៕
@moeyscambodia ការលើកកម្ពស់គុណភាពអប់រំដោយផ្តោតការពង្រឹងគុណភាពសាលារដ្ឋចាប់ពីថ្នាក់មត្តេយ្យ ដល់ មធ្យមសិក្សា តាមរយៈការពង្រឹងកិច្ចការសំខាន់ៗរួមមាន៖ – ទី១. ការពង្រឹងអភិបាលកិច្ចសាលា – ទី២. ការពិនិត្យ កែសម្រួលនិងរៀបចំកម្មវិធីសិក្សា និងសកម្មភាពក្រៅម៉ោងសិក្សាឱ្យស្របទៅតាមតម្រូវការក្នុងការពង្រឹងចំណេះដឹង វិន័យ សីលធម៌ និងឥរិយាបថរបស់សិស្ស – ទី៣. ការយកចិត្តទុកដាក់លើសុខភាពរបស់សិស្សតាមរយៈកម្មវិធីអាហារូបត្ថម្ភដល់កុមារ និងការត្រួតពិនិត្យគុណភាពចំណីអាហារនៅតាមសាលា , និង – ទី៤. ការជំរុញ និងលើកទឹកចិត្តការចូលរួមរបស់មាតាបិតា អាណាព្យាបាល និងសហគមន៍ក្នុងការអប់រំ ស្របតាមពាក្យស្លោក “ភាពជាដៃគូ រដ្ឋ និងសហគមន៍ ដើម្បីការអប់រំ” Public-Community Partnership for Education (PCPE)។
