តេឡេក្រាម ជាកម្មវិធីទំនាក់ទំនងសង្គម ដ៏ពេញនិយមនាសម័យបច្ចុប្បន្ននៅក្នុងប្រទេសកម្ពុជា ដូច្នេះថ្ងៃនេះសារព័ត៌មាន KBN សូមណែនាំវិធីសាស្ត្រងាយៗ និងមុខងារសំខាន់ៗមួយចំនួន ដែលយើងតែងជួបជាប្រចាំថ្ងៃរាល់ពេលប្រើប្រាស់តេឡេក្រាម។

1. ADD Friends ចូលក្នុងគ្រប់ដែលមានទីតាំងក្បែរគ្នា:

• ចូលទៅ Contact > Find People Nearby
• បើសិនមុខងារមិនដំណើរការ អ្នកអាចចូលទៅបើក Location ក្នុងកម្មវិធី Telegram ឱ្យដំណើរការជាមុនសិន

2. ដាក់កាលវិភាគផ្ញើសារ

•  ចូលទៅកាន់ឆាតណាមួយ > វាយសារ ឬជ្រើសរើសរូប/វីដេអូ ណាមួយ
• ចុចលើប៊ូតុងផ្ញើសារដែលមានសញ្ញាព្រួញឱ្យជាប់ > Schedule Message > បន្ទាប់មករើសថ្ងៃនិងម៉ោងផ្ញើ ជាការស្រេច

3.ផ្ញើសារមិនឱ្យឮសំឡេង

• ចូលទៅកាន់ឆាតណាមួយ > វាយសារ ឬជ្រើសរើសរូប/វីដេអូ
• ចុចលើប៊ូតុងផ្ញើសារសញ្ញាព្រួញឱ្យជាប់ > Send Without Sound

4. បង្កើត Chat Folders

• Setting > Chat Folders > Create New Folder សម្រាប់បង្កើត Folder
• ចុចលើ Add Chats ដើម្បីដាក់ឆាតណាមួយ ចូលទៅកាន់ Folder ទើបបង្កើតអម្បាញ់មិញ។

5. ផ្ញើសារត (Forward) ទៅអោយអ្នកដ៏ទៃ ដោយមិនជាប់ឈ្មោះម្ចាស់ដើម

• ស្វែងរកឯកសារណាមួយដែលលោកអ្នកចង់ផ្ញើបន្ត> រើសឈ្មោះអ្នកដែលចង់អ្នកចង់ផ្ញើបន្ត> ចុចលើសញ្ញាព្រួញនៅខាងមុខពាក្យផ្ញើបន្ត
• ចុងក្រោយ លោកអ្នករើសយកពាក្យថា Hide sender’s Name ជាការស្រេច៕

បើទោះបីជាពិភពលោក គ្របដណ្តប់ដោយផ្ទៃទឹកដល់ទៅ ៧០ភាគរយយ៉ាងណាក្តី ក៏នៅតែមានបណ្តាប្រទេសជាច្រើន មិនជាប់ឆ្នេរសមុទ្រសូម្បីតែមួយមីលីម៉ែត្រ។ ជាក់ស្តែងសម្រាប់តំបន់អាស៊ានឡាវគឺជាប្រទេសតែមួយគត់មិនជាប់ព្រំដែនសមុទ្រ។

ឡាវស្ថិតក្នុងតំបន់អាស៊ីអាគ្នេយ៍ដីគោក គ្មានព្រំប្រទល់ជាប់សមុទ្រឡើយ ស្ថិតត្រង់ចំណុចទី១៤ និង២៣ដឺក្រេ នៃរយៈទទឹងខាងជើង និងចំណុចទី១០០ និង១០៨ដឺក្រេ នៃរយៈបណ្តោយខាងកើត។ ប្រទេសនេះមានព្រំប្រទល់ជាប់ប្រទេស ថៃ និងប្រទេស វៀតណាម។ ប្រទេសអាស៊ីអាគ្នេយ៍ដីគោកមួយនេះស្ថិតក្នុងនៅតំបន់ត្រូពិច ហើយទទួលឥទ្ធិពលខ្យល់មូសុង ធ្វើឲ្យមានរដូវពីរច្បាស់លាស់គឺ រដូវវស្សាចាប់ពីខែឧសភាដល់ខែវិច្ឆិកា និងរដូវប្រាំងចាប់ពីខែធ្នូដល់ខែមេសា។

ស្ថិតនៅលើផ្ទៃដី២៣៦៨០០គីឡូម៉ែត្រការ៉េ ប្រទេសនេះមាន ព្រំ ប្រទល់ជាប់ជាមួយប្រទេសចិននិងមីយ៉ាន់ម៉ា (ភូមា) នៅទិសពាយព្យ, វៀតណាមនៅទិសខាងកើត ខាង ត្បូង ជាប់កម្ពុជា និង ខាង លិច ជាប់ ជាមួយប្រទេសថៃ៕

ភ្នំពេញ៖ ថ្លែងក្នុងសិក្ខាសាលា ស្តីពី «ការផ្សព្វផ្សាយលិខិតបទដ្ឋានគតិយុត្តពាក់ព័ន្ធនឹងការធ្វើប្រតិបត្តិការ រ៉ែថ្មសំណង់ និងការប្រកាស ស្តីពីការបង្កើតសមាគមអ្នកផលិតថ្មសំណង់កម្ពុជា លោក ស៊ុយ សែម រដ្ឋមន្ត្រីក្រសួងរ៉ែ និងថាមពល បានប្រកាសសម្រេចផ្អាកការចេញអាជ្ញាប័ណ្ណ រ៉ែថ្មសំណង់ ជាបណ្តោះអាសន្ន ចាប់ពីថ្ងៃទី០២ ខែធ្នូ ឆ្នាំ២០២២នេះតទៅ ក្រោយមើលឃើញថា ទីផ្សារថ្មសំណង់មានភាពគ្រប់គ្រាន់។

ជាមួយគ្នានេះ លោករដ្ឋមន្ត្រីក៏បានបញ្ជាក់ថា ប្រសិនជាស្ថានភាពរ៉ែថ្មសំណង់ខ្វះខាត លោកនឹងចាប់ផ្តើមផ្តល់អាជ្ញាប័ណ្ណឡើងវិញ។

សិក្ខាសាលា និងការប្រកាសនេះ បានធ្វើឡើងសណ្ឋាគារភ្នំពេញ និងដោយមានការចូលរួមពីលោកឧកញ៉ាវេជ្ជបណ្ឌិត តាន់ គីមមេង ប្រធាន សមាគមអ្នកផលិតថ្មសំណង់កម្ពុជា លោក អ៊ឹង ឌីប៉ូឡា អគ្គនាយក នៃអគ្គនាយកដ្ឋានធនធានរ៉ែ រួមទាំងមានលោក លោកស្រី តំណាងក្រុមហ៊ុន និងអ្នកពាក់ព័ន្ធជាច្រើនរូបទៀតផងដែរ។

លោករដ្ឋមន្ត្រី ស៊ុយ សែម បានថ្លែងដូចនេះថា​ «ឥឡូវនេះថ្ម សំណង់វាលិចទីផ្សារហើយ វាគ្រប់គ្រាន់ហើយ លើសតម្រូវការទៅទៀត អីចឹងហើយចាប់ពីថ្ងៃទី០២ ខែធ្នូ ឆ្នាំ២០២២នេះទៅ សំណុំលិខិតទាំងឡាយដែលបានដាក់មកដល់ក្រសួងហើយនឹងចេញឱ្យ តែក៏ជាថ្ងៃចាប់ផ្តើមផ្អាក ជាបណ្តោះអាសន្ន ការចេញអាជ្ញាប័ណ្ណ រ៉ែថ្មសំណង់ត្រឹមនឹងសិនចុះ។ ពេលណាដែលគិតថាខ្វះខាត ចាំគិតគូរចេញឱ្យទៀត ឥឡូវនឹងផ្អាកពីថ្ងៃនេះជាបណ្តោះអាសន្នសិន ពីព្រោះអីមានច្រើនហើយ»។

បន្ថែមពីនេះដែរ ជាមួយនឹងការទទួលស្គាល់ការបង្កើតសមាគមអ្នកផលិតថ្មសំណង់កម្ពុជា លោករដ្ឋមន្ត្រី ស៊ុយ សែម ក៏បានបញ្ជាក់ដែរថា សមាគមនេះ គឺជាផ្នែកមួយដ៏មានសារៈសំខាន់ ក្នុងការនាំយកសំឡេងពីបញ្ហាប្រឈមនានា ពាក់ព័ន្ធនឹងការផលិតថ្មសំណង់ ដើម្បីស្នើទៅកាន់ថ្នាក់ដឹកនាំរបស់រដ្ឋាភិបាល ដើម្បីរួមគ្នាដោះស្រាយបញ្ហាទាំងនោះឱ្យទទួលបានលទ្ធផលល្អប្រសើរឡើងវិញ។

លោករដ្ឋមន្ត្រី ស៊ុយ សែម ក៏បានបញ្ជាក់ដែរថា សមាគមអ្នកផលិតថ្មសំណង់កម្ពុជា ពិតជាប្រយោជន៍សម្រាប់អ្នកមានអាជ្ញាប័ណ្ណ រ៉ែថ្មសំណង់ និងស្នើឱ្យម្ចាស់អាជីវកម្មដែលមានអាជ្ញាប័ណ្ណរួច ចូលរួមទាំងអស់គ្នា ដោយមិនចាំបាច់បង្កើតសមាគម នៅតាមបណ្តាខេត្តផ្សេងៗទៀតនោះទេ ដោយសមាគមនេះមួយ គឺសម្រាប់ប្រទេសកម្ពុជាតែម្តង ហើយការចូលរួមនេះនឹងធ្វើឱ្យមានសមាគម មានកម្លាំងគ្រប់គ្រាន់ ក្នុងការជជែក ការពារផលប្រយោជន៍ និងដោះស្រាយបញ្ហាប្រឈមទាំងអស់គ្នាផងដែរ។

ជាមួយគ្នានោះដែរលោករដ្ឋមន្ត្រី ស៊ុយ សែម ក៏បានស្នើឱ្យលោកឧកញ៉ាវេជ្ជបណ្ឌិត តាន់ គីមមេង ប្រធានសមាគមអ្នកផលិតថ្មសំណង់កម្ពុជា ត្រូវធ្វើការឱ្យបានត្រឹមត្រូវ តាមលក្ខន្តិកៈរបស់សមាគម និងអ្នកដែលទើបចូលក៏ត្រូវមេីលលក្ខន្តិកៈ ឱ្យបានរួចរាល់ ច្បាស់លាស់មុននឹងចូលជាសមាជិកផងដែរ៕

ភ្នំពេញ៖ កាលពីពេលម្សិលមិញនេះយុវជន​មីល្ពៅ​ខ្មែរ បាត់ដំបងលោក វ៉ាន់ គិមវ៉ាង បានប្រកាសផ្អាកផលិតមីល្ពៅ និងបន្ថែមថាមិនដឹងត្រឡប់មកវិញពេលណា ខណៈការប្រកាសបែបនេះបាននាំឱ្យមហាជនផ្ទុះការជជែកវែកញែកទៅតាមការយល់ឃើញរៀងៗខ្លួន ដោយយើងឃើញមហាជនមួយចំនួនធំបានលើកឡើងថា ការបរាជ័យរបស់យុវជនមីល្ពៅគឺបណ្ដាលមកពីភាពអំណួតមិនព្រមបើកចិត្តទទួលយកការវិនិយោគរបស់នរណាម្នាក់។

យ៉ាងណាមិញយោងតាមយុវជនមីល្ពៅបាត់ដំបងរូបនេះបានសរសេររៀបរាប់ថា៖ «ពេលវេលាពិតជាដើរលឿនណាស់ ខ្ញុំពិតជាសុំទោសដល់បងប្អូនទាំងអស់គ្នាខ្លាំងណាស់ដែលខ្ញុំមិនអាចបន្តធ្វើចំណីអាហារដែលជួយសុខភាពបានទៀតទេ។ ខ្ញុំត្រូវផ្អាកមួយរយៈសិន ហើយក៏មិនច្បាស់ថាថ្ងៃណាត្រឡប់មកវិញដែរ។ ខ្ញុំសូមអរគុណដល់អ៊ុពូមីងបងប្អូនដែរបានគាំទ្រខ្ញុំរហូតមក ហើយខ្ញុំសុំទោសខ្ញុំមិនអាចជួយកសិករបាន ខ្ញុំមិនអាចបង្កើតរោងចក្របាន ខ្ញុំសុំទោសបងប្អូងទាំងអស់គ្នា»។

ក្រោយពីបានប្រកាសផ្អាកផលិត និងមិនដឹងថាត្រឡប់មកវិញពេលណានោះ មហាជនជាច្រើនសម្តែងការសោកស្តាយជាខ្លាំងចំពោះការប្រកាសបិទនេះ។ ក្នុងនោះលោក វ៉ាន់ គិមវ៉ាង ក៏បានបន្ថែមថា «រឿងទទួលវិនិយោគកាលពីមុន ពិតជាមិនងាយស្រួយទេបងប្អូន ព្រោះបងប្អូនមួយចំនួនខឹងស្អប់ខ្ញុំព្រោះខ្ញុំមិនទទួលវិនិយោគ តែគ្រប់យ៉ាងគឺវាមានហេតុ និង ផល»។

ជាក់ស្ដែងយើងសូមរំលឹកទៅដល់កាលពីឆ្នាំ២០១៩ ក្រោយ​ល្បីល្បាញ​ពី​សមិទ្ធផល​ក្នុង​ការស្រាវជ្រាវ​ផលិត​សរសៃ​មី​ចេញ​ពី​ផ្លែ​ល្ពៅ អតីត​និស្សិត​បរិញ្ញាបត្រ​ជំនាញ​វិទ្យាសាស្ត្រ​ចំណី​អាហារ​នៃ​សាកលវិទ្យាល័យ​ខេត្ត​បាត់ដំបង​លោក វ៉ាន់ គិមវ៉ាង បាន​ទម្លាយ​ពី​ឧបសគ្គ​ជាច្រើន​ទាំង​ការសិក្សា​ស្រាវជ្រាវ និង​ដំណើរការ​ផលិត​ជា​កត្តា​ធ្វើឲ្យ​លោក​ស៊ូ​ដើរ​លើ​វិថី​ខ្លួន​ទីពឹង​ខ្លួន​ដោយ​មិន​ទទួល​ការសុំ​វិនិយោគ​ឡើយ​។

ស្ថាបនិក​មីល្ពៅ​វ័យ ២៦ ​ឆ្នាំ​រូប​នេះ​បាន​ប្រកាស​ថា​៖ «​មីល្ពៅ​ខ្មែរ​បាត់ដំបង​សូម​ប្រកាស​ជា​ផ្លូវការ​ថា ខ្ញុំ​សូម​បិទ​មិន​ទទួល​ការសុំ​វិនិយោគ​ទេ ហើយ​ខ្ញុំ​ក៏​មិន​បាន​ទទួល​វិនិយោគ​ពី​ខាង​ណា​ដែរ​។ ខ្ញុំ​នឹង​ខំប្រឹង​ធ្វើ​វា​ដោយ​ខ្លួនឯង ទោះ​លំបាក​យ៉ាង​ណា​ក៏ដោយ​»​។

រំឭក​ពី​ដំណើរ​ផ្លូវ​ដ៏លំបាក​មុន​នឹង​រំលេច​រូបរាង​ផលិតផល​របស់​ខ្លួន ស្ថាបនិក​មី​ល្ពៅ​ខ្មែរ​លោក វ៉ាន់ គិមវ៉ាង បាន​ប្រាប់ថា​៖ «​មូលហេតុ​ដែល​ធ្វើឲ្យ​ខ្ញុំ​បង្កើត​មីល្ពៅ​នេះ​គឺ​មកពី​មាន​ព្រឹតិ្តការណ៍​មួយ​បាន​កើតឡើង​នៅ​ឆ្នាំ​ ២០១៥ គឺ​កសិករ​យើង​ដាំ​ល្ពៅ​ដើម្បី​លក់​ឲ្យ​ថៃ​រៀងរាល់​ខែ ប៉ុន្តែ​ស្រាប់​តែ​នៅក្នុង​ខែ​មួយ ថៃ​ឃើញ​ល្ពៅ​យើង​ច្រើន គេ​ទម្លាក់​តម្លៃ​ល្ពៅ​ខ្មែរ ហើយ​ពេល​នោះ​កសិករ​យើង​ខឹង​ក៏​បាន​យក​ល្ពៅ​ទាំងនោះ​ចាក់ចោល​កណ្តាល​ផ្លូវ ហើយ​នេះ​ជា​ហេតុ​ដែល​ធ្វើឲ្យ​ខ្ញុំ​ខឹង និង​អាណិត​កសិករ​យើង ដែល​ខិតខំ​ដាំ​ល្ពៅ​ហើយ តែ​បែរ​ជា​មិន​មាន​តម្លៃ​ទៅវិញ​»​។

ក្នុង​បំណង​ជួយ​កសិករ​ដាំ​ល្ពៅ យុវជន​រូប​នេះ​បាន​ដាក់​គម្រោង​ការស្រាវជ្រាវ និង​ច្នៃ​ផលិតផល​ចេញ​ពី​ផ្លែ​ល្ពៅ​។ រហូត​ដល់​ពេល​លោក​បាន​ចូល​សិក្សា​នៅ​ឆ្នាំ​ទី​ ២ ​ផ្នែក​វិទ្យាសាស្ត្រ​​ចំណីអាហារ​ក៏​ត្រូវ​បាន​លោកគ្រូ​ម្នាក់​​ជួយ​បង្ហាញ​ផ្លូវ និង​ជំរុញ​ឲ្យ​ធ្វើ​មី​ពី​ផ្លែ​ល្ពៅ​ពី​នេះ​ឡើង​។

យ៉ាងណាមិញក្រោយពីយុវជនមីល្ពៅបានប្រកាសផ្អាកផលិតមីល្ពៅហើយយើងក៏បានសង្កេតឃើញមានមហាជននាំគ្នាចូលទៅខមមិននៅក្នុងការផុសនោះដោយមានអ្នកខ្លះបានលើកឡើងយ៉ាងដូច្នេះថា៖ «ក្នុងន័យការដឹកនាំ ចេះបច្ចេកទេសការងារស្នូល វាជាភាពចាំបាច់មួយ តែបើចេះបង្កើតដំណើរការផលិត​ ដោយចាប់យកដៃគូរវិនិយោគ ពីដំណើរផ្គត់ផ្គត់វត្ថុធាតុដើម រហូតបញ្ចេញលក់លើទីផ្សារដល់ដៃអតិថិជន ទើបការងារនេះបានសម្រេច ដូចនេះ កុំអំនួតតែលើចំណេះដឹងជំនាញ តែមួយមុខ ត្រូវប្រឹងដឹកនាំបន្ថែម»។

«ពេលខ្លះកំអំណួតខ្លួនពេល ត្រូវចេះស្វែងរកដៃគូរវិនិយោគដើម្បីបន្តអាជីវកម្ម បើខ្លួនយើងគ្មានលទ្ធភាពនោះ នេះហើយហើយជាជំងឺអំណួតមួយនៅក្នុងស្រុកយើង ចូលចិត្តធ្វើអីមួយលាក់ខ្លាចគេដឹងរឺចេះជាងចុងក្រោយបាត់អស់ ដូចករណីនេះអញ្ចឹងមិនព្រមទទួលរើសយកដៃគូរវិនិយោគណាល្អមួយមកសហការណ៍ទេ សុខចិត្តបិទចោលតែម្តង តើចំណេញរឺខាត? ពេលខ្លះបើយើងជ្រើសរើសដៃគូរវិនិយោគត្រឹមត្រូវ ធ្វើអោយអាជីវកម្មយើងរីកចំរើនទៅមុន វាក៍រួមចំណែកជួយដល់សង្គម និងប្រទេសដែល តែបើយើងដឹងខ្លួនថាគ្មានលទ្ធភាពហើយសុខចិត្តមិនរើសដៃគូរវិនិយោគ ហើយសុខចិត្តបិទចោលនោះគឺស្មើសូន្យ» ៕

ចរន្តទឹករលកមរណៈ គឺជាចរន្តទឹកដ៏មានឥទ្ធិពល ដែលមានល្បឿនហូរលឿន ហើយជាទូទៅចរន្តនេះ តែងកើតមាននៅតាមបណ្តោយឆ្នេរសមុទ្រ និងក្នុងសមុទ្រ ខណៈមនុស្សដែលចូលចិត្តចុះលេងទឹកសមុទ្រជាច្រើនមិនសូវបានដឹងពីគ្រោះថ្នាក់នៃចរន្តទឹកមួយនេះ។

ចរន្តទឹកនេះ មានល្បឿន ២.៤ ម៉ែត្រ (៨ហ្វីត) ក្នុងមួយនាទី។ លឿ្បននេះ គឹលឿនជាងអ្នកហែលទឹកអាជីពទៅទៀត។ ជាធម្មតាអ្នកចុះលេងទឹកសមុទ្រ ដែលភ័យស្លន់ស្លោតែងតែព្យាយាមទប់ទល់នឹងចរន្តទឹក ដោយប្រឹងហែលត្រលប់មកលើច្រាំងវិញ ដោយសកម្មភាពនេះ ធ្វើឱ្យពួកគេប្រឈមនឹងការលង់ទឹក ដោយសាតែការអស់កម្លាំងខ្លាំងពេក។

ជារៀងរាល់ឆ្នាំនៅសហរដ្ឋអាមេរិក មានមនុស្សជាង ១០០ នាក់ត្រូវបានសម្លាប់ដោយចរន្តទឹករលកមរណៈនេះ។ ប្រសិនបើអ្នកធ្លាក់ទៅក្នុងចរន្តទឹកនេះ សូមកុំប្រឹងហែលបញ្ច្រាស់ត្រលប់មកលើច្រាំងវិញ អ្វីដែលអ្នកគួរធ្វើ គឺត្រូវហែលស្របទៅនឹងចរន្តទឹកសិន ហើយទើបព្យាយាមហែលត្រលប់មកដីគោកវិញនៅជ្រុងម្ខាងទៀត គេចចេញពីចរន្តទឹកណេះ​ ទើបមានភាគរយខ្ពស់អាចរក្សាជីវិតរបស់អ្នកបាន៕

ប្រភព៖ OCEAN Service

បន្ទាប់​ពី​បាន​រៀន​ត្រៀម​ជា​ច្រើន​ខែ ឥឡូវ​នេះ​ការ​ប្រឡង​ផ្ដាច់​ព្រ័ត្រសម្រាប់​សិស្ស​ថ្នាក់​បាក់​ឌុប​នោះ ឥឡូវ​នេះ ការ​ប្រឡង​ពិត​ប្រាកដ​ក៏​នឹង​មកដល់។ ដូច្នេះ​តើ​ពេល​ព្រឹក​ឡើង​ត្រូវ​ប្រឡង យប់​នេះ​គួរ​ធ្វើ​អ្វី?

ក្នុង​កាលៈទេសៈ​នេះ អ្នក​ខ្លះ​អាច​សម្រាក តែ​អ្នក​ខ្លះ​ទៀត​អាច​នៅ​រៀន ឬ​រំលឹក​មេរៀន​ខ្លះ​បន្ត​ទៀត ប្រយោជន៍​ធ្វើ​ឲ្យ​មាន​ការ​ចងចាំ​កាន់​តែ​ល្អ ធ្វើ​ឱ្យអារម្មណ៍​ដិត​ជាប់​នឹង​ព្រឹត្តិការណ៍។ នេះ​មិន​មែន​ជា​កំហុស​នោះ​ទេ តែ​យ៉ាង​ណា តាម​បទ​ពិសោធន៍​របស់​សិស្ស​ច្បង ប្អូន​ៗ មិន​គួរ​​​ចំណាយ​ថាមពល​បន្ថែម​ទៀត​នោះ​ទេ។

ក្នុង​ន័យ​នេះ ការ​ត្រៀម​ខ្លួន​សម្រាប់​ការ​ប្រឡង មិន​គ្រាន់​តែ​ជា​ការ​មើល​មេរៀន ធ្វើ​លំហាត់​ដោយ​ឥត​ឈប់​សោះ​នោះ​ទេ។ ប៉ុន្តែ​ការ​ដក​ឃ្លា​ដើម្បី​រក្សា ឬ​ប្រមូល​ថាម​ពល​មក​វិញ​ ក៏​ដូច​ជា​រក្សា​សុខភាព​ឲ្យ​ល្អ​ប្រសើរ ក៏​ជា​រឿង​ចាំ​បាច់ និង​គួរ​យក​ចិត្ត​ទុក​ដាក់​ដែរ ពិសេស​នៅ​យប់​មុន​ថ្ងៃ​ប្រឡង​១ថ្ងៃ។

ភ្នំពេញ៖ យុវជនខ្មែរម្នាក់ដែលធ្លាប់ប្រកាសពីភាពជោគជ័យក្នុងការស្រាវជ្រាវ និងចងក្រងរូបមន្តផលិតមីពីផ្លែល្ពៅ កាលពីឆ្នាំ២០១៩ និងទទួលបានការសាទរខ្លាំងពីមជ្ឈដ្ឋានមហាជន ព្រមទាំងទទួលបានការគាំទ្រជាហូរហែរ នោះពេលនេះបាន ប្រកាសផ្អាកផលិតមីល្ពៅ ដោយមិនដឹងថាត្រឡប់មកវិញពេលណាវិញនោះទេ ។

តាមរយៈបណ្ដាញសង្គមហ្វេសប៊ុក យុវជនខ្មែរម្នាក់បានឲ្យដឹងថា “ពេលវេលាពិតជាដើរលឿនណាស់ ខ្ញុំពិតជាសុំទោសដល់បងប្អូនទាំងអស់គ្នាខ្លាំងណាស់. ដែរខ្ញុំមិនអាចបន្តធ្វើចំណីអាហារដែលជួយសុខភាពបានទៀតទេ ខ្ញុំត្រូវផ្អាកមួយរយៈសិន ហើយក៏មិនច្បាស់ថាថ្ងៃណាត្រឡប់មកវិញដែរ។ ខ្ញុំសូមអរគុណដល់អ៊ុពូមីងបងប្អូនដែរបានគាំទ្រខ្ញុំរហូតមក ហើយខ្ញុំសុំទោសខ្ញុំមិនអាចជួយកសិករបាន ខ្ញុំមិនអាចបង្កើតរោងចក្របាន ខ្ញុំសុំទោសបងប្អូងទាំងអស់គ្នា”។

ទន្ទឹមនិងនោះ យុវជនរូបនេះក៏បានបញ្ជាក់ថា រឿងទទួលវិនិយោគកាលមិនពីមុន ពិតជាមិនងាយស្រួយទេបងប្អូន ព្រោះបងប្អូនមួយចំនួនខឹងស្អប់ខ្ញុំព្រោះខ្ញុំមិនទទួលវិនិយោគ តែគ្រប់យ៉ាងគឺវាមានហេតុ និង ផល៕