ទោះបីជាទីផ្សារក្នុងស្រុកមិនមានតម្រូវការជ្រូកច្រើនក៏ដោយ ក៏សហរដ្ឋអាមេរិកនៅតែជាប្រទេសផលិតសាច់ជ្រូកដ៏ធំបំផុតមួយក្នុងពិភពលោក ដូច្នេះហើយតើកត្តាអ្វីដែលជំរុញឱ្យសហរដ្ឋអាមេរិកដាក់ទុនច្រើនលើការចិញ្ចឹមជ្រូក? ជាការពិតណាស់ នៅអាមេរិក សាច់គោ សាច់មាន់ និងសាច់ត្រីគឺជាសាច់ដែលពេញនិយមបំផុតក្នុងរបបអាហារប្រចាំថ្ងៃរបស់ពួកគេ ខណៈសាច់ជ្រូកមនុស្សភាគច្រើនមិនចូលចិត្តវាទេ ហើយកត្តាដែលនាំឱ្យប្រទេសនេះក្លាយជាប្រទេសនាំមុខគេក្នុងការចិញ្ចឹមជ្រូកគឺដោយសារហេតុផលខាងក្រោម៖

ទីមួយគឺលក្ខខណ្ឌធម្មជាតិអំណោយផល ជាពិសេសតំបន់ Midwestern នៃសហរដ្ឋអាមេរិកដែលមានដីរាបស្មើ វាលស្មៅដ៏ធំល្វឹងល្វើយ និងអាកាសធាតុក្តៅគឺសមរម្យណាស់សម្រាប់ការចិញ្ចឹមសត្វទ្រង់ទ្រាយធំ។ វាលទំនាបកណ្តាលខាងលិចមិនត្រឹមតែជាបេះដូងនៃកសិកម្មអាមេរិកប៉ុណ្ណោះទេ ប៉ុន្តែវាក៏ជាមូលដ្ឋានគ្រឹះដ៏រឹងមាំសម្រាប់ឧស្សាហកម្មជ្រូកផងដែរ។ លើសពីនេះទៀត ប្រព័ន្ធទន្លេ Mississippi និង Great Lakes ផ្តល់នូវធនធានទឹកដ៏បរិបូរណ៍ ដែលធានានូវការអភិវឌ្ឍន៍ប្រកបដោយនិរន្តរភាពនៃកសិដ្ឋានបសុសត្វ។

ដូច្នេះលក្ខខណ្ឌធម្មជាតិដ៏ល្អទាំងនេះហើយ ដែលជួយឱ្យសហរដ្ឋអាមេរិកមិនត្រឹមតែលេចធ្លោក្នុងការផលិតសាច់គោ និងសាច់មាន់ប៉ុណ្ណោះទេ ប៉ុន្តែក៏ជាប្រទេសឈានមុខគេមួយក្នុងការផលិតសាច់ជ្រូកផងដែរ។ យោងតាមស្ថិតិផលិតកម្មសាច់គោអាមេរិកប្រចាំឆ្នាំលើសពី ១២ លានតោនដែលស្មើនឹងជិត ២០% នៃផលិតកម្មសាច់គោពិភពលោកសរុប។ ទិន្នផលសាច់មាន់ក៏មានច្រើនដែរគឺរហូតដល់ជាង ៤០ លានតោនក្នុងមួយឆ្នាំ។ ទោះជាយ៉ាងណាក៏ដោយ ជាមួយនឹងសាច់ជ្រូកជាង ១០ លានតោនដែលផលិតជារៀងរាល់ឆ្នាំ សហរដ្ឋអាមេរិកនៅតែជាប់ចំណាត់ថ្នាក់លេខ ៣ នៅលើពិភពលោកបន្ទាប់ពីប្រទេសចិន និងសហភាពអឺរ៉ុប។

មូលហេតុចម្បងទីពីរដែលអាមេរិកវិនិយោគច្រើនក្នុងឧស្សាហកម្មជ្រូកគឺដោយសារសាច់ជ្រូកគឺជាសាច់ដែលប្រើប្រាស់ច្រើនបំផុតក្នុងពិភពលោក។ នៅឆ្នាំ ២០២១ ការប្រើប្រាស់សាច់ជ្រូកសរុបទូទាំងពិភពលោកបានកើនឡើងដល់ ១០១ លានតោន ដែលខ្ពស់ជាងសាច់គោ ៧០ លានតោន និងសាច់មាន់ ៩០ លានតោន។ នេះបង្ហាញពីតួនាទីដ៏សំខាន់របស់សាច់ជ្រូកនៅក្នុងរបបអាហារប្រចាំថ្ងៃរបស់ប្រទេសជាច្រើន ជាពិសេសនៅអាស៊ី និងអឺរ៉ុប ដែលសាច់ជ្រូកមានប្រជាប្រិយភាពបំផុត។

ទន្ទឹមនឹងនេះការផលិតសាច់ជ្រូកក៏មានតម្លៃទាបផងដែរបើធៀបនឹងសាច់គោ ជាពិសេសនៅក្នុងប្រព័ន្ធផលិតកម្មទំនើប និងមានប្រសិទ្ធភាព ជាមួយនឹងបច្ចេកវិជ្ជាបសុសត្វទំនើប និងទំហំផលិតកម្មធំ សហរដ្ឋអាមេរិកបានកាត់បន្ថយថ្លៃដើមផលិតកម្មយ៉ាងច្រើន ដែលអនុញ្ញាតឱ្យប្រទេសនេះផ្គត់ផ្គង់សាច់ជ្រូកទៅកាន់ទីផ្សារអន្តរជាតិក្នុងតម្លៃប្រកួតប្រជែងខ្លាំង។ អត្ថប្រយោជន៍សេដ្ឋកិច្ចនេះគឺជាកត្តាសំខាន់ដែលជំរុញឱ្យសហរដ្ឋអាមេរិកពង្រីកផលិតកម្ម និងជំរុញការនាំចេញសាច់ជ្រូកកាន់តែច្រើនឡើងៗ។ ហើយសម្រាប់ហេតុផលដែលប្រជាជនប្រទេសនេះភាគច្រើនមិនចូលចិត្តបរិភោគសាច់ជ្រូកគឺដោយសារជំនឿសាសនា និងខ្លះទៀតគិតថាការបរិភោគសាច់ជ្រូកអាចប៉ះពាល់ដល់បរិស្ថាន៕

លោហៈគឺជាវត្ថុធាតុរឹងដែលសម្រាំងចេញពីរ៉ែមានតម្លៃដូចជាលោកហៈដែក, ស្ពាន់, ទង់ដែង, លង់ហិន, សំរឹទ្ធិ, ទង់ហ្វ៊ា, និងមាស។ បើនិយាយពីលោហៈដែលកម្រ និងថ្លៃជាងគេបំផុតក្នុងលោកនោះ ប្រហែលជាអ្នកគិតថាជាមាសហើយ មាសគឺជាលោហៈដ៏កម្រ និងមានតម្លៃថ្លៃ ប៉ុន្តែមានលោហៈមួយទៀតដែលមានតម្លៃថ្លៃជាងមាសទ្វេដង ហើយវាក៏ជាវត្ថុដ៏កម្របំផុតផងដែរនោះគឺ រ៉ូដ្យូម។ គិតត្រឹមខែមីនា ឆ្នាំ ២០២៣ រ៉ូដ្យូមមានតម្លៃរហូតដល់ ១០,៣០០ ដុល្លារអាមេរិកក្នុងមួយអោន ខណៈមាសមានតម្លៃត្រឹមតែ ១,៨៥០ ដុល្លារក្នុងមួយអោនប៉ុណ្ណោះ។

យោងតាម Royal Society of Chemistry (RSC) រ៉ូដ្យូមគឺមានវត្តមាននៅដង់ស៊ីតេតិចណាស់ក្នុងសំបកផែនដី ខណៈដែលមាសគឺមានច្រើនក្រៃលែង។ រ៉ូដ្យូមគឺជាកម្មសិទ្ធិរបស់ក្រុមប្លាទីន ឬគេហៅថាប្លាទីនរ៉ូដ្យូម រួមជាមួយនឹងប្លាទីន ប៉ាឡាដ្យូម អូស្មៀម អ៊ីរីដ្យូម និងរូទីញ៉ូម។ ជាមួយនឹងភាពរឹង និងចំណុចរលាយខ្ពស់របស់វា – ១,៩៦៤ អង្សាសេ និងមិនរលាយក្នុងអាស៊ីដភាគច្រើន រ៉ូដ្យូមមានប្រយោជន៍ខ្លាំងណាស់សម្រាប់រថយន្ត យន្តហោះ កុងតាក់អគ្គិសនី ខ្សែភ្លើងធន់ទ្រាំ និងទែរម៉ូកូបសីតុណ្ហភាពខ្ពស់ ហើយវាក៏អាចផលិតទៅជាគ្រឿងអលង្ការដ៏មានតម្លៃខ្ពស់កប់ពពកផងដែរ។

បច្ចុប្បន្ននេះ រ៉ូដ្យូមត្រូវបានប្រើប្រាស់ជាចម្បងនៅក្នុងសារធាតុបន្សាបផ្សែងរថយន្ត ដើម្បីកាត់បន្ថយការបំភាយជាតិពុល។ នៅខាងក្នុងឧបករណ៍បន្សាបឧស្ម័នផ្សែងរបស់រថយន្តគឺផ្សំឡើងពីលោហធាតុដ៏មានតម្លៃប្លាទីន ប៉ាឡាដ្យូម និងរ៉ូដ្យូម។ ដូច្នេះហើយតើអ្នកដឹងទេថា នរណាជាអ្នករកឃើញរ៉ូដ្យូមដំបូងគេបង្អស់? សម្រាប់ចម្លើយនោះគឺលោក William Hyde Wollaston ដែលជាគីមីវិទូជនជាតិអង់គ្លេស បានរកឃើញរ៉ូដ្យូមដំបូងគេបង្អស់នៅក្នុងឆ្នាំ ១៨០៣។ លោកបានទាញយកធាតុពីបំណែកនៃរ៉ែប្លាទីននៅអាមេរិកខាងត្បូង ហើយមិនយូរប៉ុន្មានលោកក៏បានរកឃើញលោហៈមួយទៀតនៅក្នុងក្រុមប្លាទីនគឺ palladium។

Rhodium ត្រូវបានបំបែកចេញពីគំរូរ៉ែដោយយកប្លាទីន និង palladium ចេញដោយបន្សល់ទុកនូវម្សៅពណ៌ក្រហមងងឹត។ ការព្យាបាលឧស្ម័នអ៊ីដ្រូសែននៃម្សៅបង្ហាញពីលោហៈដ៏មានតម្លៃនៃរ៉ូដ្យូម។ ហេតុនេះឈ្មោះ Rhodium មកពី “rhodon” ដែលមានន័យថាផ្កាកុលាបជាភាសាក្រិក ឈ្មោះនេះសំដៅទៅលើពណ៌ក្រហមនៃអំបិលដែកដ៏កម្របំផុតមួយនៅលើផែនដី៕

នាពេលថ្មីៗនេះ 1X Technologies គឺជាក្រុមហ៊ុនផលិតមនុស្សយន្តបានបង្ហាញមនុស្សយន្តទំហំតូចប្រភេទថ្មីមួយឈ្មោះ Neo ។ ក្រុមហ៊ុនបញ្ជាក់ថា ការផលិតមនុស្សយន្តនេះឡើង គឺមានគោលបំណងឱ្យវាជួយធ្វើការងារក្នុងផ្ទះ ដោយសារវាអាចធ្វើការបានច្រើនយ៉ាង ហើយក្រុមហ៊ុននឹងចាប់ផ្តើមលក់នៅចុងឆ្នាំ២០២៤ ។

វាជាប្រភេទមនុស្សយន្តគ្មានមុខមាត់ទេ ហើយបើទោះជាវាប្លែកភ្នែកបន្តិចក្តី ប៉ុន្តែមនុស្សយន្ត Neo មានទំហំតូចប៉ុនមនុស្ស និងស្រាលជាងមនុស្សយន្តផ្សេងៗ ។ ហេតុនេះ វានឹងមានសុវត្ថិភាពជាងមនុស្សយន្តផ្សេង ប្រសិនបើអ្នកប្រើប្រាស់ដើរបុកវា ឬមានគ្រោះថ្នាក់អ្វីមួយ ។

មនុស្សយន្ត Neo អាចដើរ, រត់, ឡើងលើទីខ្ពស់ និងអាចត្រួតពិនិត្យបរិយាកាសនៅជុំវិញខ្លួនវាផងដែរ ។ ជាមួយគ្នានេះ វានឹងប្រើប្រាស់ទិន្នន័យដែលប្រមូលបានទាំងអស់សម្រាប់កែលម្អប្រសិទ្ធភាពបច្ចេកវិទ្យាក្នុងខ្លួននាពេលចាំបាច់ ។ អ្នកប្រើប្រាស់អាចគ្រប់គ្រងមនុស្សយន្តតាមរយៈប្រព័ន្ធត្រួតពិនិត្យ និងតាមដានការបម្លាស់ទីរបស់ Neo ពីចម្ងាយបានគ្រប់ពេលវេលា ។

ក្រុមហ៊ុន 1X Technologies បញ្ជាក់ថា មនុស្សយន្ត Neo មានទំហំតូចប៉ុនមនុស្ស និងស្រាលជាងមនុស្សយន្ត Optimus របស់ក្រុមហ៊ុន Tesla និងមនុស្សយន្ត Digit របស់ក្រុមហ៊ុន Agility យ៉ាងខ្លាំង ។

មនុស្សយន្ត Neo មានកម្ពស់ត្រឹមតែ១.៦៥ម៉ែត្រ, ទម្ងន់៣០គីឡូក្រាម ហើយវាអាចលក់វត្ថុធ្ងន់បានរហូតដល់២០គីឡូក្រាមឯណោះ ។ រីឯមនុស្សយន្តរបស់ក្រុមហ៊ុន Tesla និង Agility មានទម្ងន់ធ្ងន់ជាងមនុស្សយន្ត Neo ទ្វេដង គឺស្មើជាង៥៦គីឡូក្រាម និងជាង៦៣គីឡូក្រាម ប៉ុន្តែមនុស្សយន្តទាំងនេះអាចលើកវត្ថុធ្ងន់បានប្រហាក់ប្រហែលគ្នា ។

ការផលិតមនុស្សយន្តមានជំនាញការងារផ្ទះ គឺជាការអភិវឌ្ឍបច្ចេកវិទ្យាថ្មីមួយគួរឱ្យចាប់អារម្មណ៍បំផុតក្នុងចំណោមមនុស្សយន្តផ្សេងទៀត ។ នេះបង្ហាញថា បច្ចេកវិទ្យានេះកំពុងតែអភិវឌ្ឍន៍ជឿនលឿន ដើម្បីជួយការងាររបស់មនុស្សនាថ្ងៃអនាគត ដែលក្រុមហ៊ុនបង្កើតវាឡើងសម្រាប់តែជួយការងារផ្ទះប៉ុណ្ណោះ ។ វានឹងយល់ដឹងច្រើនពីមនុស្ស ហើយនៅចុងឆ្នាំ២០២៤ វានឹងត្រូវបានគេប្រើប្រាស់ឱ្យជួយធ្វើការងារផ្ទះយ៉ាងពិតប្រាកដ ៕

អាចម៍ផ្កាយតូចមួយឈ្មោះ «2024 RW1» បានហោះបុកផែនដីនៅផ្នែកខាងលើប្រទេសហ្វីលីពីន កាលពីយប់ថ្ងៃទី៤ ខែកញ្ញា កន្លងមក ។ ប៉ុន្តែវាពុំបង្កគ្រោះថ្នា.ក់ អ្វីដល់មនុស្សទេ ដោយសារវាបានឆេះខ្ទេចអស់ក្នុងស្រទាប់បរិយាកាសដែលមានចម្ងាយ១០០គីឡូម៉ែត្រពីផែនដី ។ នេះបើតាមការចុះផ្សាយរបស់សារព័ត៌មានបរទេស កាលពីថ្ងៃទី៥ ខែកញ្ញា ឆ្នាំ២០២៤ ។

ទីភ្នាក់ងារអវកាសអឺរ៉ុប (ESA) ឱ្យដឹងថា អាចម៍ផ្កាយនេះមានទំហំប្រមាណ១ម៉ែត្រ បានហោះបុកផែនដី ប៉ុន្តែវាបានឆេះជាបំណែកក្នុងស្រទាប់បរិយាកាសខាងលើប្រទេសហ្វីលីពីន ស្ថិតនៅក្បែរកោះលូសន កាលពីវេលាម៉ោង១១និង៣៩នាទីយប់ ថ្ងៃទី៤ ខែកញ្ញា ឆ្នាំ២០២៤ ។

Jacqueline Fazekas គឺជាអ្នកស្រាវជ្រាវគម្រោងស្ទង់មតិរបស់ Catalina Sky Survey ដែលទទួលបានមូលនិធិពីអង្គការ NASA បានប្រទះឃើញដុំភ្លើងមួយ កាលពីថ្ងៃទី៤ ខែកញ្ញា ។ ជំហានដំបូង អ្នកស្រាវជ្រាវរូបនេះបានដាក់ឈ្មោះដុំភ្លើងនេះថា «CAQTDL2» ប៉ុន្តែក្រោយមក ក៏ប្តូរឈ្មោះមកជា «2024 RW1» ។

Jacqueline Fazekas ដែលបានឃើញអាចម៍ផ្កាយធ្លាក់និយាយថា ៖ «អាចម៍ផ្កាយហោះបុកស្រទាប់បរិយាកាសផែនដីលើកនេះមានរាងជាដុំភ្លើង ដែលគេអាចមើលឃើញពីឆ្នេរសមុទ្រភាគខាងកើតប្រទេសហ្វីលីពីន ។ ប៉ុន្តែវាគួរឱ្យសោកស្តាយណាស់ ដែលបរិយាកាសនៅបរិវេណឆ្នេរសមុទ្រហ្វីលីពីនពុំអំណោយផល ដោយសារខ្យល់ព្យុះកំពុងបក់ឆ្លងកាត់ហ្វីលីពីន» ។

ទីភ្នាក់ងារអវកាសអឺរ៉ុប (ESA) បញ្ជាក់ថា អាចម៍ផ្កាយនេះមានទំហំប្រមាណ១ម៉ែត្រ ហើយវាតែងតែហោះមកបុកផែនដីរៀងរាល់២សប្តាហ៍ម្តង ប៉ុន្តែវាពិបាកណាស់សម្រាប់អ្នកជំនាញអាចរកឃើញអាចម៍ផ្កាយបែបនេះ មុនពេលវាហោះបុកផែនដី ។ អាចម៍ផ្កាយ 2024 RW1 គឺជាអាចម៍ផ្កាយទី៩ ដែលមនុស្សអាចត្រួតពិនិត្យឃើញមុនពេលវាហោះបុកផែនដី ។

ទីភ្នាក់ងារអវកាសអឺរ៉ុបបញ្ជាក់ទៀតថា អាចម៍ផ្កាយ 2024 RW1 ពុំបង្កគ្រោះថ្នាក់អ្វីដល់មនុស្សទេ ដោយសារវាបានឆេះខ្ទេចអស់ក្នុងស្រទាប់បរិយាកាសផែនដី ។ រីឯពលរដ្ឋហ្វីលីពីនដែលរស់នៅតំបន់កើតហេតុអាចមើលឃើញដុំភ្លើងធ្លាក់ពីលើមេឃ ប៉ុន្តែវាអាចត្រូវបានបិទបាំងជិតដោយដុំពពកដែលកើតឡើងដោយសារខ្យល់ព្យុះ ៕

ប្រទេសអ៊ីស្រាអែល ៖ ប្រទេសអ៊ីស្រាអែលកំពុងត្រូវការកម្លាំងពលករបរទេសជាច្រើន ជាពិសេស ការងារផ្នែកសំណង់ ក្រោយពីពលករបរទេសជាច្រើននាក់សម្រេចចិត្តធ្វើដំណើរត្រឡប់ទៅប្រទេសខ្លួនវិញ ដោយសារខ្លាចសង្គ្រា.ម នៅតំបន់កាហ្សាកាន់តែរាលដាលបណ្តាលឱ្យការធ្វើការនៅអ៊ីស្រាអែលគ្មានសុវត្ថិភាព ។ នេះបើតាមការចុះផ្សាយរបស់សារព័ត៌មានបរទេស កាលពីថ្ងៃទី២ ខែកញ្ញា ឆ្នាំ២០២៤ ។

ប៉ុន្តែពលករបរទេសមួយចំនួនសម្រេចចិត្តធ្វើការនៅអ៊ីស្រាអែលបន្តទៀត បើទោះជាដឹងថា វាមានគ្រោះថ្នាក់ក្តី ដោយសារពួកគេគ្មានជម្រើសច្រើនទេ ។ ពលករទាំងនេះនិយាយថា បើត្រឡប់ទៅប្រទេសវិញនឹងបាត់បង់ប្រាក់ចំណូលមិនខាន ។

ពលករបរទេសជាច្រើននាក់ដែលមកធ្វើការនៅអ៊ីស្រាអែល គឺពួកគេជាបង្គោលគ្រួសារ ។ ជាក់ស្តែង ពលករចិនម្នាក់ឈ្មោះ លីវ យ៉ុងមីង អាយុ៣៦ឆ្នាំ នៅតែធ្វើការសំណង់នៅអ៊ីស្រាអែលបន្តទៀត និយាយថា ៖ «ពេលសង្គ្រាមចាប់ផ្តើម ពលករគ្រប់រូបខ្លាចថា មានគ្រោះថ្នាក់ពេលធ្វើការ ។ ពេលឮសំឡេងផ្សេងៗ ខ្ញុំភ័យឡើងញ័រខ្លួន ហើយខ្ញុំធ្លាប់គិតថា ចង់ទៅធ្វើការនៅចិនវិញ តែធ្វើការនៅទីនេះ ទទួលបានប្រាក់ខែខ្ពស់ជាង ។ ខ្ញុំជាបង្គោលគ្រួសារ បើមិនធ្វើការ គឺគ្មានប្រាក់ចំណូលចិញ្ចឹមគ្រួសារទេ» ។

តាមទិន្នន័យរបស់ការិយាល័យប៉ូលិសអន្តោប្រវេសន៍អ៊ីស្រាអែលបង្ហាញថា បច្ចុប្បន្ន មានពលករចិនចំនួន២២.០០០នាក់ ធ្វើការនៅអ៊ីស្រាអែល ក្នុងនោះធ្វើការសំណង់ចំនួន១១.៥២៧នាក់, ការងារកសិកម្ម និងសេវាកម្ម ចំនួន៨.៧៤០នាក់ ព្រមទាំងការងារផ្សេងទៀត ។ នៅដើមខែកញ្ញា ឆ្នាំ២០២៤ ពលករច្រើនជាច្រើនបានត្រឡប់មកធ្វើការនៅអ៊ីស្រាអែល ជាពិសេស ការងារសំណង់ ។

ប្រទេសអ៊ីស្រាអែលខ្វះខាតកម្លាំងពលកម្ម រហូតធ្វើឱ្យការដ្ឋានសំណង់ជាង៤០% ផ្អាកដំណើរការបណ្តោះអាសន្ន ។ ហេតុនេះ អ៊ីស្រាអែលបានសម្រួលឱ្យពលករបរទេសចំនួន៦៥.០០០នាក់ មកធ្វើការនៅប្រទេសខ្លួនងាយស្រួលជាងមុន ៕