អតីតបេក្ខជន Top 4 នាង ដាវីន បានបង្ហោះវីដេអូមួយ កោតសរសើរពីសន្តោនចិត្តល្អរបស់ តារាចម្រៀង ស៊ឹម ច័ន្ទពន្លឺ ហៅលោកគ្រូពេទ្យសង្ហា ជួយខ្លួនយ៉ាងស្វិតស្វាញក្រោយពីកាលវិភាគច្រៀងរបស់លោកជាន់ម៉ោងគ្នា។
នាង ដាវីន បានរៀបរាប់ថា លោក ស៊ឹម ច័ន្ទពន្លឺ មានការងារពីរកន្លែងគឺនៅខេត្តស្វាយរៀងមួយ នៅកំបូលមួយហើយទីតាំងកំបូលអ្នកទាំងពីរមានការងារជាមួយខណៈលោកជាន់ម៉ោងគ្នាបានពឹងឱ្យ ស៊ឹម ច័ន្ទពន្លឺ ជួយ។ នាង ដាវីន ប្រាប់ថា លោកគ្រូពេទ្យ ស៊ឹម ច័ន្ទពន្លឺ បានសុំម៉ោងគេច្រៀងពេលថ្ងៃវិញនៅខេត្តស្វាយរៀង ហើយមកចាំជំនួសវគ្គរបស់លោក នៅកំបូលវិញតាំងពីម៉ោង៧ យប់ ខណៈម៉ោង១១យប់ទើបជាវគ្គ ពន្លឺ ច្រៀង។ ក្នុងន័យនេះចង់ នាង ដាវីន ចង់សំដៅថា បើខ្លួនមកច្រៀងមិនទាន់កម្មវិធី តារាចម្រៀង ពន្លឺ នឹងច្រៀងជំនួសវគ្គលោក ដោយប្តូរវគ្គគ្នាច្រៀង។
តារាចម្រៀងប្រចាំផលិតកម្មហង្សមាសរូបនេះ បានលើកឡើងទៀតថា តារាចម្រៀង ស៊ឹម ច័ន្ទពន្លឺ ពិតជាមានទឹកចិត្តគួរឱ្យគោរពណាស់ មិនត្រឹមតែថ្មីៗនេះទេ កន្លងមកក្នុងថ្ងៃចូលឆ្នាំ គ្រូពេទ្យរូបនេះក៏បានឡើងឆាកមកជួយច្រៀងលោកផងដែរ ក្រោយពីលោករត់ពីរកម្មវិធី ហើយហត់អស់កម្លាំងស្ទើរតែសន្លប់។
ក្នុងនោះដែរ ដាវីន បានបញ្ជាក់ថា មិនត្រឹមតែលោកទេ ដែល ស៊ឹម ច័ន្ទពន្លឺ ជួយខ្លួន តារាចម្រៀង លីម តិចម៉េង តារាចម្រៀង ថុល សុភិទិ ក៏ ពន្លឺ ជួយដែរបើសិនជាគ្រូពេទ្យរូបនេះអាចជួយបាន។
គួរបញ្ជាក់ផងដែរថា នាង ដាវីន ស៊ឹម ច័ន្ទពន្លឺ ថុល សុភិទិ និង លីម តិចម៉េង គឺជាបេក្ខជន Top 4 ដែលទទួលបានការកោតសរសើរយ៉ាងខ្លាំងក្នុងអំឡុងពេលប្រកួត Cambodian Idol រដូវកាលទី៤ ៕
