តារាចម្រៀង ឆាយ វីរៈយុទ្ធ បានធ្វើឱ្យមហាជនស្រឡាំងកាំងនិយាយស្ទើរតែមិនចេញបន្ទាប់ពីលោកបានបង្ហោះលក់អង្កររបស់ខ្លួនក្នុងតម្លៃធម្មតាខណៈអ្នកមួយចំនួនធំស្មានថាលោកឧបត្ថម្ភ។ ឃើញរៀមច្បងដែលខ្លួនគោរពស្រលាញ់បង្ហោះដូចនេះលោក ទ្រី សក្កដា បានសម្តែងការខកចិត្តនិងបានចោទសួរទៅកាន់លោក ឆាយ វីរៈយុទ្ធ ថាអត្មានិយមពេកអត់?

នៅយប់ថ្ងៃទី២៤ កក្កដា តារាចម្រៀង ឆាយ វីរៈយុទ្ធ បានធ្វើការបង្ហោះនៅលើបណ្តាញសង្គមហ្វេកប៊ុកយ៉ាងដូច្នេះថា «ក្នុងនាមជាអ្នកផ្គត់ផ្គង់អង្ករម៉ាកស្តេចអង្ករ ស្តេចអង្ករ King Rice ខ្ញុំទាំងពីរនៅតែរក្សាតំលៃអង្ករដដែលជូនបងប្អូនប្រជាជនខ្មែរ ដោយមិនឡើងថ្លៃអង្ករនោះទេ។ តារាចម្រៀងរូបនេះក៏បានភ្ជាប់មកជាមួយនឹងហាសថេកថា ខ្មែរស្រលាញ់ខ្មែរ គាំទ្រផលិតផលខ្មែរ។

ការបង្ហោះរបស់លោក ឆាយ វីរៈយុទ្ធ បានធ្វើឱ្យមហាជនមានការស្រឡាំងកាំងជាខ្លាំងព្រោះមនុស្សភាគច្រើនគិតស្មានថាលោកនិងភរិយាប្រកាសបរិច្ចាគអង្ករក្នុងពេលប្រទេសជាតិកំពុងមានអាសន្ន។ ឃើញការប្រម៉ូតអង្កររបស់ខ្លួនបែបនេះលោក ទ្រី សក្កដា បានបញ្ចេញមតិត្រង់ៗទៅកាន់លោក ឆាយ វីរៈយុទ្ធ ថា« សុំទិញអង្ករម៉ាកផ្សេងក្រៅពីហ្នឹងបានអត់អញ្ចឹង Marketing ហួសហេតុពេកទេដឹង Idol អត្មានិយមពេកអត់?»។

ដោយអារម្មណ៍មិនអស់ចិត្តនៅព្រឹកថ្ងៃទី២៥ កក្កដា ឆ្នាំ២០២៥ ទ្រី សក្កដា ក៏បាន Screenshot ការបង្ហោះរបស់លោកឆាយ វីរៈយុទ្ធ និងបានភ្ជាប់មកជាមួយនឹងសម្តីថា «
ជារៀមច្បងដែលខ្ញុំគោរពស្រលាញ់ សូមបងពិនិត្យPost របស់បងឡើងវិញ តើការ Post បែបនេះចំណេញអ្វីខ្លះដល់ជាតិ? បើបងចង់ Promote ប្រេនអង្ករខ្លួនឯងដល់ថ្នាក់នេះហើយ បងគួរតែលក់អង្ករក្រោមតម្លៃទីផ្សារ គ្រប់យ៉ាងដែលបងទទួលបានថ្ងៃនេះ គឺពីជនរួមជាតិខ្មែរយើង បើខ្មែរជួបបញ្ហា បងគួរខាតខ្លះ មិនមែនឆ្លៀតពេលចំណេញ ! អរគុណបង»។

ទោះយ៉ាងណា បន្ទាប់ពីឃើញមហាជននិងអ្នកក្នុងចង្កោមសិល្បៈបង្ហាញអារម្មណ៍ស្រងាកចិត្តចំពោះខ្លួននៅព្រឹកថ្ងៃទី២៥ នេះលោក ឆាយ វីរៈយុទ្ធ បានប្រកាសឧបត្ថម្ភអង្ករ២០០បេ។ លោកបានសរសេរយ៉ាងដូច្នេះថា «ខ្ញុំបាទឆាយ វីរៈយុទ្ធ និង ភរិយា សែ ចាន់ឌី ជាម្ចាស់អង្ករម៉ាក ស្តេចអង្ករ King Rice ចូលរួមស្បៀងអង្ករដល់ ប្រជាពលរដ្ឋ ភាសសឹក នៅវត្តភ្នំកំបោរ ស្រុកសំរោង ខេត្តឧត្តរមានជ័យ ចំនួន ២០០បេ តាមរយៈបងប្រុស Sean Chandara»៕

លោកស្រី ផែថងថាន រដ្ឋន្រ្តីក្រសួងវប្បធម៌ថៃ បាននិយាយដោយមិនខ្មាសមាត់ថាភាគីរបស់ខ្លួនមានភាពអត់ធ្មត់ និងចាស់ទុំ ទាំងការពិតបានបាញ់មកកម្ពុជាមុន។ ជនបង្កហេតុដែលធ្វើខ្លួនឯងជាជនរងគ្រោះនេះស្រីស្អាត ឡូរីន បានចោទសួរពីតារានិកររបស់លោកស្រី ផែថងថាន។

នៅថ្ងៃទី២៤ កក្កដា ឡូរីន បានចែករំលែករូបភាពរបស់លោកស្រី ផែថងថាន ដែលតំណែងជានាយករដ្ឋមន្រ្តីថៃត្រូវបានព្យួរដោយចោទសួរថា « ចង់សួរអ៊ីថា តារានិករ Virgo មែន? មានអារម្មណ៍ថាដូចជាតារានិករ scorpio គឺក្លែងក្លាយ ធ្វើជាជនរងគ្រោះ, ចំណែកឯ Virgo ល្បិចច្រើន ដោះសារ អត់ទទួលស្គាល់កំហុស។ គូស្នេហ៍ វណ្ណដា បានបញ្ជាក់ថាតារានិករដែលនាងនិយាយមិនដូច្នេះទាំងអស់នោះទេ តែយោងទៅតាមបទពិសោធរបស់នាងដែលធ្លាប់ជួបប៉ុណ្ណោះ។

ការណ៍ដែល ឡូរីន ចេញមកនិយាយពីលោកស្រី ផែថងថាន រឿងតារានិករដែលធ្វើជាជនរងគ្រោះនេះដោយសារតែលោកស្រីបានចេញមកនិយាយទាំងមិនខ្មាសមាត់ប្រាប់ពិភពលោកបន្ទាប់ពីកម្ពុជាថៃផ្ទុះអាវុធដាក់គ្នា។ ផែថងថាន បានសរសេរសំណេរចោទមកលើប្រទេសកម្ពុជាថា «ដូចការរំពឹងទុក ធ្វើដូចជាជនរងគ្រោះ» និងបានលាបពណ៌មកកាន់កម្ពុជាថាភាគីថៃព្យាយាមរក្សាភាពស្ងប់ស្ងាត់ អត់ធ្មត់ និងមានភាពចាស់ទុំលើស្ថានការទាំងការពិតភាគីខ្លួនឯងជាអ្នកបង្កបានបាញ់មកលើកម្ពុជាមុន៕

បន្ទាប់ពីបង្ហាញទឹកចិត្តក្នុងស្មារតីជាតិខ្មែរតែមួយជូនពរដល់កងទ័ពជួរមុខពេលនេះតារារ៉េប វណ្ណដា បានប្រើសំឡេងដ៏មានឥទ្ធិពលរបស់ខ្លួនឈរនៅជាមួយនឹងប្រទេសកម្ពុជានិងថាការលាបពណ៌របស់ប្រទេសថៃនឹងធ្វើឱ្យប្រលាក់ដៃខ្លួនឯង។ មិនត្រឹមតែប៉ុណ្ណោះ វណ្ណដា បានប្រើសំឡេងរបស់ខ្លួនប្រាប់ទៅកាន់ពិភពលោកថាប្រទេសថៃជាអ្នកចាប់ផ្តើមសង្គ្រាមមុន។

នៅព្រឹកថ្ងៃទី២៥ ខែកក្កដា ឆ្នាំ២០២៥ វណ្ណដា បានផុសចេញពីទឹកដីសហរដ្ឋអាម៉េរិកថា «មិនថាមានអ្វីកើតឡើង ខ្ញុំនឹងឈរជាមួយប្រទេសជាតិរបស់ខ្ញុំ និងភាពត្រឹមត្រូវជានិច្ច ពួកយើងស្រឡាញ់ និងចង់បានសន្ដិភាព ការលាបពណ៌របស់អ្នកនឹងធ្វើឱ្យប្រលាក់ដៃខ្លួនឯង។ វណ្ណដា ក៏បានប្រើហាសថេកចំនួន៤ជាភាសាអង់គ្លេសដែលមានអត្ថន័យថា ប្រទេសថៃជាអ្នកផ្តើមសង្គ្រាម , ឈរជាមួយកម្ពុជា , យើងត្រូវការសន្តិភាពមិនត្រូវការសង្គ្រាម និង យុត្តិធម៌សម្រាប់ប្រទេសកម្ពុជា #ThailandStartedTheWar #StandwithCambodia #WeWantPeaceNotWar #JusticeForCambodia។

ការបង្ហោះរបស់ វណ្ណដា បានធ្វើឱ្យមហាជនពេញចិត្តជាខ្លាំងព្រោះសំឡេងរបស់លោកពិតជាមានឥទ្ធិពលទៅទូទាំងពិភពលោក។ ការបង្ហោះរបស់ វណ្ណដា ត្រឹមតែរយៈពេលខ្លីប៉ុណ្ណោះមានការចែករំលែកជាច្រើននៅលើបណ្តាញសង្គម។

គួរឱ្យដឹងថា កាលពីថ្ងៃទី២៤ ខែកក្កដា វណ្ណដា បានបង្ហោះសំណេរនៅលើផេកផ្លូវការដែលមានអ្នកតាមដានជិត៣លាននាក់ជាមួយនឹងសម្តីថា «សូមបួងសួងដល់បារមីវត្ថុស័ក្តិសិទ្ធិក្នុងលោកទាំងអស់ និងបុព្វបុរសដូនតាខ្មែរគ្រប់ជំនាន់ ជួយឃុំគ្រង ការពារថែរក្សា ដល់បងប្អូនកងទ័ពជួរមុខប្រកបដោយសុខសុវត្ថិភាពគ្រប់ៗគ្នា»។ ខ្លឹមសាររបស់ វណ្ណដា ដែលបង្ហោះផ្តល់កម្លាំងចិត្តដល់កងទ័ពជួរមុខបានធ្វើឱ្យមានការចាប់អារម្មណ៍យ៉ាងខ្លាំងមានអ្នកចុច Like ២៨០K ការបញ្ចេញមតិ ជាង៧០K និងមានការចែករំលែករហូតដល់ ២០K។ មិនត្រឹមតែប៉ណ្ណោះការបង្ហោះនេះបានធ្វើឱ្យថៃកើតទុក្ខមិនសុខចិត្តយ៉ាងខ្លាំង៕

តារាចម្រៀងវ័យក្មេង ពុធ មិថុនា បានសម្តែងការខកចិត្តរបស់ខ្លួននៅលើបណ្តាញសង្គមដែលពីមុនធ្លាប់គាំទ្រលោក ឃុង ឃុយ ។ លោកជាតារាចម្រៀងរស់នៅខេត្តសុរិន្ទម្នាក់ដែលពលរដ្ឋខ្មែរបានស្គាល់តាមរយៈបទចម្រៀង «ពាក់អាវមិនដែលឃើញដោះ» ធ្លាប់មកសម្តែងនៅប្រទេសកម្ពុជានិងធ្លាប់ចេញបទចម្រៀងនៅក្នុងផលិតកម្មថោន។

លោក ឃុងឃុយ បានធ្វើឱ្យអ្នកលេងបណ្តាញសង្គមកម្ពុជាសម្តែងការខកចិត្តយ៉ាងខ្លាំងរហូតអ្នកខ្លះបានបោះសម្តីធ្ងន់ៗថាលោកភ្លេចកំណើត។ ភាពចម្រូងចម្រាសនេះបានកើតឡើងគឺនៅពេលតារាចម្រៀងសុរិន្ទរូបនេះបានបង្ហោះសំណេរនៅលើបណ្តាញសង្គមរបស់ខ្លួនប្រាប់ទៅកាន់ទាហានទាំងអស់ប្រសិនបើជាមិនមានកន្លែងញុំាបាយអាចមកភោជនីដ្ឋានគ្រប់ពេលឬក៏ប្រាប់ពីទីកន្លែងដែលត្រូវដឹកជញ្ជូន។ សំណេររបស់លោក ឃុង ឃុយ បានទាក់ទាញការចាប់អារម្មណ៍យ៉ាងខ្លាំងខណៈតារាចម្រៀងសុរិន្ទរូបនេះបានចែករំលែកព័ត៌មានជាច្រើនដែលភាគីថៃបានចោទប្រកាន់មកកាន់ខាងកម្ពុជា។

បន្ទាប់ពីទទួលនូវមតិប្រតិកម្មខ្លាំងៗពីអ្នកលេងបណ្តាញសង្គមកម្ពុជា តារាចម្រៀងឃុងឃុយ បានបញ្ចេញសំណេរមួយទៀតនៅលើបណ្តាញសង្គមដោយចោទសួរថាលោកនិយាយខុសត្រង់ណាដោយគ្រាន់តែបង្ហោះបែបនោះ។

ឃើញតារាចម្រៀងជើងចាស់រូបនេះបង្ហាញទង្វើដូច្នេះតារាចម្រៀង ពុធ មិថុនា បានសម្តែងការខកចិត្តរបស់ខ្លួនតែម្តង។ ពុធ មិថុនា បានសរសេរថា «នៅសៀមលោកគ្រាន់តែជាអ្នកចម្រៀងហួសដឺឡេម្នាក់ប៉ុណ្ណោះ ស្តាយទឹកចិត្តបងប្អូនខ្មែរដែលគាំទ្រនិងឱ្យតម្លៃលោកកន្លងមកណាស់…»។

ក្រោយពីមហាជនរិះគន់ចាស់ដៃ នៅព្រឹកថ្ងៃទី២៥ កក្កដា តារាចម្រៀង ឃុង ឃុយ ក៏បានបង្ហោះសំណេរជាភាសាថៃដោយមានអត្ថន័យថា «សូមប្រជាពលរដ្ឋទាំងសងខាងបានសុខ»។ ទោះបីជាលោកបានបង្ហោះលាងខ្លួនយ៉ាងដូច្នេះក្តីក៏អ្នកគាំទ្រខ្មែរមួយចំនួនលែងមានអារម្មណ៍ចំពោះលោកតទៅទៀតហើយ៕