រដ្ឋធានីប៊ីសកេក (Bishkek)៖ អ្នកទោសជាប្រជាជាតិអាស៊ីកណ្ដាលមួយចំនួន បានចុះកុងតែទៅចូលរួមជាមួយនឹងកម្លាំងទាហានរុស្ស៊ី ដើម្បីប្រយុទ្ធប្រឆាំងនឹងកម្លាំងការពារទឹកដីរបស់រដ្ឋាភិបាលក្រុងកៀវ នៅលើទឹកដីរបស់អ៊ុយក្រែន ដោយសារក្ដីសង្ឃឹម ថា នឹងមានឱកាសកសាងជីវិតថ្មី ប៉ុន្ដែនៅទីបំផុត ពួកគេមានវាសនា ត្រឹមតែបញ្ជូនសាកសព ត្រឡប់ទៅជួបប្រពន្ធកូន និង ក្រុមគ្រួសារ។

សារព័ត៌មាន Radio Free Europe បានចេញផ្សាយ កាលពីថ្ងៃសៅរ៍ ទី២៥ ខែកុម្ភៈ ថា ជនជាតិគីជីស្ថាន (Kyrgyzstan) យ៉ាងតិចចំនួន៤គ្រួសារ កាលពីខែមុន បានអះអាង ថា សាច់ញាតិរបស់ពួកគេ បានស្លាប់ នៅក្នុងការវាយប្រយុទ្ធគ្នា នៅអ៊ុយក្រែន ក្រោយពេលក្រុមហ៊ុនទាហានស៊ីឈ្នួល Wagner Group បានជ្រើសរើសអ្នកទោស ចេញពីពន្ធនាគារ នៅក្នុងប្រទេសរុស្ស៊ី។ ប៉ុន្ដែរហូតមកដល់ពេលនេះ ជនជាតិអាស៊ីកណ្ដាល រាប់សិបគ្រួសារ បានទទួលសាកសពរបស់មនុស្សជាទីស្រឡាញ់របស់ពួកគេ ដែលបានស្លាប់នៅក្នុងការចូលរួមជាមួយនឹងកងទ័ពរុស្ស៊ី វាយប្រយុទ្ធនៅលើទឹកដីរបស់អ៊ុយក្រែន ចាប់តាំងពីការលុកលុយទ្រង់ទ្រាយធំរបស់ក្រុងមូស្គូ ទៅលើប្រទេសជិតខាងមួយនេះ កាលពីថ្ងៃទី២៤ ខែកុម្ភៈ ឆ្នាំ២០២២រហូតមក។

បើតាមតាមក្រុមគ្រួសារ បានបញ្ជាក់ ថា នៅក្នុងចំណោមអ្នកទោសទាំងនោះ មានសាច់ញាតិរបស់គាត់ម្នាក់ ឈ្មោះ របស់លោក អេឡាន អេមេកូវ (Erlan Ermekov) អាយុ៣០ឆ្នាំ មានដើមកំណើតនៅតំបន់អូស (Osh) នាភាគខាងត្បូង ប្រទេសគីជីស្ថាន ត្រូវបានតុលាការរុស្ស៊ី កាត់ទោសឲ្យជាប់ពន្ធនាគារ រយៈពេល៩ឆ្នាំ ពីបទចាប់រំលោភសេពសន្ថវៈ និង ប្លន់។ ប៉ុន្ដែរហូតមកដល់ ខែវិច្ឆិកា ឆ្នាំ២០២២ លោក អេមេកូវ បានចុះហត្ថលេខាលើកិច្ចសន្យា រយៈពេលប្រាំមួយខែ ជាមួយនឹងក្រុមហ៊ុនទាហានស៊ីឈ្នួល Wagner Group ដើម្បីចូលរួមជាមួយនឹងកម្លាំងទាហានរុស្ស៊ី វាយប្រយុទ្ធនឹងកងទ័ពអ៊ុយក្រែន ជាថ្នូរនឹងការផ្ដល់ប្រាក់កាស ការផ្ដល់សញ្ជាតិរុស្ស៊ី និង ការលុបចោលនូវទោសទណ្ឌ ក្រោមការចោទប្រកាន់ ពីបទល្មើសព្រហ្មទណ្ឌ ប្រឆាំងនឹងរូបគាត់។

អ្នកស្រី ហ្គូលណារ៉ា ហ្សាគីរ៉ូវ៉ា (Gulnara Zakirova) ម្ដាយរបស់លោក អេឡាន អេមេកូវ (Erlan Ermekov) បានអះអាង ថា កូនរបស់គាត់ បានមើលឃើញការជ្រើសរើសបែបនេះ ថា វាជាឱកាសដ៏ល្អមួយ អាចរួចផុតពីទោសទណ្ឌ សម្រាប់ការចាប់ផ្ដើមជីវិតថ្មី នាពេលអនាគត។ ប៉ុន្ដែក្រោយពេលកូនប្រុសរបស់គាត់ បានចូលរួមជាមួយនឹងទាហានស៊ីឈ្នួល Wagner Group នោះ គឺខែដំបូង គាត់បានទទួលលុយពីរុស្ស៊ី ចំនួន ១ ៣០០ដុល្លារ និង ខែទី២ ទទួលលុយបាន ចំនួន ២ ៤០០ដុល្លារអាមេរិក។ គាត់ជឿ ថា លុយទាំងនេះ ជាប្រាក់ឈ្នួលនៃការចូលរួមប្រយុទ្ធរបស់កូនប្រុសគាត់ ត្រូវបានក្រុមហ៊ុន Wagner ផ្ដល់មកឲ្យ។

អ្នកស្រី ហ្គូលណារ៉ា ហ្សាគីរ៉ូវ៉ា (Gulnara Zakirova) បានបន្ដ ថា ក្រោយពេលទទួលបានប្រាក់ខែមិនបានប៉ុន្មានផង កូនប្រុស Ermekov របស់គាត់ ក៏បានស្លាប់ នៅក្នុងតំបន់ប្រយុទ្ធ នាថ្ងៃទី៦ ខែកុម្ភៈ ឆ្នាំ២០២៣។ ឥឡូវនេះ គាត់គាំទ្រដល់យុទ្ធនាការធ្វើបត្យាប័ន នាំអ្នកទោសជនជាតិគីជីស្ថានទាំងអស់ ត្រឡប់ពីរុស្ស៊ី នាំមកកាត់ទោស ដាក់ពន្ធនាគារ នៅក្នុងប្រទេសរបស់ខ្លួនវិញ។

អ្នកស្រី បានសង្កត់ធ្ងន់ ថា «ការដែលខ្ញុំគាំទ្របែបនេះ ក៏ដោយសារតែខ្ញុំមានកូនប្រុសតែម្នាក់ ហើយត្រូវបានបាត់បង់ ទើបខ្ញុំមិនចង់ឲ្យស្ដ្រីជាម្ដាយទាំងឡាយ រងនូវការឈឺចាប់ ដូចអ្វីដែលខ្ញុំបានបាត់កូនប្រុសរបស់ខ្ញុំអ៊ីចឹងដែរ»។

អាជ្ញាធរគីជីស្ថាន បានបញ្ជាក់ ថា ជនជាតិគីជីស្ថាន ចំនួន ១ ០៧៧នាក់ ឥឡូវនេះ កំពុងតែជាប់ពន្ធនាគារ នៅក្នុងប្រទេសរុស្ស៊ី ហើយភាគច្រើន នៃពួកគេបានរងនូវការចោទប្រកាន់ ពីបទរត់ពន្ធគ្រឿងញៀន។ ទោះជាយ៉ាងណា រហូតមកដល់ពេលនេះ មានមនុស្សរាប់ពាន់នាក់ មកពីប្រទេសតាជីគីស្ថាន (Tajikistan), អ៊ុយប៊ែគីស្ថាន (Uzbekistan) និង អាស៊ីកណ្ដាលផ្សេងទៀត បានជាប់ពន្ធនាគារ នៅក្នុងប្រទេសរុស្ស៊ី ដែលគោលដៅដ៏សំខាន់ សម្រាប់កម្មករអន្ដោប្រវេសន៍ ចេញពីអតីតសាធារណរដ្ឋសូវៀត។

បើតាមក្រុមប្រឹក្សាជាតិសហរដ្ឋអាមេរិក និង ក្រុមសកម្មជនរុស្ស៊ី បានឲ្យដឹង ថា ក្រុមហ៊ុនទាហានស៊ីឈ្នួល Wagner Group បានលេចឈ្មោះបោះសំឡេង ដោយសារតែមានគេរាយការណ៍ ថា បានប្រព្រឹត្តអំពើឃោរឃៅ នៅក្នុងតំបន់ប្រយុទ្ធ នៅជុំវិញពិភពលោក។ ក្រុមហ៊ុន Wagner Group ត្រូវបានគេ ប៉ាន់ប្រមាណ ថា នឹងបញ្ជាដល់យុទ្ធជនរបស់ខ្លួន រហូតដល់ ៥០ ០០០នាក់ នៅក្នុងប្រទេសអ៊ុយក្រែន ដោយ៨០ភាគរយ បានចុះកិច្ចសន្យា ជាមួយនឹងអ្នកទោស នៅក្នុងពន្ធនាគាររបស់រុស្សី។

បើតាមលោកស្រី អូហ្កា រ៉ូម៉ាណូវ៉ា (Olga Romanova) នាយកអង្គការសិទ្ធិមនុស្ស រុស្ស៊ីយ៉ាសចាយ៉ា ( Rus Sidyashchaya) ជាអង្គការតស៊ូមតិ សម្រាប់អ្នកទោស បានបញ្ជាក់ ថា ក្រុមហ៊ុនទាហានស៊ីឈ្នួល Wagner បានជួលអ្នកទោសយ៉ាងតិច ៣៥ ០០០នាក់ ចាប់តាំងពីក្រុមហ៊ុន បានចាប់ផ្តើមដំណើរការជ្រើសរើសទាហានទ្រង់ទ្រាយធំមួយ កាលពីចុងខែមិថុនា ឆ្នាំ២០២២មក។ ក្រុមហ៊ុនមួយនេះ បានផ្តោតយ៉ាងពិសេស ទៅលើទណ្ឌិតជនជាតិអាស៊ីកណ្តាល ដែលកំពុងតែជាប់ពន្ធនាគារ នៅក្នុងប្រទេសរុស្ស៊ី៕

ប្រទេសកូរ៉េខាងជើង ៖ បន្ទាប់ពីជប៉ុនបានស្នើឱ្យបើកកិច្ចប្រជុំបន្ទាន់មួយស្តីពីសន្តិសុខរបស់អង្គការសហប្រជាជាតិ កាលពីថ្ងៃទី២០ ខែកុម្ភៈ កន្លងមក ករណីកូរ៉េខាងជើងបានបាញ់សាកល្បងមីស៊ីល Hwaseong-15 ចំនួន៣គ្រាប់ គឺមានមតិថ្កោលទោសពីសកម្មភាពរបស់កូរ៉េខាងជើងថា ជាការធ្វើឱ្យតំបន់អាស៊ី និងពិភពលោកធ្លាក់ក្នុងគ្រោះថ្នាក់ ។

កូរ៉េខាងជើងបានចេញសេចក្តីថ្លែងការណ៍ឆ្លើយតបវិញថា កន្លងមក អាមេរិក និងប្រទេសសម្ព័ន្ធមិត្តប្រព្រឹត្តអំពើញុះញង់ប្រឆាំងនឹងកូរ៉េខាងជើង ដូច្នេះ កូរ៉េខាងជើងសូមថ្កោលទោសយ៉ាងខ្លាំងដល់សកម្មភាពរបស់អាមេរិក និងកូរ៉េខាងត្បូង គឺធ្វើឱ្យស្ថានការណ៍កាន់តែតានតឹងផ្នែកកងទ័ពនៅឧបទ្វីបកូរ៉េ ហើយកូរ៉េខាងជើងមានសិទ្ធិការពារខ្លួនពីការគំរាមកំហែងនេះ ។

សេចក្តីថ្លែងការណ៍បានបញ្ជាក់ដែរថា ក្រុមប្រឹក្សាសន្តិសុខអង្គការសហប្រជាជាតិបានក្លាយជាឧបករណ៍សម្រាប់ភាពស្របច្បាប់របស់អាមេរិក និងប្រទេសសម្ព័ន្ធមិត្ត ហើយកូរ៉េខាងជើងបានដាស់តឿនអាមេរិក និងប្រទេសសម្ព័ន្ធមិត្តថា បើនៅតែធ្វើខ្លួនជាសត្រូវ ហើយប្រឆាំងនឹងកូរ៉េខាងជើង គឺចាត់ទុកថា ជាការប្រកាសសង្គ្រាមជាមួយកូរ៉េខាងជើង ។

សេចក្តីថ្លែងការណ៍បន្តថា អាមេរិកជាអ្នកគំរាមកំហែងសន្តិសុខនៅឧបទ្វីបកូរ៉េជាបន្តបន្ទាប់ ហើយព្យាយាមពង្រឹងទំនាក់ទំនងជាមួយប្រទេសសម្ព័ន្ធមិត្ត ហើយកូរ៉េខាងជើងមិនអាចទទួលយកបានទេ ហេតុនេះ អាមេរិកគួរតែដឹងខ្លួន និងទទួលយកផលវិបាកនាថ្ងៃអនាគត ។ ដូច្នេះ វិធីដើម្បីកាត់បន្ថយស្ថានការណ៍តានតឹងនៅឧបទ្វីបកូរ៉េ គឺអាមេរិកត្រូវបន្ថយតួនាទីចេញមុខ និងប្រឆាំងជាមួយកូរ៉េខាងជើង ដូចជា លុបចោលការបំពាក់អាវុធយុទ្ធសាស្ត្រផ្សេងៗ រួមទាំងលុបចោលការធ្វើសមយុទ្ធរួមគ្នាជាមួយកូរ៉េខាងត្រូងផងដែរ ៕

ប្រភព ៖ Mono News

ប្រទេសចិន ៖ ប្រធានាធិបតីចិន លោក ស៊ី ជិនពីង បានថ្លែងទៅកាន់គណៈកម្មាធិការអចិន្ត្រៃយ៍នៃការិយាល័យនយោបាយបក្សកុម្មុយនិស្តចិនថា ប្រទេសចិនត្រូវតែដោះស្រាយបញ្ហាផ្នែកបច្ចេកវិទ្យាដោយខ្លួនឯងទាំងអស់ ក្រោយពីអាមេរិកចាត់វិធានការកាន់តែច្រើន ដើម្បីគ្រប់គ្រងការនាំចេញបច្ចេកវិទ្យាមកកាន់ប្រទេសចិន ។

លោកប្រធានាធិបតីចិនបង្ហាញឱ្យឃើញថា ចិនត្រូវធ្វើឱ្យប្រសើរឡើងនូវផ្នែកស្រាវជ្រាវវិទ្យាសាស្ត្រ និងបច្ចេកវិទ្យាមូលដ្ឋាន រួមទាំងបង្កើនចំនួនបុគ្គលិកមានជំនាញបច្ចេកវិទ្យា ដើម្បីឱ្យចិនអាចពឹងពាក់លើខ្លួនឯងបាន និងឈានទៅធ្វើជាប្រទេសមហាអំណាចផ្នែកបច្ចេកវិទ្យាលើពិភពលោក ។

កាលពីពេលកន្លងមក ចិនបានព្យាយាមជំរុញការអភិវឌ្ឍបច្ចេកវិទ្យា semiconductor ឱ្យទាន់ប្រទេសមហាអំណាចនៅលើពិភពលោក ប៉ុន្តែត្រូវប្រឈមនឹងការដាក់សម្ពាធពីអាមេរិក និងប្រទេសសម្ព័ន្ធមិត្តយ៉ាងខ្លាំងក្លា ។ នៅខែមករា ឆ្នាំ២០២៣ កន្លងមក ប្រទេសជប៉ុន និងហូឡង់ បានយល់ព្រមអនុវត្តតាមវិធានការរឹតបន្តឹងការនាំចេញបច្ចេកវិទ្យាមកកាន់ចិន ដែលអាមេរិកបានប្រកាសកាលពីខែតុលា ឆ្នាំ២០២២ កន្លងមក ៕ ប្រភព ៖ beartai BRIEF

បារី និងគ្រឿងស្រវឹង ស្ថិតក្នុងចំណោមថ្នាំសណ្តំផ្លូវចិត្ត ដែលត្រូវបានប្រើប្រាស់យ៉ាងទូលំទូលាយបំផុតនៅលើពិភពលោក។ សារធាតុនេះត្រូវបាន សិក្សាថា វានឹងជះឥទ្ធិពលលើខួរក្បាល និងរាងកាយ ហើយរបស់ទាំងពីរនេះ អាចចាត់ទុកបានថា ជាគ្រឿងញៀនលាក់មុខ។

បារី គឺជាគ្រឿងញៀនមួយប្រភេទ ដែលមានផ្ទុកសារធាតុគីមីជាង ៤០០០ប្រភេទ ហើយបារីមានលក្ខណៈញៀនខ្លាំងដោយសារតែសារជាតិ នីកូទីន និងជ័រថា។ បារី ពិតជាធ្វើឱ្យប៉ះពាល់ដល់សុខភាពជាខ្លាំង ចំពោះអ្នកដែលបានជក់វា ហេតុនេះមនុស្សគ្រប់រូបគួរតែចៀសវាងការជក់បារី។

ចំណែកឯគ្រឿងស្រវឹងវិញ ដែលមានដូចជាសុរាជាដើម វាក៏ជាគ្រឿងញៀនមួយប្រភេទដែលធ្វើឱ្យញៀនដោយសារតែវាបានផ្ទុកសារជាតិពុលម៉្យាងដែលត្រូវបានផលិតចេញពីម្សៅមេ។

មិនតែប៉ុណ្ណោះវាក៏ត្រូវបានគេប្រើប្រាស់យ៉ាងទូលំទូលាយ ក្នុងការព្យាបាលចិត្តសាស្ត្រ និងធ្វើឱ្យមានការផ្លាស់ប្តូរផ្នែកអារម្មណ៍ដល់អ្នកប្រើប្រាស់ទៀតផង។

សូមរំលឹកផងដែរថា បារី និងគ្រឿងស្រវឹង មិនមានផលប៉ះពាល់ដល់សុខភាពធ្ងន់ធ្ងរដូចជាគ្រឿងញៀននោះឡើយ៕

ប្រភព៖ Biomed Central

ប្រទេសអ៊ុយក្រែន ៖ កាលពីថ្ងៃទី២៣ ខែកុម្ភៈ រដ្ឋសភាអ៊ុយក្រែនបានដាក់ទណ្ឌកម្មរយៈពេល៥០ឆ្នាំលើស្ថាប័នហិរញ្ញវត្ថុរុស្ស៊ី រួមមាន ធនាគារកណ្តាល ធនាគារពាណិជ្ជកម្មទាំងអស់ មូលនិធិវិនិយោគ ក្រុមហ៊ុនធានារ៉ាប់រង និងស្ថាប័នផ្សេងៗ ។ ការដាក់ទណ្ឌកម្មនេះ គឺជាផ្នែកមួយនៃចំណាត់ការរបស់រដ្ឋាភិបាលអ៊ុយក្រែន ដើម្បីបង្កើនការដាក់សម្ពាធហិរញ្ញវត្ថុលើរុស្ស៊ី ខណៈរុស្ស៊ីបញ្ជូនកម្លាំងមកវាយប្រហារអ៊ុយក្រែន កាលពីថ្ងៃទី២៤ ខែកុម្ភៈ ឆ្នាំ២០២២ ។

ទេសាភិបាលធនាគារជាតិអ៊ុយក្រែន Andri Peachy បានបញ្ជាក់ក្នុងហ្វេសប៊ុកថា ៖ « វាជាការបិទផ្លូវទាំងស្រុងសម្រាប់ស្ថាប័នហិរញ្ញវត្ថុរុស្ស៊ីក្នុងការចូលទីផ្សារ និងទ្រព្យសម្បត្តិនៅអ៊ុយក្រែន ។ យើងនឹងធ្វើគ្រប់វិធីទាំងអស់ដើម្បីឱ្យរុស្ស៊ីទន់ខ្សោយ ជាពិសេស ផ្នែកហិរញ្ញវត្ថុពីម្ចាស់ជំនួយផ្នែកយុទ្ធសាស្ត្រក្នុងសង្គ្រាមលើកនេះ ។ សំឡេងភាគច្រើននៃសមាជិករដ្ឋសភាចំនួន៣២៥រូបបានគាំទ្រការដាក់ទណ្ឌកម្មនេះ ហើយយើងតាំងចិត្តថា នឹងបង្ខំដាក់ទណ្ឌកម្មលើរុស្ស៊ីរយៈពេលយូរ» ។

ចំណែករដ្ឋមន្ត្រីក្រសួងសេដ្ឋកិច្ចអ៊ុយក្រែន លោកស្រី Yulia Viridenko ថ្លែងថា ការដាក់ទណ្ឌកម្មផ្នែកហិរញ្ញវត្ថុ នឹងធ្វើឱ្យប៉ះពាល់ដល់ធនាគាររាប់រយកន្លែង និងស្ថាប័នហិរញ្ញវត្ថុរាប់ម៉ឺនកន្លែងដែលបានចុះឈ្មោះប្រកបអាជីវកម្មនៅរុស្ស៊ី ។ វិធានការនេះបានហាមឃាត់ប្រតិបត្តិការជាមួយទ្រព្យសម្បត្តិ ដែលមានរុស្ស៊ីជាម្ចាស់ស្ថាប័នហិរញ្ញវត្ថុ ហាមបង្កើតទំនាក់ទំនងអាជីវកម្ម និងហាមវិនិយោគទុនក្នុងស្ថាប័នហិរញ្ញវត្ថុរុស្ស៊ី ។

មុននេះ អ៊ុយក្រែនបានដាក់ទណ្ឌកម្មលើមន្ត្រី និងពាណិជ្ជកររុស្ស៊ីរាប់រយនាក់ ដោយហាមបុគ្គលពាក់ព័ន្ធជាមួយរុស្ស៊ីកាន់កាប់ដីធ្លី ហាមទិញទំនិញសាធារណៈ និងសេវាកម្មមួយចំនួនរបស់រុស្ស៊ី និងហាមផ្ទេរបច្ចេកវិទ្យាទៅមនុស្សមានទំនាក់ទំនងជាមួយរុស្ស៊ី ។ ក្រៅពីនេះ អ៊ុយក្រែនបានអំពាវនាវឱ្យប្រទេសលោកខាងលិចដាក់ទណ្ឌកម្មលើរុស្ស៊ីឱ្យច្រើន រួមទាំងបន្តកំណត់គោលដៅលើនុយក្លេអ៊ែររបស់រុស្ស៊ីផងដែរ ៕

ប្រភព ៖ TNN World

កូរ៉េខាងត្បូង: អ្នកគាំទ្រភាគច្រើនប្រហែលជាស្គាល់តារាសម្តែងស្រី Song Hye Kyo ដែលនាងបានសម្ដែងជាតួអង្គឯកដល់ល្បីល្បាញជាច្រើនរឿងក្នុងខ្សែភាគយន្តរឿង(Descendants of the sun, Now We Are Breaking up, Full house…) ជាដើម_ល_។ គួរបញ្ជាក់ផងដែរតារាស្រីវ័យ៤១ឆ្នាំរូបនេះបច្ចុប្បន្ន ជាតារាស្រីមួយរូបដែលមានប្រជាប្រិយភាពជាងគេក្នុងពិភពសិល្បះរបស់ប្រទេសកូរ៉េខាងត្បូងផងដែរ។Song Hye Kyo មានដើមកំណើតនៅ Daegu ប្រទេសកូរ៉េខាងត្បូង ។ នាងកើតនៅថ្ងៃទី២២ ខែវិច្ឆិកា ឆ្នាំ១៩៨១ ហើយនាងបានចូលប្រឡូកក្នុងវិស្ស័យសិល្បះជាតារាសម្ដែងតាំងពីឆ្នាំ ១៩៩៦ ។ ខ្សែភាគយន្តដំបូងដែលនាងបានសម្ដែងមុនគេបង្អស់គឺរឿង (Guardian Angel) ក្នុងឆ្នាំ២០០១ ដែលនាងសម្ដែងជាតួអង្គឯកតែម្តង។

នៅក្នុងឆ្នាំ២០០៣ តារាសម្តែងស្រី Song Hye Kyo ចាប់ផ្តើមមានទំនាក់ទំនងស្នេហាដំបូងជាមួយតារាសម្តែងប្រុសគឺលោក Lee Kyu Hyung ប៉ុន្តែចុងក្រោយក្នុងពេលវេលាបន្តទៀតអ្នកទាំងពីក៏បានបែកគ្នាដោយលើកហេតុផលថា ម្នាក់ៗមិនមានពេលវេលាផ្តល់អោយគ្នាទៅវិញទៅមក។នៅដើមឆ្នាំ២០០៨ តារាសម្ដែងស្រី Song Hye Kyo ក៏ចាប់ផ្តើមមានទំនាក់ទំនងស្នេហាជាលើកទី២ ជាមួយលោក Hyun Bin ដែលជាតារាសម្តែងប្រុសមួយរូបរបស់ប្រទេសកូរ៉េខាងត្បូងផងដែរ។ ប៉ុន្តែនៅចុងឆ្នាំ២០១១ ទំនាក់ទំនងស្នេហារបស់ពួកគេត្រូវបានបញ្ចប់ដោយមូលហេតុព្រោះតែតារាងការងារមានភាពមមាញឹកពក ទើបធ្វើអោយពួកគេមិនសូវបានជួបគ្នា នឹងបានធ្វើអោយពួកគេសម្រេចចិត្តបញ្ចប់គ្នាត្រឹមនេះតែម្តង។នៅឆ្នាំ២០១៦ Song Hye Kyo ក៏ចាប់ផ្តើមមានទំនាក់ទំនងស្នេហាម្តងទៀត ជាមួយតារាសម្តែងប្រុសដែលមានវ័យក្មេងជាងនាងគឺលោក Song Joong Ki ហើយពួកគេក៏សម្រេចចិត្តរៀបការនៅថ្ងៃទី៣១ ខែតុលា ឆ្នាំ២០១៧ តែពិតជាសោកស្តាយណាស់ ពួកជាគូរនឹងគ្នាត្រឹមតែ ២០ខែ ប៉ុណ្ណោះ ហើយអ្នកទាំងពីរក៏បានប្រកាសលែងលះគ្នានៅថ្ងៃទី៩ ខែមិថុនា ឆ្នាំ២០១៩ ។នៅក្នុងបណ្តាញសង្គមInstagrams រឿងនេះបានធ្វើអោយអ្នកគាំទ្ររបស់ពួកគេភ្ញាក់ផ្អើលយ៉ាងខ្លាំងនឹងសម្តែងភាពសោកស្តាយគ្រប់ៗគ្នា។ តួសម្តែងដ៏ល្បីល្បាញម្នាក់នេះ សព្វថ្ងៃគាត់កំពុងសម្តែងរឿង The Glory Part2 ផងដែរ៕

ជាទូទៅមនុស្សជាច្រើន នៅពេលទិញផ្លែឈើតែងចាប់អារម្មណ៍លើសម្រស់ស្រស់ និង​ទុំប៉ុណ្ណោះ មិនសូវចាប់អារម្មណ៍លេខកូដ ដែលបានបិតនៅលើផ្លែឈើប៉ុន្មាននោះទេ។ ដោយឡែក ក៏មានអ្នកខ្លះទៀតក៏ប្រហែលធ្លាប់ចាប់អារម្មណ៍ ក៏ប៉ុន្តែមិនដឹងអត្ថន័យវាយយ៉ាងមិច។

សម្រាប់ការបិតលេខកូដនៅលើផ្លែឈើនេះ វាមានតែលើផ្លែឈើំណាដែលនាំចូលពីក្រៅស្រុកប៉ណ្ណោះ ដូច្នេះនៅ​ពេល​អ្នក​ទិញ​ផ្លែឈើ​ដែល​នាំចូល​ពី​បរទេស អ្នក​គួរ​ពិនិត្យ​មើល​លេខ​កូដ​ដែល​បាន​បិត​នៅ​លើ​វា៖

• ប្រសិន​បើ​មាន​លេខ​ចំនួន​៤ខ្ទង់ ដែល​ចាប់​ផ្ដើម​ដោយ លេខ៣ ឬ លេខ៤ មាន​ន័យ​ថា ផ្លែឈើ​នោះ​ត្រូវ​បាន​ដាំដុះ​ក្រោម​ច្បាប់​កសិកម្ម ដែល​ត្រូវ​បាន​អនុវត្ត​នៅ​ក្នុង​ប្រទេស​ជាច្រើន។ ផ្លែឈើ​ទាំងនោះ​ត្រូវ​បាន​គេ​ប្រើប្រាស់​ថ្នាំ​សម្លាប់​សត្វល្អិត និង​ជី​គីមី​សិប្បនិម្មិត
• ប្រសិន​បើ​មាន​លេខ​ចំនួន​៥ខ្ទង់ ដែល​ចាប់​ផ្ដើម​ដោយ លេខ៨ មាន​ន័យ​ថា ផ្លែឈើ​នោះ​ត្រូវ​បាន​គេ​កែប្រែ​ហ្សែន (GMO) ដូច្នេះ​អ្នក​គួរតែ​ជៀសវាង​ផ្លែឈើ​ប្រភេទ​នេះ
• ប្រសិន​បើ​មាន​លេខ​ចំនួន​៥ខ្ទង់ ដែល​ចាប់​ផ្ដើម​ដោយ លេខ៩ មាន​ន័យ​ថា ផ្លែឈើ​នោះ​គឺ​ជា​ផ្លែឈើ​ធម្មជាតិ ដែល​បាន​ដាំដុះ​ដោយ​ប្រើប្រាស់​វិធីសាស្ត្រ​តាម​បែប​ប្រពៃណី ដោយ​គ្មាន​ការ​ប្រើប្រាស់​ថ្នាំ​សម្លាប់​សត្វល្អិត ឬ​ជី​គីមី​ឡើយ។ ផ្លែឈើ​ប្រភេទ​នេះ​ហើយ​ដែល​អ្នក​គួរ​ទិញ​សម្រាប់​គ្រួសារ​របស់​អ្នក៕

ប្រភព៖ Daily Mail 

ប្រទេសអ៊ុយក្រែន ៖ នៅថ្ងៃទី២៣ ខែកុម្ភៈ ធនាគារជាតិរបស់អ៊ុយក្រែនបានបង្ហាញក្រដាសប្រាក់ថ្មីរបស់ខ្លួន ដើម្បីជាការរំលឹកខួប១ឆ្នាំ ដែលប្រទេសរុស្ស៊ីបើកប្រតិបត្តិកងទ័ពវាយលុកមកលើអ៊ុយក្រែន ។

ក្រដាសប្រាក់ថ្មីនេះមានតម្លៃ២០ Hryvnia (Hryvnia ជារូបិយប័ណ្ណអ៊ុយក្រែន ស្មើ០,៥៤ដុល្លារអាមេរិក) ដែលមានរូបទាហានអ៊ុយក្រែន៣នាក់លើកទង់ជាតិពណ៌ខៀវ និងលឿង ចំណែកផ្នែកម្ខាងទៀត គឺជារូបភាពដៃទាំងសងខាងជាប់ចំណង ដើម្បីបង្ហាញពីការបង្កឧក្រិដ្ឋកម្មសង្គ្រាមរបស់រុស្ស៊ីក្នុងដែនដីអ៊ុយក្រែន ។

ទេសាភិបាលធនាគារជាតិអ៊ុយក្រែន Andri Peachy បានថ្លែងទៅកាន់ក្រុមសារព័ត៌មានក្នុងពិធីបង្ហាញក្រដាសប្រាក់ថ្មីនេះ នៅបន្ទប់ប្រជុំកណ្តាលរបស់ធនាគារជាតិក្នុងទីក្រុងគៀវថា ដើម្បីជាការរំលឹកគម្រប់ខួបសង្គ្រាមជាមួយរុស្ស៊ី យើងបានសម្រេចចិត្តដាក់ឱ្យប្រើប្រាស់ក្រដាសប្រាក់ថ្មីនេះសម្រាប់បង្ហាញពីការឈ្លានពាន អារម្មណ៍ និងជានិមិត្តសញ្ញានៃឆ្នាំ ។ កាលពីឆ្នាំ២០២២ ធនាគារកណ្តាលបានខំប្រឹងធ្វើការយ៉ាងខ្លាំង ដើម្បីរក្សាការលូតលាស់នៃសេដ្ឋកិច្ច និងរក្សាស្ថេរភាពក្នុងប្រទេសអ៊ុយក្រែន ដែលទទួលរងការខូចខាតដោយសារសង្គ្រាម ។

ទេសាភិបាលធនាគារជាតិអ៊ុយក្រែនឱ្យដឹងថា លក្ខណៈពិសេសរបស់ក្រដាសប្រាក់ថ្មីនេះ គឺបានបង្ហាញពីសុវត្ថិភាពច្នៃប្រឌិត ហើយធនាគារបានចំណាយពេលប្រមាណ៨ខែក្នុងការរចនា និងផលិតក្រដាសប្រាក់ថ្មីឡើងមក ៕ប្រភព ៖ TNN World