ទស្សនិកជនទាំងក្នុងស្រុកនិងក្រៅស្រុកមានការភ្ញាក់ផ្អើលយ៉ាងខ្លាំងបន្ទាប់ពីទទួលដំណឹងថាតារាចម្រៀងថៃវ័យក្មេង Ping Chayada បានលាចាកលោកក្នុងវ័យទើបតែ២០ឆ្នាំបន្ទាប់ពីទៅទទួលសេវាកម្មម៉ាស្សាដើម្បីបំបាត់ការឈឺក និងស្មា។ ស្ថានភាពរបស់នាងកាន់តែធ្ងន់ធ្ងរទៅៗ ខណៈនាងបានចែករំលែកបទពិសោធន៍និងដាស់តឿនដល់អ្នកចូលចិត្តទៅម៉ាស្សា មុនពេលនាងបាត់បង់ជីវិត។

បើតាមប្រភពពីសារព័ត៌មានថៃជាច្រើនមិត្តប្រុសរបស់ Chayada បានបញ្ជាក់ថា នាងបានទទួលមរណភាពនៅព្រឹក ថ្ងៃទី៨ ខែធ្នូ។ មុនពេលស្លាប់ នាងត្រូវបានគេយកទៅព្យាបាលនៅបន្ទប់សង្គ្រោះបន្ទាន់ ដោយសារខូចខួរក្បាល និងសរសៃប្រសាទ។ Ping Chayada គឺជាអ្នកសិល្បៈឱ្យក្រុមហ៊ុន Guitar Record ដែលមានសំឡេងពីរោះរណ្តុំនិងទន់ភ្លន់។

កាលពីថ្ងៃទី ២៨ ខែតុលា Ping Chayada បានបង្ហោះនៅលើបណ្តាញសង្គមរបស់នាង ដោយបាននិយាយអំពីស្ថានភាពរបស់ខ្លួនថា នាងបានទៅម៉ាស្សានៅឯកន្លែងមួយក្នុង Udon Thani ដើម្បីបំបាត់ការឈឺក និងស្មា។ ក្នុងអំឡុងពេលទទួលសេវាកម្ម បុគ្គលិកធ្វើចលនាក។ ពីរថ្ងៃក្រោយមក នាងចាប់ផ្តើមឈឺខ្នង ទើបនាងលេបថ្នាំបំបាត់ការឈឺចាប់។ មួយសប្តាហ៍ក្រោយមក នាងក៏ស្ពឹកដៃ។ Ping Chayada គិតថា ទាំងនេះជារោគសញ្ញាធម្មតា ទើបនាងបន្តត្រឡប់ទៅកន្លែងម៉ាស្សានោះ។ អ្នកម៉ាស្សាម្នាក់ទៀតបានម៉ាស្សានាងដោយប្រើកម្លាំងកាន់តែខ្លាំង។
បន្ទាប់ពីទទួលសេវាកម្មលើកទី២ នាងមានស្នាមជាំជាច្រើនកន្លែងនៃរាងកាយរបស់នាង។ ប៉ុន្មានថ្ងៃក្រោយមក នាងស្ពឹករាងកាយ កាន់តែធ្ងន់ធ្ងរ ទ្រូង និងពោះឈឺ ហើយនាងពិបាកក្នុងការរស់នៅ។ នាងបានទៅជួបគ្រូពេទ្យ ហើយត្រូវបានគេធ្វើរោគវិនិច្ឆ័យឃើញថាមានសរសៃប្រសាទគាំងដោយសាររបួស។ Ping Chayada ចែករំលែករឿងរ៉ាវរបស់នាង ដើម្បីឱ្យអ្នកដែលមានចំណាប់អារម្មណ៍ផ្នែកម៉ាស្សាដូចនាង បានរៀនពីបទពិសោធន៍នេះនាង។

កាលពីថ្ងៃទី ១៨ ខែវិច្ឆិកា នាងបានបង្ហោះ Status Line ចុងក្រោយរបស់នាង ដោយប្រកាសថា នាងកំពុងសម្រាកព្យាបាលនៅក្នុងបន្ទប់ដាច់ដោយឡែក ដូច្នេះពិបាកនឹងឆ្លើយតបសាររបស់មិត្តភក្តិ។ កំឡុងពេលសម្រាកព្យាបាលនៅមន្ទីរពេទ្យ មិត្តប្រុសរបស់នាងតែងតែធ្វើបច្ចុប្បន្នភាពពីស្ថានភាពរបស់នាងស្ថិតក្នុងដំណាក់កាលដាក់ អុកស៊ីសែន និងមានភាពស្លេកស្លាំង។

បើតាម Khaosod អាជ្ញាធរបានចុះត្រួតពិនិត្យកន្លែងម៉ាស្សាដែល Ping Chayada ទៅទទួលសេវាកម្ម។ ទោះបីជាយ៉ាងណាក៏ដោយ អ្នកគ្រប់គ្រងបាននិយាយថា វាមិនច្បាស់ទេថា តារាចម្រៀងរូបនេះមកដល់ថ្ងៃណា ហើយមិនអាចដឹងថាអ្នកណាជាអ្នកម៉ាស្សាដំបូងរបស់នាងនោះទេ។ អ្នកគ្រប់គ្រងបានពន្យល់ថា អ្នកបច្ចេកទេសធ្វើការម៉ាស្សាក្នុងលក្ខណៈសហការគ្នា ដូច្នេះពេលវេលារបស់ពួកគេធ្វើការមិនត្រូវបានកំណត់ទេ ហើយពួកគេទាំងអស់សុទ្ធតែមានអាជ្ញាប័ណ្ណក្នុងការអនុវត្ត៕

កម្មវិធី បវរកញ្ញាចក្រវាល ឬ Miss Universe 2024 បានបំបែកឯតទគ្គកម្មអ្នកទស្សនា ដែលជាកម្មវិធីមានអ្នកមើលច្រើនជាងគេនៅលើកញ្ចក់ទូរទស្សន៍ជាភាសាអេស្បាញចំនួន២៤៣ លាននៅលើវេទិកា Telemundo ។

កាលពីថ្ងៃទី៣ ខែធ្នូ បណ្តាញសង្គម Miss Universe បានបង្ហោះសេចក្តីជូនដំណឹងថា ការប្រកួតកម្មវិធីរបស់បានបំបែកកំណត់ត្រាអ្នកទស្សនាតាមស្ថិតិបន្ទាប់ពីយប់ចុងក្រោយ។ដូច្នោះហើយ Miss Universe គឺជាកម្មវិធីដែលមានអ្នកមើលច្រើនជាងគេនៅលើកញ្ចក់ទូរទស្សន៍ជាភាសាអេស្បាញ ដោយមានអន្តរកម្មចំនួន ២៤៣ លាននៅលើវេទិការបស់បណ្តាញ Telemundo ។ លើសពីនេះ Miss Universe 2024 ក៏បានបង្កើតកំណត់ត្រាមួយដែលមានអ្នកទស្សនាចំនួន ២០,០០០ នាក់ទស្សនាការផ្សាយបន្តផ្ទាល់រាត្រីចុងក្រោយដែលធ្វើឡើងនៅប្រទេសម៉ិកស៊ិក។ ព័ត៌មានអំពីការប្រកួតក៏ត្រូវបានមនុស្សប្រហែល ១,១ ពាន់លាននាក់ចូលមើលនៅលើបណ្ដាញសង្គម។

បវរកញ្ញាចក្រវាលឆ្នាំ២០២៤ ដែលប្រារព្ធឡើងនៅប្រទេសម៉ិកស៊ិកត្រូវបានសន្យាដោយអ្នករៀបចំថាជាការប្រកួតដ៏អស្ចារ្យបំផុតដែលមិនធ្លាប់មានក្នុងប្រវត្តិសាស្ត្រ។ ទោះជាយ៉ាងណាក៏ដោយ ការពិតបង្ហាញថា ដំណាក់កាលរៀបចំនៃកម្មវិធីនេះឱ្យមានការខកចិត្តជាច្រើនបង្កើតកំណត់ត្រាសម្រាប់អ្នកទស្សនាក៏ដោយ ក៏ការប្រកួតនៅតែទទួលបានប្រតិកម្មអវិជ្ជមានពីទស្សនិកជននិងត្រូវបានចាត់ទុកថាជារដូវកាលដ៏ខកចិត្តបំផុតក្នុងប្រវត្តិសាស្ត្រ។
ទោះបីជាយ៉ាងណា បើធៀបនឹង Miss Grand របស់លោក ណាវ៉ាត់ Miss Universe គឺនៅតែមានភាពល្អប្រសើរច្រើន។

Miss Grand International គឺជាកម្មវិធីប្រលងសម្រស់ដ៏ល្បីមួយក្នុងឆ្នាំ ២០២៤។ ការប្រលងរបស់លោក Nawat ដើមឡើយបានប្រើល្បិចដើម្បីទាក់ទាញប្រព័ន្ធផ្សព្វផ្សាយ និងទទួលបានអត្ថប្រយោជន៍ផ្នែកពាណិជ្ជកម្ម ប៉ុន្តែកាន់តែបង្ហាញសញ្ញាថាប៉ះពាល់ដល់កេរ្តិ៍ឈ្មោះ។ Miss Grand International មានបញ្ហាតាំងពីដើមមកនៅពេលដែលលោក Nawat សម្រេចចិត្តឈប់រៀបចំកម្មវិធីប្រកួតនៅប្រទេសមីយ៉ាន់ម៉ានៅខែតុលា ដូចការគ្រោងទុក។ ពេលនោះការប្រកួតត្រូវបានយកទៅប្រទេសកម្ពុជា និងថៃ។ ក្រោយមកបញ្ហាបានកើតឡើងជាបន្តបន្ទាប់នៅពេលកម្ពុជាត្រូវបានដកសិទ្ធិរៀបចំធ្វើជាម្ចាស់ផ្ទះ។

បេក្ខភាពមួយចំនួនបានដកខ្លួនចេញពីការប្រកួត ហើយ ND មួយចំនួននៃកម្មវិធីនេះបានសម្រេចចិត្តបញ្ចប់អជ្ញាបណ្ឌកម្មវិធីជាបន្តបន្ទាប់។ ភាពចម្រូងចម្រាសទាំងនេះបានធ្វើឱ្យរូបភាពនៃការប្រលង Miss Grand International ធ្លាក់ចុះយ៉ាងខ្លាំង៕
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Fkomsanmedia.com.kh%2Fvideos%2F1651327322456037%2F&show_text=false&width=476&t=0″ width=”476″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>

Rosé សមាជិកក្រុម BLACKPINK បានទាក់ទាញការចាប់អារម្មណ៍ជាពិសេសនៅពេលចែករំលែកអំពីការប្រឈមមុខនឹងការឈឺចាប់នៃការខូចចិត្តក្នុងទំនាក់ទំនងស្នេហាអំឡុងពេលកំពុងដំណើរការប្រគំតន្ត្រីជាមួយ BLACKPINK ។

ក្នុងនាមជាតារាស្រីលំដាប់ជួរមុខម្នាក់នាពេលបច្ចុប្បន្ននេះ ក្រៅពីអាជីពជោគជ័យរបស់នាង ជីវិតស្នេហា និងបញ្ហាផ្ទាល់ខ្លួនរបស់ Rosé តែងតែទទួលបានការចាប់អារម្មណ៍ និងចង់ដឹងចង់ឃើញយ៉ាងខ្លាំងពីទស្សនិកជន។ ទោះជាយ៉ាងណាក៏ដោយដូចសមាជិកដទៃទៀតនៃ BLACKPINK ដែរ Rosé គឺមានភាពសម្ងាត់បំផុត ហើយមិនដែលនិយាយជាសាធារណៈអំពីជីវិតស្នេហារបស់នាងនៅក្នុងប្រព័ន្ធផ្សព្វផ្សាយនោះទេ។

ទោះជាយ៉ាងណាក៏ដោយ ថ្មីៗនេះ នៅក្នុងបទសម្ភាសន៍ជាមួយ Apple Music Rosé បានចែករំលែកអំពីរបៀបដែលនាងប្រឈមមុខនឹងការឈឺចាប់នៃការខូចចិត្ត និងបញ្ហាទំនាក់ទំនងខណៈពេលដែលក្រុមកំពុងធ្វើដំណើរទេសចរណ៍ប្រគំតន្រ្តី។ នាងបានចែករំលែកថា នៅពេលដែលមើលទៅរូបថត ឬអនុស្សាវរីយ៍ក្នុងដំណើរកម្សាន្តនោះ នាងនឹងនឹកឃើញភ្លាមៗនូវអ្វីដែលបានកើតឡើងនៅក្នុងជីវិតផ្ទាល់ខ្លួនរបស់នាង។ ពិសេសជាងនេះទៅទៀត Rosé បានគិតពីបញ្ហាក្នុងទំនាក់ទំនងស្នេហារបស់នាងនៅពេលនោះ។ Rosé បានរៀបរាប់ថា Idol តែងតែមើលទៅអស្ចារ្យនៅលើឆាក ប៉ុន្តែទស្សនិកជននឹងមិនដឹងថាមានអ្វីកើតឡើងនៅពីក្រោយឆាកនោះទេ។
Rosé បានរម្លឹកថាដំណើរកម្សាន្តនោះនាងមានជម្លោះដ៏ធំបំផុតជាមួយអតីតរបស់នាង តែនាងមើលទៅនៅតែអស្ចារ្យ ស្អាត ទោះបីជានាងកំពុងខូចចិត្ត វេទនាប៉ុណ្ណាក៏ដោយ។

ការចែករំលែករបស់ Rosé បានធ្វើឱ្យអ្នកនិយមលេងអ៊ីនធឺណិត មានការសង្ស័យថា តើនរណាជាអ្នកដែលធ្វើឱ្យនាងឈឺចាប់ពេលកំពុងប្រគំតន្ត្រី? មនុស្សជាច្រើនក៏បានចែករំលែកភ្លាមៗនៅពេលដែល Rosé ស្រក់ទឹកភ្នែកក្នុងកម្មវិធី BLACKPINK Arena Tour 2018 ។ នាពេលនោះនាងបានសម្តែងបទចម្រៀង Let It Be – You & I – Only Look At Me ហើយ Rosé ស្រក់ទឹកភ្នែក ធ្វើឱ្យនាងផ្អាកមួយសន្ទុះដោយសារមិនអាចបន្តច្រៀងបាន។ នៅពេលនេះ អ្នកគាំទ្រគិតថា Rosé យំចេញពីអារម្មណ៍ពេលឮអ្នកគាំទ្រហៅឈ្មោះនាងឬក៏ដាក់មនោសញ្ចេតនាតាមបទចម្រៀង។ យ៉ាងណាមិញ មកទល់នឹងពេលនេះទើបអ្នកគាំទ្រដឹងថា នោះជាពេលដែល Rosé ស្រក់ទឹកភ្នែក ដោយសារតែឈ្លោះគ្នាខ្លាំងជាមួយអតីតគូស្នេហ៍សោះ។

Rosé បានជាប់ពាក់ព័ន្ធក្នុងពាក្យចចាមអារ៉ាមថាមានទំនាក់ទំនងស្នេហាជាមួយសិល្បករ និងមនុស្សក្នុងឧស្សាហកម្មកម្សាន្តជាច្រើនដូចជា តារាសម្តែង Kang Dong Won នាយកតន្ត្រីសកលរបស់ Spotify លោក Jeremy Erlich, Cha Eun Woo និង Jungkook សមាជិក BTS ៕