ថ្មីៗនេះការបង្ហាញខ្លួនរបស់ Bruno Mars នៅក្នុងការប្រគំតន្រ្តី «DEADLINE» របស់ BLACKPINK បានធ្វើឱ្យកីឡដ្ឋាន SoFi សហរដ្ឋអាម៉េរិកផ្ទុះឡើង។ តារាចម្រៀងប្រុសរូបនេះស្រាប់តែលេចមុខឡើងច្រៀងបទ «APT» ជាមួយ Rosé ។ អ្នកគាំទ្រជាច្រើនបាន ដឹងថានេះជាលើកដំបូងក្នុងរយៈពេល ៨ ឆ្នាំដែល Bruno Mars បង្ហាញខ្លួនជាសិល្បករ ភ្ញៀវនៅឯការប្រគំតន្ត្រីមួយ។

Rosé និង Bruno Mars បានសម្តែងបទចម្រៀង «APT» ផ្ទាល់។ អ្នកទាំងពីរបាននាំ មកនូវបរិយាកាសដ៏រស់រវើក ថាមពលវិជ្ជមានហើយជាថ្មីម្តងទៀតបាននាំមកនូវការចាប់ អារម្មណ៍យ៉ាងខ្លាំង។ បន្ទាប់ពីកម្មវិធីរួច Bruno Mars ក៏មិនស្ទាក់ស្ទើរក្នុងការចែករំលែក រូបថតនៅពីក្រោយឆាកជាមួយ Rosé ហើយបានហៅ គ្នាជិតស្និទ្ធដោយការស្រលាញ់។ មុននោះអ្នកទាំងពីរក៏មិនស្ទាក់ស្ទើរក្នុងការឆ្លើយឆ្លងគ្នាយ៉ាងរីករាយលើការបង្ហោះសាររបស់គ្នាទៅវិញទៅមក ធ្វើឱ្យអ្នកគាំទ្ររំភើបចិត្តព្រោះតែភាពស្និទ្ធស្នាលរបស់ពួកគេ។

Bruno Mars ក៏បានបង្ហាញពីក្តីស្រលាញ់របស់លោកចំពោះ Rosé នៅពេលដែលលោក បានមកប្រទេសកូរ៉េដើម្បីចូលរួមកម្មវិធី MAMA Awards ឆ្នាំ ២០២៤។ Rosé ក៏ជាតារាចម្រៀងដំបូងគេដែលនាំម្ចាស់ជ័យលាភី Grammy ១៦សម័យកាលមកកាន់កម្មវិធីប្រគល់រង្វាន់ក្នុងប្រទេសកូរ៉េ។ មិនត្រឹមតែប៉ុណ្ណោះ រាល់ពេលដែលលោកបង្ហាញខ្លួន តារាចម្រៀងប្រុសរូបនេះបានជ្រើសរើសសម្លៀកបំពាក់ស្រដៀងគ្នាទៅនឹងសមាជិកក្រុម Blackpink រូបនេះ។ សម្រាប់ Rosé នាងតែងតែសាទរក្នុងការប្រាស្រ័យទាក់ទងគ្នា ហើយ Bruno Mars ក៏ជាតារាប្រុសម្នាក់ក្នុងចំណោមសិល្បករប្រុសមួយចំនួនតូចដែល Rosé បានចែករំលែករូបថតជាច្រើនដងនៅលើទំព័រផ្ទាល់ខ្លួនរបស់នាង។ ចំពោះ Bruno Mars វិញ Rosé ក៏ជាមនុស្សម្នាក់ដែលបានផ្តួចផ្តើមគំនិតថើបលោកនៅក្នុង MV «APT»។

នៅក្នុងបទសម្ភាសន៍ Rosé បានពេញដោយការសរសើរចំពោះ Bruno Mars ដោយហៅការធ្វើការជាមួយតារាចម្រៀងរូបនេះថាជា «បទពិសោធន៍ដ៏អស្ចារ្យ»។ Rosé បាននិយាយថា «ខ្ញុំជាអ្នកគាំទ្ររបស់គាត់ខ្លាំងណាស់។ វាពិតជាអស្ចារ្យណាស់ដែលបានឮគាត់ច្រៀង និងណែនាំខ្ញុំ។ ខ្ញុំគ្រាន់តែព្យាយាមឱ្យអស់ពីសមត្ថភាព ច្រៀងបទដែលល្អបំផុតដែលខ្ញុំអាចធ្វើបាន។ គាត់បន្ថែមពណ៌របស់គាត់ជាច្រើនទៅនឹងអ្វីដែលយើងនាំយកមក»៕

រដូវកាលទី ២ នៃ Squid Game របស់ Netflix មិនត្រូវបានតែងតាំងនៅក្នុងពានរង្វាន់ Emmy Awards ឆ្នាំនេះទេ ។ នេះជាពានរង្វាន់ទូរទស្សន៍ដ៏មានកិត្យានុភាពបំផុតនៅក្នុង សហរដ្ឋអាម៉េរិក។

នៅថ្ងៃទី ១៥ខែកក្កដា Academy បានប្រកាសពីការតែងតាំងសម្រាប់ពានរង្វាន់ Emmy Awards លើកទី ៧៧ ហើយ Squid Game បានអវត្តមានពីប្រភេទសំខាន់ៗដូចជា «រឿងភាគល្អបំផុត»។ យោងតាមទស្សនាវដ្ដី Forbes បានឱ្យដឹងថា Squid Game ត្រូវបានគេរំពឹងថានឹងទទួលបានការតែងតាំងក្នុងប្រភេទជាច្រើនប៉ុន្តែត្រូវបានទុកចោលទាំងស្រុង។” ទោះជាយ៉ាងណាក៏ដោយ ទស្សនាវដ្តីក៏បានបន្ថែមថា រដូវកាលទី ២ នៅតែទទួលបានពិន្ទុ ៨៣% លើ Rotten Tomatoes។

ក្នុងឆ្នាំ ២០២២ Squid Game រដូវកាលទី១ បានបង្កើតកំណត់ត្រាមួយដោយ ទទួល បានការតែងតាំងចំនួន ១៤ នៅក្នុងកម្មវិធី Emmy Awards ។ នេះគឺជាការតែងតាំងច្រើន បំផុតមិន ធ្លាប់មានសម្រាប់រឿងភាគដែលមិនមែនជាភាសាអង់គ្លេសនៅឯកម្មវិធី Emmy Awards ។ នៅក្នុងពិធីប្រគល់ពានរង្វាន់ក្នុងឆ្នាំនោះ Squid Game បានឈ្នះពានរង្វាន់ចំនួន ៦ រួមមាន «អ្នកដឹកនាំឆ្នើម» លោក Hwang Dong Hyuk , «តារាសម្ដែងឆ្នើម» លោក Lee Jung Jae និងពានរង្វាន់ផ្សេងទៀត។
អ្នកវិភាគខ្លះយល់ថា មូលហេតុដែលរដូវកាលទី២ មិនជាប់ឈ្មោះក្នុងឆ្នាំនេះ គឺព្រោះសាច់រឿងខ្វះការបញ្ចប់។ រដូវកាលទី ២ និងទី ៣ នៃ Squid Game គឺជារឿងបន្តមួយ ប៉ុន្តែត្រូវបានចេញផ្សាយជារដូវកាលពីរដាច់ដោយឡែកពីគ្នា ដែលអាចធ្វើឱ្យអ្នក ទស្សនាមានអារម្មណ៍ថាមិនពេញលេញ។

ទោះជាយ៉ាងណាក៏ដោយ រដូវកាលទី ៣ ដែលចាក់ផ្សាយក្នុងខែមិថុនា ឆ្នាំ ២០២៥ នៅតែមានសិទ្ធិសម្រាប់ Emmys នៅឆ្នាំក្រោយ។ រយៈពេលនៃការទទួលបានសិទ្ធិនៅឆ្នាំនេះអនុវត្តចំពោះតែការបង្ហាញដែលចាក់ផ្សាយនៅចន្លោះថ្ងៃទី ១ ខែមិថុនា ឆ្នាំ ២០២៤ ដល់ថ្ងៃទី ៣១ ខែឧសភា ឆ្នាំ២០២៥ ប៉ុណ្ណោះ។ Squid Game រដូវកាលទី ២ បានដាក់បញ្ចាំងជាលើកដំបូងនៅក្នុងខែធ្នូ ឆ្នាំ ២០២៤។

Squid Game រដូវកាលទី២ បន្តដោយតួឯកប្រុស Gi-hun សម្តែងដោយ Lee Jung Jae សម្រេចចិត្តមិនចាកចេញពីប្រទេសកូរ៉េ ប៉ុន្តែត្រឡប់មកបង្ហាញអង្គភាពនៅពីក្រោយហ្គេម ដ៏សាហាវនេះ។ សាច់រឿងបានពង្រីកជាមួយនឹងតួអង្គថ្មីៗជាច្រើន ដោយបង្ហាញបន្ថែម អំពីរបៀបដែលហ្គេមដំណើរការនិងអ្នករៀបចំនៅពីក្រោយឆាក៕

យោងតាមគេហទំព័រ Allkpop កាលពីថ្ងៃទី ១៥ ខែកក្កដា តុលាការក្រុងសេអ៊ូលកណ្តាល បានកាត់ទោសតារាចម្រៀងរ៉េប B-Free ឈ្មោះពិតថា Choi Sung Ho អាយុ ៣៩ ឆ្នាំឱ្យជាប់ពន្ធនាគាររយៈពេល ១ ឆ្នាំ ៤ ខែពីបទបង្ករបួសស្នាម។តុលាការបញ្ជាក់ថា៖ «ជនរងគ្រោះទំនងជារងការខូចខាតភ្នែកស្តាំជាអចិន្ត្រៃយ៍ ចុងចោទត្រូវផ្ដន្ទាទោសយ៉ាងធ្ងន់ធ្ងរ»។

ឧបទ្ទវហេតុនេះបានកើតឡើងនៅក្នុងខែមិថុនា ឆ្នាំ ២០២៣ នៅឯអគារផ្ទះល្វែងមួយក្នុងទីក្រុងសេអ៊ូល។ B-Free បានឈ្លោះជាមួយសន្តិសុខម្នាក់អំពីបញ្ហាផ្លូវចូល បន្ទាប់មកបានវាយ អ្នកស្រុកម្នាក់ដែលជួយអន្តរាគមន៍ក្នុងជម្លោះ។

តារារ៉េបរូបនេះបានដាល់ជនរងគ្រោះដល់ដី បណ្តាលឱ្យបែកមុខ និងខូចសរសៃប្រសាទភ្នែក ។ មន្ទីរពេទ្យបានប៉ាន់ប្រមាណថារបួសរបស់ជនរងគ្រោះនឹងត្រូវការរយៈពេល៨សប្តាហ៍ដើម្បីជាសះស្បើយ ប៉ុន្តែជនរងគ្រោះអាចប្រឈមមុខនឹងការបាត់បង់ការមើលឃើញជាអចិន្ត្រៃយ៍នៅក្នុងភ្នែកខាងស្តាំរបស់គាត់។
ទោះបីជាព្រះរាជអាជ្ញាបានធ្វើឱ្យប្រសើរឡើងនូវការចោទប្រកាន់របស់ B-Free ពីការវាយដំសាមញ្ញទៅបណ្តាលឱ្យមានរបួសធ្ងន់ធ្ងរក៏ដោយ ក៏តុលាការបានរកឃើញថាការរងរបួសមិនអាចត្រូវបានគេចាត់ថ្នាក់ជាពិការភាពជាអចិន្ត្រៃយ៍ ឬគ្រោះថ្នាក់ដែលមិនអាចជួសជុលបាន។

ក្នុងការកាត់ទោស តុលាការបានគិតគូរពីប្រវត្តិព្រហ្មទណ្ឌរបស់ B-Free និងកង្វះវិប្បដិសារី។តារារ៉េបរូបនេះមានការកាត់ទោសចំនួន៦លើកមុនរួមទាំងការផ្តន្ទាទោសរំលោភដែលបានកើតឡើងតែមួយថ្ងៃមុនហេតុការណ៍ដែលលោកត្រូវបានពិន័យជាប្រាក់ចំនួន ៣លានវ៉ុន។ B-Free ក៏ត្រូវបានពិន័យផងដែរនៅដើមឆ្នាំ ២០២៣ សម្រាប់ការវាយដំបុគ្គលិកយុទ្ធនាការសម្រាប់បេក្ខជនរដ្ឋសភា។
ទោះជាយ៉ាងណាក៏ដោយ ក្នុងអំឡុងពេលសវនាការ B-Free បានបង្ហាញពីការប្តេជ្ញាចិត្តរបស់ខ្លួនក្នុងការជៀសវាងអំពើហិង្សា ដោយលើកឡើងពីទំនុកច្រៀងនៃបទចម្រៀង «Magic Hands» ដែលបានឈ្នះពានរង្វាន់តន្ត្រីកូរ៉េកាលពីឆ្នាំមុន។ កត្តានេះមានអត្ថប្រយោជន៍ដល់ B-Free ។ ទាំង B-Free និងតំណាងអយ្យការបានប្តឹងឧទ្ធរណ៍ចំពោះសេចក្តីសម្រេចដំបូង។

B-Free ធ្លាប់ប្រឈមនឹងការរិះគន់ពី សហគមន៍អ្នកគាំទ្រ BTS ចំពោះការមើលងាយរបស់លោកចំពោះក្រុមចម្រៀងនេះ។ ក្នុងឆ្នាំ ២០១៣ សមាជិក BTS គឺ Suga និង RM រួមជាមួយនឹង B-Free និងសិល្បករហ៊ីបហបជាច្រើនទៀតបានបង្ហាញខ្លួននៅក្នុងកម្មវិធី «KBH Hiphop Radio»។ នៅទីនេះ B-Free បង្កឱ្យមានការខឹងសម្បារដោយបន្តវាយប្រហារសមាជិក BTS ដោយរិះគន់ពួកគេចំពោះការបោះបង់អាជីពរ៉េបរបស់ពួកគេដើម្បីក្លាយជាតារា Kpop ។ លោកបាននិយាយថា BTS «អាចបន្តផ្លូវរបស់ពួកគេដើម្បីក្លាយជាតារារ៉េប ប៉ុន្តែមិនអាចទប់ទល់នឹងការល្បួងនៃប្រាក់» ។

B-Free ក៏បានប្រមាថដល់តន្ត្រី និងស្ទីលរបស់ក្រុមចម្រៀង Big Hit ដែរ។ លោកថែមទាំងបានប្រឈមមុខនឹងអ្នកគាំទ្រ BTS ដោយបើកចំហរនៅពេលត្រូវបានស្នើសុំឱ្យសូមទោស។
នៅពេលនោះ ប្រធានក្រុមហ៊ុនគ្រប់គ្រង BTS លោក Bang Si Hyuk បានទៅក្រុមហ៊ុនគ្រប់គ្រងរបស់ B-Free ដើម្បីប្រឈមមុខនឹងតារារ៉េបរូបនេះអំពីសម្តីរបស់ខ្លួននៅក្នុងកម្មវិធី ប៉ុន្តែមិនអាចជួប B-Free បានទេ។
នៅឆ្នាំ២០១៩ នៅពេលដែល BTS ក្លាយជាក្រុម Kpop ដ៏ល្បីល្បាញទូទាំងពិភពលោក B-Free បានសូមទោស ប៉ុន្តែមិនត្រូវបានអភ័យទោសដោយអ្នកគាំទ្រ BTS ឡើយ៕