នៅពេលដែឡយើងធ្វើដំណើរកម្សាន្តទៅកាន់សមុទ្រ យើងប្រាកដជាឃើញទឹកសមុទ្រមានពណ៌ខៀវស្រងាត់ ហើយអ្នកច្បាស់ជាគិតថា មូលហេតុដែលធ្វើឱ្យទឹកសមុទ្រមានពណ៌ខៀវ គឺដោយសារតែចំណាំងរបស់ផ្ទៃមេឃពណ៌ខៀវទៅលើទឹកសមុទ្រ។
សមុទ្រគឺជាលំហទឹកធំល្វឹងល្វើយដែលគ្រប់ដណ្តប់៧០,៨ភាគរយនៃផែនដី ។ សមុទ្រមានទ្រង់ទ្រាយធំមហាសាលត្រូវគេឱ្យឈ្មោះថា “មហាសមុទ្រ”។
យោងតាមមន្ទីររដ្ឋបាលបរិយាកាស និងមហាសមុទ្រជាតិអាមេរិក (NOAA)បានបញ្ជាក់ថា ទឹកសមុទ្រមានពណ៌ខៀវ តែពេលខ្លះក៏អាចមានពណ៌បៃតង ដោយសារតែផ្កាថ្ម ឬប្លង់តុងដែលរស់នៅក្នុងបាតសមុទ្រនោះ។
ទឹកស្រូបពន្លឺពណ៌ក្រហម ហើយជះត្រឡប់មកវិញនូវពន្លឺពណ៌ខៀវ ។ ដោយសារតែថាមពលរបស់វា ពណ៌ខៀវអាចជ្រៀតចូលទៅក្នុងទឹកបានជ្រៅជាងពណ៌ផ្សេងទៀត។
បន្ថែមពីនេះទៀត ភាគល្អិតជាច្រើននៅក្នុងទឹកដើរតួជាកញ្ជក់តូចៗដែលជាហេតុធ្វើអោយសមុទ្រជះត្រឡប់មកវិញនូវពណ៌របស់ផ្ទៃមេឃ ។ សមុទ្រអាចមានពណ៌ត្នោតនៅពេលទឹកទន្លេជួបជាមួយទឹកសមុទ្រ ឬ ក្រោយខ្យល់ព្យុះ ។ ពណ៌ក្រហម ឬ បៃតងមានដោយសារផ្កាថ្ម និង រុក្ខជាតិមានជីវិតនៅក្នុងទឹក ។ តំបន់ដែលទឹកសមុទ្រមានផ្ទុកសារធាតុសរីរាង្គមានពណ៌ខៀវជាពិសេស។
ដោយឡែក តំបន់ជ្រៅៗខ្លាំងនៃមហាសមុទ្រគឺងងឹតសូន្យឈឹង ដោយសារលែងមានពន្លឺអាចទម្លុះចូលតទៀតបាន។ ជាទូទៅចាប់ពីជម្រៅខ្ទង់ ១គីឡូម៉ែត្រ ឬជិត១គីឡូម៉ែត្រទៅ គឺពន្លឺព្រះអាទិត្យលែងអាចជ្រៀតចូលបានទៀតហើយ មិនថាកាំពន្លឺមួយណារបស់វាឡើយ៕
ប្រភព៖ ocean service
