នាពេលបច្ចុប្បន្ននេះ បារីអេឡិចត្រូនិច (E-cigarette/Vape/Yooz) បានកំពុងវាយលុកជាខ្លាំងនៅក្នុងស្រទាប់យុវជនខ្មែរ ដោយពួកគេទាំងនោះយល់ឃើញថា បារីអេឡិចត្រូនិច (E-cigarette/Vape/Yooz) ជាឧបករណ៍សម្រាប់ផ្តាច់ការជក់បារី ហើយជាផលិតផលមានសុវត្ថិភាពជាងបារីធម្មតា។
បារីអេឡិចត្រូនិច (E-cigarette) មានផ្ទុកសារធាតុគីមី និងជាតិនីកូទីន (Nicotine) នៅពេលអ្នកប្រើប្រាស់ បឺតស្រូបជាតិផ្សែងចូលទៅក្នុងរាងកាយ គឺវាចូលទៅក្នុងខួរក្បាលរបស់អ្នកជក់។ បញ្ហានេះវាបង្កឱ្យកើតជំងឺសួតរ៉ាំរ៉ៃ ជំងឺដាច់សរសៃឈាមក្នុងខួរក្បាល និងជំងឺគាំងបេះដូង ជាដើម។
កាលពីពេលកន្លងទៅ ក្រសួងសុខាភិបាល អះអាងថា បារីអេឡិចត្រូនិច ពិតជាបង្កគ្រោះថ្នាក់ផលប៉ះពាល់ដល់សុខភាព និងសង្គម ព្រមទាំងអំពាវនាវដល់ យុវជន យុវនារី និងប្រជាជនទាំងអស់ សូមកុំសាកល្បង និងកុំជឿតាមការឃោសនាថា បារីអេឡិចត្រូនិចជា មធ្យោបាយផ្ដាច់បារី។
ក្រសួងក៏បានបញ្ជាក់ទៀតថា ៖”បារីអេឡិចត្រូ និចគឺជាទំនោរផ្លូវនាំឱ្យយុវជនក្លាយជាអ្នកជក់បារីធម្មតា និងឈានទៅរកការប្រើប្រាស់ គ្រឿងញៀនផ្សេងទៀតនាពេលអនាគត”៕
