រាជធានីភ្នំពេញ៖ សំណើរពាក្យបណ្ដឹ.ងក្រុមយោធា និងមេដឹកនាំថៃ ទៅតុលាការព្រហ្មទណ្ឌអន្តរជាតិ (ICC) អំពីបទឧក្រិដ្ឋដ៏សាហា.វព្រៃ.ផ្សៃរបស់ពួកគេ មកលើជនសុីវិលនៅភូមិព្រៃចាន់ ទទួលបានការចូលរួមពីសំណាក់ប្រជាពលរដ្ឋខ្មែរសរុបទាំងអស់បានជាង 9មុឺននាក់ហើយ។ នេះបើតាមការឲ្យដឹងរបស់លោក Moon Pich ដែលជាអ្នករៀបចំ និងគៀងគរសម្លេងគាំទ្រសម្រាប់ឯកសារប្ដឹ.ងនេះដោយផ្ទាល់។

លោក Moon Pich ដែលជាបញ្ញាវ័ន្តខ្មែររស់នៅនិងបញ្ចប់ការសិក្សានៅ សាលាបណ្ឌិតសភាយោធាអាមេរិក និងជាអ្នកយល់ដឹងខាងផ្នែកច្បាប់ម្នាក់ បានបង្ហោះសារជូនដំណឹងនៅលើទំព័រហ្វេសប៊ុក នៅថ្ងៃទី១៧ ខែវិច្ឆិកានេះ ថា លោកដាក់ពាក្យបណ្តឹងរបស់ប្រជាជនកម្ពុជាចំនួន 91 275 នាក់ ទៅដល់ការិយាល័យរដ្ឋអាជ្ញានៃតុលាការព្រហ្មទណ្ឌអន្តរជាតិ ICC ដែលមានទីស្នាក់ការនៅទីក្រុងឡាអេ ប្រទេសហូឡង់ រួចរាល់ជាស្ថាពរ។

លោកបានធ្វើការបញ្ជាក់បន្ថែមថា ពាក្យបណ្តឹងនេះមានចំនួន 35ទំព័រ ដោយមិនរាប់បញ្ចូលបញ្ជីឈ្មោះអ្នកគាំទ្រឡើយ។ ហើយដើម្បីធានាថាពាក្យបណ្តឹងនេះ បានទៅដល់ការិយាល័យរដ្ឋអាជ្ញានៃតុលាការព្រហ្មទណ្ឌអន្តរជាតិ លោកបានដាក់ស្នើវាតាមរយៈ៖ 1. Online Submission Portal របស់តុលាការ ICC 2. អ៊ីមែលផ្លូវការរបស់ការិយាល័យរដ្ឋអាជ្ញានៃតុលាការ ICC 3. ផ្ញើតាមប្រៃសណីយ៍ទៅកាន់ការិយាល័យរដ្ឋអាជ្ញារបស់តុលាការ ICC ដែលមានទីស្នាក់ការនៅទីក្រុងឡាអេ ប្រទេសហូឡង់។

នៅក្នុងឯកសារដែលបានស្នើទៅកាន់ ICC ខាងលើនេះ គឺមានរៀបរាប់អំពីរសកម្មភាពឈ្លានពានទាំងកម្រោលរបស់ថៃមកលើកម្ពុជា ការប្រើប្រាស់អាវុ.ធធុនធ្ងន់ជាច្រើនប្រភេទដែលខុសពីគោលការណ៍ច្បាប់អន្តរជាតិ ការវា.យប្រហារលើមូលដ្ឋានជនសុីវិល និងករណីថ្មីៗនេះដែលយោធាថៃបានបើ.កការបា.ញ់ប្រហារដោយគ្មានមូលហេតុទៅលើភូមិព្រៃចាន់។

ឆ្លៀតនៅក្នុងឱកាសនេះ លោក Moon Pich ក៏បានធ្វើការអំពាវនាវដល់ប្រជាជនខ្មែរទាំងអស់ថា ក្នុងគ្រាដ៏លំបាកនេះ សូមកុំបន្ទោស ឬសួរថា វាជាតួនាទីរបស់អ្នកណា។ យើងត្រូវសួរថា តើយើងម្នាក់ៗ អាចធ្វើអ្វីបាន ដើម្បីការពារយុត្តិធម៌ សន្តិភាព សេចក្តីថ្លៃថ្នូរ អធិបតេយ្យភាព និងសិទ្ធិជាមូលដ្ឋានរបស់ជនជាតិយើង។

អាស្រ័យហេតុនេះ សូមបងប្អូនខ្មែរទាំងក្នុងនិងក្រៅប្រទេស រួបរួមសាមគ្គីគ្នាជាធ្លុងមួយ ដើម្បីស្វែងរកស្វែងរកសន្តិភាព និងយុត្តិធម៌សម្រាប់ជាតិជាមួយរដ្ឋាភិបាល និងសូមបន្តចូលរួមឲ្យបានកាន់តែច្រើនក្នុងការប្រើប្រាស់សម្លេងនៅលើប្រព័ន្ធផ្សព្វផ្សាយនានា ដើម្បីឲ្យពិភពលោកបានដឹងពីការពិត៕

បង់ក្លាដែស៖ តុលាការរបស់ប្រទេសបង់ក្លាដែសកាលពីថ្ងៃចន្ទ បានសម្រេចដាក់ទោ.សប្រ.ហារជីវិតលើលោកស្រី Sheikh Hasina ដែលជាអតីតនាយករដ្ឋមន្ត្រីធ្លាប់ដឹកនាំប្រទេសអស់ជាង ២០ឆ្នាំ ពីបទឧក្រិដ្ឋកម្មប្រឆាំងមនុស្សជាតិយ៉ាងព្រៃ.ផ្សៃ ដែលសម្លា.ប់មនុស្សអស់ជាងមួយពាន់នាក់។ នេះបើតាមការចុះផ្សាយរបស់ទីភ្នាក់ងារព័ត៌មាន BBC។

យោងតាមសេចក្ដីរាយការណ៍នៅដើមសប្ដាហ៍នេះ បានឲ្យដឹងថា ចៅក្រមបានសម្រេចឲ្យលោកស្រី Hasina វ័យ ៧៨ឆ្នាំ ត្រូវទទួលទោ.សប្រហា.រជីវិត ចំពោះការបញ្ជាឲ្យបង្ក្រាបយ៉ាងឃោ.ឃៅទៅលើនិស្សិតដែលនាំគ្នាតវ៉ាប្រឆាំងនឹងរដ្ឋាភិបាលរបស់លោកស្រីកាលពីឆ្នាំមុន។ ការស៊ើបអង្កេតបានរកឃើញថា លោកស្រីបានអនុញ្ញាតឲ្យប្រើប្រាស់កម្លាំងខ្លាំង រួមទាំងយន្តហោះគ្មានមនុស្សបើក ឧទ្ធម្ភាគចក្រ និងគ្រាប់រំសេវពិត ក្នុងប្រតិបត្តិការមួយដែលបានបណ្តាលឲ្យមនុស្សជាង ១,៤០០ នាក់បានស្លា.ប់ និងរាប់រយនាក់រងរបួស។

ក្រៅពីនេះ តុលាការបានរកឃើញថា Hasina មានទោសលើបទចោទប្រកាន់ជាច្រើនករណីទៀតរួមមាន ការញុះញង់ ការរំលោភអំណាច និងការបរាជ័យក្នុងការទប់ស្កាត់ការសម្លា.ប់រង្គាល បើទោះបីជាស្ថិតក្នុងការបញ្ជាពេញលេញនៃកងកម្លាំងសន្តិសុខរដ្ឋក៏ដោយ។ សេចក្តីសម្រេចរបស់តុលាកាបានបញ្ជាក់ថា លោកស្រី Hasina ត្រូវវទទួលខុសត្រូវជាព្រហ្មទណ្ឌចំពោះសកម្មភាពរបស់ប៉ូលីស និងយោធាផងដែរ ដូច្នេះបន្ថែមពីលើទោសប្រហារជីវិត តុលាការក៏បានបញ្ជាឱ្យផ្តល់សំណងផ្នែកហិរញ្ញវត្ថុដល់ក្រុមគ្រួសាររបស់អ្នកដែលបានស្លា.ប់ និងរបួសក្នុងអំឡុងពេលបង្ក្រាបនោះផងដែរ។

ទោះជាយ៉ាងណា លោកស្រីបានចាត់ទុកការកាត់ទោ.សគាត់ដូចខាងលើថាអយុត្តិធម៌ និងមានគោលបំណងនយោបាយ ដោយសារតែតុលាការមិនផ្ដល់សិទ្ធិឲ្យគាត់ស្វែងរកច្បាប់ក្នុងការការពារខ្លួនឡើយ។

សូមជម្រាបថា លោកស្រីSheikh Hasinaបានឡើងកាន់តំណែងនាយករដ្ឋមន្រ្តីបង់ក្លាដែស ពីឆ្នាំ១៩៩៦ដល់២០០១និងពីឆ្នាំ២០០៩ដល់ឆ្នាំ២០២៤។ លោកស្រី ជានាយករដ្ឋមន្ត្រីដែលកាន់តំណែងនាយករដ្ឋមន្រ្តីយូរបំផុតនៅប្រទេសបង់ក្លាដែស ចាប់តាំងពីប្រទេសនេះទទួលបានឯករាជ្យ និងជាប្រមុខរដ្ឋាភិបាលស្ត្រីដែលកាន់អំណាចយូរបំផុតនៅលើពិភពលោក។ បន្ទាប់មក លោកស្រីបានលាលែងពីតំណែងបន្ទាប់ពីបដិវត្តន៍ខែកក្កដាក្នុងឆ្នាំ២០២៤ ដោយបាននិរទេសខ្លួនទៅកាន់ប្រទេសឥណ្ឌា៕

ប្រទេសថៃ៖ អាជ្ញាធរថៃបានធ្វើការចោ.ទប្រកាន់ទាំងបំភ្លៃមកលើកម្ពុជាថាបានរំលោ.ភម្តងហើយម្តងទៀតលើសេចក្តីថ្លែងការណ៍រួម កម្ពុជា-ថៃ ដែលបានចុះហត្ថលេខានៅថ្ងៃទី 26 ខែតុលា ឆ្នាំ 2025 នៅឯកិច្ចប្រជុំកំពូលអាស៊ាននៅទីក្រុងគូឡាឡាំពួរ ហើយបាននិយាយថា សកម្មភាពទាំងនេះបានធ្វើឲ្យស្ថានភាពតាមបណ្តោយព្រំដែនកាន់តែមានភាពតានតឹង។

យោងតាមការចុះផ្សាយរបស់បណ្ដាព័ត៌មាន Thai Enquirer នៅថ្ងៃទី១៧ ខែវិច្ឆិកា បានឲ្យដឹងថា អ្នកនាំពាក្យរដ្ឋាភិបាលថៃ លោក Siripong Angkasakulkiat បានប្រាប់អ្នកយកព័ត៌មាននៅវិមានរដ្ឋាភិបាលថា ទាហានកម្ពុជាចំនួន 18 នាក់នឹងមិនត្រូវបានដោះលែងទេ រហូតដល់អរិភាពដែលភាគីកម្ពុជាបានបង្កទាំងឡាយត្រូវបានបញ្ចប់។ លោកបានសង្កត់ធ្ងន់ថា ប្រទេសថៃមានបំណងអនុវត្តតាមវិធីសាស្ត្រសន្តិភាព ប៉ុន្តែរក្សាសិទ្ធិក្នុងការឆ្លើយតបទៅនឹងការញុះញង់ណាមួយ។

ជាមួយគ្នានេះ រដ្ឋាភិបាលថៃបានក៏គូសបញ្ជាក់ពីជំហររបស់ខ្លួនលើស្ថានភាពនេះ ដោយបញ្ជាក់ពីតម្រូវការក្នុងការការពារអធិបតេយ្យភាពជាតិ ខណៈពេលដែលកំពុងបន្តដោះស្រាយជម្លោះដោយសន្តិវិធី។ អាជ្ញាធរបាននិយាយថា ប្រតិបត្តិការបោសសម្អាតមីនតាមបណ្តោយព្រំដែន និងចាត់ទុកសុវត្ថិភាពរបស់ប្រជាពលរដ្ឋនៅជិតព្រំដែនជាអាទិភាព។

បន្ថែមលើនេះ ឧត្តមនាវីឯក Surasak Kongsiri អ្នកនាំពាក្យក្រសួងការពារជាតិ បានរាយាការណ៍ថា ចាប់តាំងពីថ្ងៃទី 16 ខែកក្កដា មកមានទាហានថៃដែលរងរបួសដោយសារមីនតាមបណ្តោយព្រំដែនជាង 30នាក់ ដោយមានអ្នកស្លា.ប់សរុបចំនួន 20 នាក់ ហើយនៅក្នុងនោះ 7 នាក់បានបាត់បង់អវយវៈ។ ហេតុការណ៍ថ្មីៗបំផុតនេះបានកើតឡើងនៅថ្ងៃទី 10 ខែវិច្ឆិកា នៅខេត្តស៊ីសាកេត ដែលទាហានម្នាក់ត្រូវបានគេរាយការណ៍ថាបានជាន់មីននៅក្នុងទឹកដីថៃ ដែលបានបង្ហាញពីក្តីបារម្ភសន្តិសុខដែលកំពុងបន្តមាននៅតាមតំបន់ព្រំដែន។

គួរបញ្ជា្កក់ថា ជុំវិញការផ្ទុះមីនរបស់ទាហានថៃទាំងអស់ ភាគីថៃតែងទម្លាក់បន្ទុកទាំងស្រុងមកលើកម្ពុជាដោយគ្មានមូលដ្ឋាន និងភ័ស្តុតាងពិតប្រាកដ។ ជាទូទៅ យោធាថៃតែងយកលេសនេះដើម្បីសំអាងជាមូលហេតុក្នុងការបង្កើនកម្លាំងតាមព្រំដែន មិនដោះលែងកងទ័ពកម្ពុជាដែលខ្លួនបានចាប់យកទៅទាំងខុសច្បាប់ រួមទាំងការចោ.ទប្រកាន់កម្ពុជាថារំលោ.ភសេចក្ដីថ្លែងការណ៍រួមជាដើម។

កន្លងមក រាជរដ្ឋាភិបាលកម្ពុជាធ្លាប់បានបញ្ជាក់យ៉ាងច្បាស់ថា កម្ពុជាក្នុងនាមជារដ្ឋភាគីនៃអនុសញ្ញាអូតាវ៉ា ស្ដីពីការហាមឃាត់ការប្រើប្រាស់មីនប្រឆាំងមនុស្ស កម្ពុជាបានប្ដេជ្ញាចិត្តនឹងមិនប្រើប្រាស់មីនថ្មីជាដាច់ខាត។ ជាមួយគ្នានេះ កម្ពុជាបានប្រកាន់ខ្ជាប់ជានិច្ចនូវការអនុវត្តតាមសេចក្ដីថ្លែងការណ៍រួមក្នុងការរក្សាសន្តិភាព ដោយមិនធ្លាប់បានល្មើសនឹងចំណុចណាមួយឡើយ៕

ប្រទេសថៃ៖ លោក Pravit Rojanaphruk ជាអ្នកកាសែតជើងចាស់និងល្បីឈ្មោះម្នាក់នៅក្នុងប្រទេសថៃ បានធ្វើការរិះគ.ន់ចំៗទៅកាន់លោក Anutin Chanvirakul ថាជានាយករដ្ឋមន្រ្តីចៃដន្យរបស់ថៃ និងថាការនិយាយស្ដីដោយគ្មានការគិតពិចារណារបស់លោក Anutin ឌឺដងទៅកាន់សហរដ្ឋអាមេរិក កំពុងទាញថៃឲ្យធ្លាក់ចុះទាំងសេដ្ឋកិច្ច និងការទូត។ នេះបើតាមការចុះផ្សាយរបស់សារព័ត៌មាន Khaosod។

នៅពេលនាយករដ្ឋមន្រ្តីថៃបានប្រកាសកាលពីសប្ដាហ៍មុន ថាថៃជាប្រទេសឯករាជ្យ មិនខ្វល់នឹងទីផ្សាររបស់សហរដ្ឋអាមេរិក និងអាចនិយាយថា ‘ទេ’ ចំពោះសហរដ្ឋអាមេរិក និងលោក ដូណាល់ ត្រាំ បាននោះ នៅប៉ុន្មានថ្ងៃក្រោយមក គ្រាប់បែ.កដ៏ធំមួយពីសហរដ្ឋអាមេរិកក៏បានធ្លាក់មកចំប្រទេសថៃពិតប្រាកដមែន នោះគឺការប្រកាសផ្អាកការចរចារឿងពន្ធគយដោយអាមេរិកទាមទារឲ្យថៃអនុវត្តឡើងវិញនូវសេចក្ដីថ្លែងការណ៍រួមដែលខ្លួនបានធ្វើការបង្កកដោយឯកតោភាគី។

ដោយសម្លឹងឃើញពីផលប៉ះពាល់ច្រើនដោយសារបញ្ហានេះ លោក Pravit បានលើកឡើងថា ប្រសិនបើលោក អនុទីន មិនបាននិយាយដោយឥតប្រយោជន៍ និងមិនធ្វើអ្វីដោយមិនបានគិតទុកជាមុនបែបនេះ នោះប្រទេសថៃប្រហែលជាមិនបានឈានដល់ចំណុចនេះនៅថ្ងៃនេះនោះទេ។ បន្ថែមលើនោះ លោក Pravit ក៏បានចោ.ទសួរចំពោះឥរិយាបថក្រអឺតក្រទមរបស់លោក Anutin ថា តើគាត់បានគិតគូររួចអស់ឬនៅមុននឹងធ្វើអ្វីមួយ?

អតីតអ្នកកាសែតរូបនេះ ក៏បានផ្លែផ្កាទៅកាន់លោក Natthapong Ruengpanyawut ប្រធានគណបក្សប្រជាជនដែលបានផ្ដល់ការគាំទ្រយ៉ាងខ្លាំងដល់លោក Anutin ឲ្យឡើងជានាយករដ្ឋមន្រ្តីកាលពីប៉ុន្មានខែមុនថា ពេលនេះទំនងជាគាត់កំពុងតែអាម៉ាស និងសោ.កស្ដាយណាស់ហើយ ដែលAnutin បាននាំហានិភ័យ បង្កការខូចខាតយ៉ាងធ្ងន់ធ្ងរដល់សេដ្ឋកិច្ចថៃ និងបានបណ្តាលឱ្យបាត់បង់មុខមាត់ប្រទេសថៃនៅលើឆាកអន្តរជាតិ។

លោក Pravit បានបង្ហាញការកត់សម្គាល់ពីបញ្ហាថា ប្រសិនបើយើងធ្វើតាមការជំរុញដោយមិនប្រុងប្រយ័ត្នតាមនាយករដ្ឋមន្ត្រី ឬរដ្ឋមន្ត្រីការបរទេសដែលគ្មានបទពិសោធន៍ទាំងនេះ នោះជនជាតិថៃរាប់សិបលាននាក់នឹងរងទុក្ខវេទនា ពីព្រោះជីវភាពរស់នៅរបស់ពួកគេត្រូវបានភ្ជាប់ដោយផ្ទាល់ ឬដោយប្រយោលទៅនឹងការនាំចេញទៅកាន់ទីផ្សាររបស់សហរដ្ឋអាមេរិក។

លោកក៏បានទទូចឲ្យរដ្ឋាភិបាលថៃគិតគូរពីបញ្ហានេះឲ្យបានលម្អិតបំផុត ព្រោះថាប្រសិនបើថៃមិនចង់ពឹងផ្អែកលើទីផ្សារអាមេរិកទេ នោះថៃត្រូវស្វែងរកទីផ្សារថ្មីសម្រាប់ពាណិជ្ជកម្ម និងពង្រឹងទំនាក់ទំនងសេដ្ឋកិច្ចរបស់ខ្លួនជាមួយប្រទេសដទៃទៀតដែលមិនមែនជាមហាអំណាច ប៉ុន្តែការណ៍នេះមិនងាយស្រួលនោះទេ។ យ៉ាងណាក៏ដោយ ឥឡូវនេះវាហាក់ដូចជាជនជាតិថៃមួយភាគធំ កំពុងមានផ្នត់គំនិតជាតិនិយមជ្រុល និងមិនអាចគិតដោយសមហេតុផលបានទេ ហើយកត្តាទាំងអស់នេះនឹងមិនអាចនាំថៃឆ្ពោះទៅរកភាពត្រឹមត្រូវបានឡើយ៕

ប្រទេសថៃ ៖ ប្រធានាធិបតីអាមេរិក លោក Donald Trump បានបញ្ជាឱ្យមន្ត្រីក្រសួងពាណិជ្ជកម្មផ្អាកការចរចាពន្ធទំនិញជាមួយថៃកាលពីថ្ងៃទី១៥ ខែវិច្ឆិកា ឆ្នាំ២០២៥ រហូតដល់ថៃអនុវត្តបានពេញលេញតាមកិច្ចព្រមព្រៀងសន្តិភាពជាមួយកម្ពុជា ដែលចុះហត្ថលេខានៅទីក្រុងគូឡាឡាំពួរ ប្រទេសម៉ាឡេស៊ី ក្រោមវត្តមានលោកប្រធានាធិបតីអាមេរិក និងនាយករដ្ឋមន្ត្រីម៉ាឡេស៊ី លោក Anwar Ibrahim ជាសាក្សី ។ ថៃខកបំណងយ៉ាងខ្លាំងនឹងអាមេរិកផ្អាកចរចាពន្ធទំនិញ និងសំណូមពរកុំឱ្យអាមេរិកផ្អាកចរចា និងកុំយកកិច្ចព្រមព្រៀងសន្តិភាពមកពាក់ព័ន្ធជាមួយពន្ធ ។

ថៃបានចោទប្រកាន់កម្ពុជាបង្កប់មីនថ្មីក្រោយការចុះហត្ថលេខាលើកិច្ចព្រមព្រៀងសន្តិភាពនៅទីក្រុងគូឡាឡាំពួរ ដែលធ្វើឱ្យកងទ័ពខ្លួន៤នាក់រងរបួសនៅខេត្តស៊ីសាកេតកាលពីថ្ងៃទី១០ ខែវិច្ឆិកា និងយកលេសគ្រាប់មីនផ្អាកកិច្ចព្រមព្រៀងសន្តិភាពជាមួយកម្ពុជា រហូតដល់កម្ពុជាយល់ព្រមសូមទោសពលរដ្ឋថៃ ទាំងដែលកម្ពុជាពុំបានបង្កប់មីនថ្មីដូចការចោទប្រកាន់របស់ថៃឡើយ ។ បន្ទាប់ពីថៃផ្អាកកិច្ចព្រមព្រៀងសន្តិភាព លោកប្រធានាធិបតី Trump ក៏បានបញ្ជាឱ្យមន្ត្រីក្រសួងពាណិជ្ជកម្មផ្អាកចរចាពន្ធទំនិញជាមួយថៃ រហូតដល់ថៃគោរពកិច្ចព្រមព្រៀងសន្តិភាពឡើងវិញ ។

កាលពីព្រឹកថ្ងៃទី១៨ ខែវិច្ឆិកា រដ្ឋមន្ត្រីក្រសួងការបរទេសថៃ លោក Sihasak Phuangketkeow បាននិយាយមកកាន់សារព័ត៌មានថា ក្រោយពីអាមេរិកផ្អាកចរចាពន្ធទំនិញដោយសារថៃមិនគោរពកិច្ចព្រមព្រៀងសន្តិភាពជាមួយកម្ពុជា លោកនាយករដ្ឋមន្ត្រី Anutin Charnvirakul ក៏ទូរស័ព្ទទៅលោកប្រធានាធិបតី Trump ដើម្បីសំណូមពរកុំឱ្យអាមេរិកផ្អាកចរចាពន្ធទំនិញ និងកុំយកសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាព (Joint Declaration) មកពាក់ព័ន្ធជាមួយពន្ធទំនិញ ។

នាយករដ្ឋមន្ត្រីថៃបានបង្ហាញគោលជំហរទៅកាន់អាមេរិកថា ថៃផ្តោតសំខាន់លើបញ្ហាសន្តិសុខនៅតំបន់ព្រំដែនកម្ពុជា-ថៃ អាមេរិកគួរកុំផ្អាកការចរចាពន្ធទំនិញជាមួយថៃដោយសារថៃបញ្ចប់កិច្ចព្រមព្រៀងសន្តិភាពជាមួយកម្ពុជា គឺថៃមិនចង់ឱ្យអាមេរិកយកកិច្ចព្រមព្រៀងសន្តិភាពមកពាក់ព័ន្ធជាមួយពន្ធទំនិញទេ ។ រដ្ឋាភិបាលថៃនឹងបន្តការដោះស្រាយជម្លោះព្រំដែនជាមួយកម្ពុជា តាមរយៈកិច្ចព្រមព្រៀងសន្តិភាពដែលបានចុះហត្ថលេខារួមគ្នា ។

គួរបញ្ជាក់ថា បន្ទាប់ពីចោទប្រកាន់កម្ពុជាបង្កប់មីនថ្មីកាលពីថ្ងៃទី១០ ខែវិច្ឆិកា បណ្តាលឱ្យកងទ័ពថៃដាច់ជើងនិងរងរបួសនៅតំបន់ហួយតាម៉ារៀ ស្រុកកាន់ថាឡាក់ ខេត្តស៊ីសាកេត លោកនាយករដ្ឋមន្ត្រី Anutin ក៏ប្រកាសបញ្ចប់កិច្ចព្រមព្រៀងសន្តិភាពជាមួយកម្ពុជាជាឯកតោភាគី និងទាមទារឱ្យកម្ពុជាសូមទោសរឿងគ្រាប់មីន ទាំងដែលកម្ពុជាពុំបានបង្កប់មីនថ្មីដូចការចោទប្រកាន់របស់ថៃឡើយ ។ លោក Anutin ថា កិច្ចព្រមព្រៀងសន្តិភាពកម្ពុជា-ថៃដល់ទីបញ្ចប់ ហើយលោកមិនចាប់អារម្មណ៍នឹងអាមេរិកដំឡើងពន្ធទំនិញថៃក្នុងអត្រាខ្ពស់ដោយសារការផ្អាកកិច្ចព្រមព្រៀងសន្តិភាពទេ បើពុំអាចលក់ទំនិញឱ្យអាមេរិក ថៃនឹងស្វែងរកទីផ្សារថ្មី ។

ក្រោយមក លោកប្រធានាធិបតី Trump ក៏បានទូរស័ព្ទទៅលោក Anutin ប្រាប់ឱ្យរដ្ឋាភិបាលថៃងាកមកគោរពកិច្ចព្រមព្រៀងសន្តិភាពឡើងវិញ និងបញ្ឈប់ការឈ្លានពានកម្ពុជា ប៉ុន្តែលោក Anutin បែរជាប្រឹងនិយាយលាបពណ៌កម្ពុជារឿងគ្រាប់មីនប្រាប់មេដឹកនាំអាមេរិក ទើបអាមេរិកសម្រេចផ្អាកចរចាពន្ធទំនិញជាមួយថៃ រហូតដល់ថៃងាកគោរពកិច្ចព្រមព្រៀងសន្តិភាព ។

ពាក្យសម្តីខ្វះការគិតពិចារណារបស់លោក Anutin បានរងការស្តីបន្ទោសពីសង្គមថៃ ជាពិសេស គណបក្សនយោបាយ ដោយពួកគេចាត់ទុកលោក Anutin ខ្វះភាពចាស់ទុំខាងទូតធ្វើឱ្យថៃគ្រោះថ្នាក់ ។ ថៃបាត់បង់មិត្តមហាអំណាច បាត់បង់ប្រាក់ចំណូលសេដ្ឋកិច្ច និងធ្វើឱ្យអាមេរិកមើលឃើញពីទង្វើឈ្លានពានរបស់ថៃមកលើកម្ពុជា ក្រោយពីថៃបញ្ជូនកម្លាំងទ័ព អាវុធ និងរថក្រោះជាច្រើនគ្រឿងមកតំបន់ព្រំដែន ។ ទាំងគណបក្សប្រឆាំង គណបក្សភឿថៃ និងមន្ត្រីរដ្ឋាភិបាលបានសួរទៅលោក Anutin ថា បើផ្អាកកិច្ចព្រមព្រៀងសន្តិភាព ហេតុអ្វីមិនទូរស័ព្ទទៅលោកប្រធានាធិបតី Trump ឱ្យដាក់សម្តាធកម្ពុជា បែរជានិយាយឌឺដងអាមេរិក? លោក Anutin និយាយមិនទាន់ផុតពីមាត់ផង អាមេរិកក៏ផ្អាកចរចាពន្ធទំនិញជាមួយថៃធ្វើឱ្យប៉ះពាល់សេដ្ឋកិច្ចយ៉ាងខ្លាំង ការស្វែងរកទីផ្សារថ្មីមិនងាយស្រួលទេ ៕