ស្រ្តីខ្មែរ៣រូបដំបូងគេបង្អស់ បញ្ចប់ការសិក្សាផ្នែកនុយក្លេអ៊ែរស៊ីវិល

ស្ត្រីខ្មែរដំបូងគេ៣រូប បាននាំយកភាពជោគជ័យមួយ ជូនមាតុភូមិ ដោយបានក្លាយជាស្ត្រីខ្មែរដំបូងគេ ដែលបានបញ្ចប់ការសិក្សាផ្នែកនុយក្លេអ៊ែរស៊ីវិល។ស្ត្រីខ្មែរទាំង៣នាក់នោះមានឈ្មោះថា កញ្ញា ទិត្យម៉ារីណែត កញ្ញា សុីវ គីមលី និងកញ្ញា ណោង ជាលីណា  ដែលបានបញ្ចប់ការសិក្សាថ្នាក់បរិញ្ញាប័ត្រ ជំនាញ Nuclear Power Engineering and Thermal Physics (ជំនាញនុយក្លេអ៊ែរស៊ីវិល) ដោយជោគជ័យពីសាកលវិទ្យាល័យលំដាប់កំពូលទាំងពីរគឺ សាកលវិទ្យាល័យ Bauman Moscow State Technical University ទីក្រុង Moscow និងសាកលវិទ្យាល័យ National Research Nuclear University MEPhI ទីក្រុង Obninsk សហព័ន្ធរុស្ស៊ី។

អ្នកទាំងបី ជានិស្សិតបញ្ចប់ការសិក្សា ជំនាញថាមពលនុយក្លេអ៊ែរស៊ីវិល ជំនាន់ទី០២ នៃគម្រោងអភិវឌ្ឍធនធានមនុស្សរបស់រាជរដ្ឋាភិបាលកម្ពុជា ដើម្បីអាចឈានទៅសម្រេចបានការអភិវឌ្ឍន៍វិស័យថាមពលនុយក្លេអ៊ែរស៊ីវិលនៅកម្ពុជានាពេលខាងមុន៕

ប្រភព៖ ក្រសួងបរិស្ថាន