អូស្ត្រាលី៖ ប្រទេសអូស្ត្រាលី នឹងអនុម័តផែនការសាងសង់អគារកម្ពស់ ១៩១.២ ម៉ែត្រ ដោយប្រើបន្ទះក្តារ រួមជាមួយនឹងបេតុងពង្រឹង ដែលអគារខ្ពស់នេះមានឈ្មោះថា C៦។

យោងតាមប្រភពព័ត៌មាន CNN ដែលបានរាយការណ៍កាលពីថ្ងៃទី ៥ ខែតុលាថា អគារនេះនឹងមានកម្ពស់ជិតពីរដងនៃកំណត់ត្រាពិភពលោកបច្ចុប្បន្ន ដូច្នេះនៅពេលសាងសង់រួចរាល់ អគារខ្ពស់កប់ពពក C៦ នឹងក្លាយជាអគារកូនកាត់បេតុងឈើខ្ពស់ជាងគេបំផុតលើពិភពលោក។

គម្រោងអាគារថ្មី C៦ នឹងមានកម្ពស់ ៥០ ជាន់ រួមជាមួយអាផាតមិនជាង ២០០ ដែលធ្វើឱ្យវាក្លាយជាអគារផ្ទះល្វែងអព្យាក្រឹតកាបូនដំបូងគេនៅភាគខាងលិចប្រទេសអូស្ត្រាលី។ ដូច្នេះ ប្រហែល ៤២% នៃប៉មនេះនឹងត្រូវបានសាងសង់ពីឈើចំនួន ៧៤០០ ម៉ែត្រគូប ដែលប្រមូលបានពី ៦០០ ដើម ដោយមានសសរ និងស្នូលធ្វើពីបេតុងពង្រឹង រួមទាំងបញ្ចូលគ្នានូវធ្នឹមឈើដែលមានគ្រោងឆ្អឹងដែកដើម្បីទ្រទ្រង់រចនាសម្ព័ន្ធ។ លើសពីនេះ ផែនការរបស់ក្រុមហ៊ុនក៏រួមបញ្ចូលនូវទីធ្លាពណ៌បៃតងជាច្រើនដូចជា សួនច្បារនៅលើដំបូលអគារ កសិដ្ឋានក្នុងទីក្រុង ក៏ដូចជាផ្តល់ឱ្យអ្នកស្រុកនូវរថយន្តអគ្គិសនី Tesla Model ៣s ចំនួន ៨០ គ្រឿងផងដែរ។

លោក Philip Oldfield សាស្ត្រាចារ្យរងផ្នែកស្ថាបត្យកម្ម និងជានាយកសាលាបរិស្ថានសាងសង់នៅសាកលវិទ្យាល័យ New South Wales បាននិយាយថា បរិស្ថាននៃគម្រោងនេះគឺមានគុណភាពល្អបំផុត។ លោក Oldfield ក៏បានបន្តទៀតថា “ជាធម្មតាយើងសាងសង់អគារខ្ពស់ៗពីដែកថែប និងបេតុង ដោយស៊ីម៉ងត៍ទទួលខុសត្រូវចំពោះការបំភាយឧស្ម័ន CO2 សរុបចំនួន ៨% ។ ដូច្នេះ ការជំនួសបេតុង និងដែកដោយប្រើជីវវត្ថុធាតុដូចជាឈើនឹងកាត់បន្ថយផលប៉ះពាល់បរិស្ថានយ៉ាងសំខាន់នៃអគារ៕

ប្រទេសជប៉ុន ៖ ក្រសួងអប់រំប្រទេសជប៉ុនឱ្យដឹងថា ករណីគំរា.មកំហែ.ងនៅតាមសាលារៀនរបស់ជប៉ុនបានកើនឡើងខ្លាំងកាលពីឆ្នាំ២០២២ ដោយកូនសិស្សត្រូវបានគេគំរា.មកំហែ.ង គឺស្មើរហូតដល់ចំនួន៦៨១.៩៤៨ករណី (ជាង៦៨ម៉ឺនករណី) ។ វាជាតួលេខខ្ពស់ខ្លាំងសម្រាប់ករណីគំរា.មកំហែ.ងតាមសាលារៀននានានៅប្រទេសជប៉ុន ។

ករណីបៀ.តបៀ.ននៅសាលារៀនបឋមសិក្សា បានកើនឡើងរហូតដល់៥៥១.៩៤៤ករណី បន្ទាប់មក មានករណីគំរា.មកំហែ.ងនៅសាលារៀនមធ្យមសិក្សាចំនួន១១១.៤០៤ករណី និងនៅសាលារៀនជិតបញ្ចប់កម្រិតមធ្យមសិក្សាចំនួន១៥.៥៦៨ករណី ។ លើសពីនេះ គេរកឃើញករណីគំរា.មកំហែ.ងនៅក្នុងសាលាសម្រាប់កុមារដែលមានតម្រូវការពិសេសចំនួន៣.០៣២ករណី ។ ចំណែកការគំរា.មកំហែ.ងក្នុងកម្រិតខ្លាំងក្លាស្មើនឹង៩២៣ករណី ដែលបានធ្វើឱ្យកុមារត្រូវអវត្តមាន ឬធ្វើអត្ត.ឃា.ត ។

លទ្ធផលស្ទង់មតិរបស់ក្រសួងអប់រំជប៉ុនលើកនេះបានផ្តោតទៅលើករណីគំរា.មកំហែ.ងក្នុងកម្រិតខ្លាំងក្លា និងមូលហេតុដែលធ្វើឱ្យកូនសិស្សមិនព្រមចូលថ្នាក់រៀន ។ ចំនួនកូនសិស្សអវត្តមានរយៈពេល៣០ថ្ងៃ ឬច្រើនជាងនេះ បានកើនឡើងខ្ពស់រហូតដល់២៩៩.០៤៨ករណី ។ នេះចាត់ទុកថា វាបានកើនឡើងលើសឆ្នាំ២០២១ រហូតដល់២២% ។

តាមទិន្នន័យនេះបង្ហាញឱ្យឃើញពីសារសំខាន់នៃការអនុវត្តវិធានការប្រឆាំងនឹងការគំរា.មកំហែ.ងផ្សេងៗ ដោយបង្កើតបរិយាកាសល្អដើម្បីជំរុញការសិក្សា និងរក្សាសុវត្ថិភាពក្នុងបរិវេណសាលារៀនជប៉ុន ។ ការលើកឡើងពីការគំរា.មកំហែ.ងនានា គឺជាការការពារកុមារទាំងផ្លូវកាយ និងផ្លូវចិត្ត ព្រមទាំងបង្កើតទំនុកចិត្តដល់កុមារគ្រប់រូបឱ្យទទួលបានឱកាសរៀនសូត្រ និងពុំចាំបាច់ភ័យខ្លាច ឬត្រូវគេគំរា.មកំហែ.ង ៕ ប្រភព ៖ Mono News

ភាពស្រស់ស្អាត និងភាពទាក់ទាញ គឺជាបំណងប្រាថ្នារបស់មនុស្សគ្រប់រូប។ បុរសដែលសង្ហារគឺគេផ្តោតលើរូបសម្រស់ដូចជា ច្រមុះស្រួច សម្បុរពណ៌មាស សក់ដ៏ល្អឥតខ្ចោះ ខ្ពស់ស្រឡះ រូបរាងប្រាំមួយកង់ និងការបញ្ចេញសំឡេងដ៏គួរឱ្យទាក់ទាញ រួមទាំងចំណេះដឹង អាកប្បកិរិយា សីលធម៌ សុជីវធម៌…ជាដើម។ ដូច្នេះបុរសដែលមានគុណសម្បត្តិទាំងអស់នេះ គឺជាទីប្រាថ្នារបស់មនុស្សស្រីគ្រប់រូប។ យោងតាមប្រភព Basic Planet បានឱ្យដឹងថា បុរសដែលមានគុណសម្បត្តិទាំងនោះភាគច្រើនស្ថិតក្នុងប្រទេសដូចជា៖

១.ប្រទេសអ៊ីតាលី (Italy)៖ អ៊ីតាលីគឺជាប្រទេសដែលមានបុរសសង្ហាជាងគេទី ១ នៅលើពិភពលោក។ បុរសជនជាតិអ៊ីតាលីមានរូបរាងល្អ និងសង្ហាខ្លាំង ជាមួយនឹងកែវភ្នែកពណ៌ខៀវដ៏កម្រ រួមទាំងសមត្ថភាពអស្ចារ្យជាច្រើនទៀត។

២.ប្រទេសប្រេស៊ីល (Brazil)៖ បុរសប្រេស៊ីលឈរនៅលំដាប់ទី ២ លើពិភពលោក ដោយរូបរាងរបស់ពួកគេគឺពិតជាអស្ចារ្យ ស៊ិចស៊ី និងទាក់ទាញខ្លាំងជាមួយនឹងរូបរាងកាយដ៏សង្ហា បូកនឹងសម្បុរពណ៌អាល់ម៉ុន គឺស្រស់សង្ហារខ្លាំងដែលមិនអាចប្រៀបផ្ទឹមបាន។

៣.ប្រទេសអង់ហ្គោឡា (Angola)៖ ប្រទេសនេះមិនខុសពីប្រេស៊ីលនោះទេ អង់ហ្គោឡាមានបុរសអស្ចារ្យបំផុតក្នុងពិភពលោក។ លក្ខណៈពិសេសរបស់ពួកគេគឺមានសម្បុរខ្មៅស្រអែម ខ្ពស់ស្រឡះ និងទាក់ទាញខ្លាំងជាមួយរូបរាងស្អាត ពួកគេមានជំនាញទំនាក់ទំនងល្អ ពួកគេសាមញ្ញ និងក្លាហាន ដែលជាទីប្រាថ្នារបស់មនុស្សស្រីគ្រប់រូប។

៤.អារ៉ាប៊ីសាអូឌីត (Saudi Arabia)៖ បុរសអារ៉ាប់ពិតជាអស្ចារ្យណាស់ ដោយលក្ខណៈពិសេសរបស់ពួកគេគឺជ្រៅ ហើយមានភ្នែកមុតគួរឱ្យស្រឡាញ់ធ្វើឱ្យពួកគេកាន់តែមានភាពទាក់ទាញនិងមើលទៅសង្ហាខ្លាំង។

៥.ប្រទេសបារាំង (France)៖ ប្រទេសបារាំងជាប់ក្នុងបញ្ជីបុរសសង្ហាជាងគេលើពិភពលោកយូរហើយ ពួកគេមានរូបរាងស្រស់សង្ហារ មានការស្លៀកពាក់ទំនើប និងទាន់សម័យខ្លាំង ដែលធ្វើឱ្យនារីភាគច្រើនលង់ដកចិត្តមិនរួច។

៦.ប្រទេសអាល្លឺម៉ង់ (Germany)៖ បុរសអាល្លឺម៉ង់ឈរនៅលំដាប់ទី ៦ នៅលើពិភពលោក ជាមួយលក្ខណៈពិសេសរបស់ពួកគេនិងរូបរាងដ៏ស្រស់ស្អាតអស្ចារ្យ រួមទាំងស្បែកស សក់ពណ៌ទង់ដែង កែវភ្នែកដ៏ទាក់ទាញ និងស្នាមញញឹមដ៏រស់រវើកបំផុត។

៧.ប្រទេសអូស្ត្រាលី (Australia)៖ បុរសសង្ហាបំផុតលំដាប់ទី ៧ បានទៅលើប្រទេសអូស្ត្រាលី បុរសអូស្ត្រាលីភាគច្រើនមានរាងស្អាតគួរឱ្យស្រឡាញ់និងមុខមាត់ដ៏គួរឱ្យទាក់ទាញ រួមជាមួយរាង ៦ កង់ដ៏ស៊ីចស៊ី៕

មហាជនអ្នកលេងបណ្តាញសង្គមមានការភ្ញាក់ផ្អើលយ៉ាងខ្លាំងបន្ទាប់ពីរឿងខ្លីរបស់ចិនដែលមានតួឯកស្រី ជាំងស៊ីឈិក បានយកលុយក្រដាស១០០រៀលខ្មែរទៅថត ស្របពេលដែលចុងក្រោយនេះល្បីថាក្រដាសប្រាក់១០០រៀលមានអាថាន់ មានទាំងរូបសង្ឃ( រូបព្រះបរមរតនកោដ្ឋ)មានទាំងរូបព្រះពុទ្ធនាំឱ្យមានជំនឿផ្សេងៗ។ ជាំងស៊ីឈិក (Jiang ShiQi) គឺតួឯកស្រីដែលមានមនុស្សជាច្រើនប្រាថ្នាចង់បានជីវិតដូចនាងនៅក្នុងរឿងជាមនុស្សក្រលំបាកតែបានជួបស្នេហាសុទ្ធតែមហាសេដ្ឋី ហើយរឿងចិនខ្លីៗដែលនាងសម្តែងទទួលបានការគាំទ្រយ៉ាងខ្លាំងពីទស្សនិកជន ជាពិសេសប្រជាជនកម្ពុជាក៏និយមទស្សនារឿងរបស់នាងសម្តែងផងដែរ។ រាល់សាច់រឿងដែលនាងសម្តែងគឺយកឈ្មោះជាំងស៊ីឈិក មកប្រើទាំងអស់ ខណៈរឿងនីមួយៗសុទ្ធតែបង្កប់តម្លៃអប់រំឱ្យមនុស្សធ្វើអំពើល្អ ឱ្យតម្លៃមនុស្សជុំវិញខ្លួនមិនថាមានឬក្រក្តីកុំមើលងាយមនុស្សក្រលំបាក។

ដោយឡែកនាពេលថ្មីៗនេះនៅលើបណ្តាញសង្គមមានការចាប់អារម្មណ៍យ៉ាងខ្លាំង ព្រោះក្នុងវីដេអូរឿងរបស់ ជាំងស៊ីឈិក បានយកលុយក្រដាស១០០រៀលរបស់ខ្លួនយកទៅថត ក្នុងវគ្គទៅទិញគ្រឿងអលង្ការតម្លៃ២លានដោយនាងបានហុចក្រដាស១០០រៀលនេះទៅឱ្យអ្នកលក់។ ការបង្ហាញក្រដាសប្រាក់១០០រៀលនេះបានបង្កឱ្យមានភាពភ្ញាក់ផ្អើលយ៉ាងខ្លាំង ព្រោះនេះមិនមែនជារូបភាពប្រឌិតឡើយប៉ុន្តែវាជាការពិត។

អ្វីដែលចាប់អារម្មណ៍បន្ថែមទៀតរយៈពេលចុងក្រោយនេះផងដែរ លុយក្រដាស១០០រៀលមានភាពល្បីល្បាញយ៉ាងខ្លាំងជាពិសេសជនជាតិថៃដោយសារគេមានជំនឿថាលុយនេះមានអាថាន់ មានទាំងរូបសង្ឃ( រូបព្រះបរមរតនកោដ្ឋ)មានទាំងរូបព្រះពុទ្ធ ការពារគ្រោះផ្សេងៗ៕

https://youtu.be/bmoUj7egqfU

ប្រទេសថៃ ៖ កាលពីថ្ងៃទី៤ ខែតុលា ឆ្នាំ២០២៣ កងកម្លាំងប៉ូលិសបង្ក្រាបបទល្មើសពាក់ព័ន្ធនឹងឧក្រិដ្ឋកម្មបច្ចេកវិទ្យា បានយកដីការបស់តុលាការចូលទៅឆែកឆេរផ្ទះមួយកន្លែងមានកម្ពស់៣ជាន់ ស្ថិតនៅតំបន់ឡាតក្រាបាំង ទីក្រុងបាងកក ក្រោយពីលទ្ធផលស៊ើបអង្កេតរកឃើញថា ផ្ទះនេះជាកន្លែងប្រមូលផ្តុំផលិតផលលួចលាក់នាំចូលពីក្រៅប្រទេស និងលក់ចែកចាយទៅឱ្យអតិថិជន ។

កម្លាំងប៉ូលិសបានឆែកឆេរឃើញផលិតផលដាស់អារម្មណ៍ និងឧបករណ៍ផ្លូ.វភេ.ទប្រមាណជិត២ម៉ឺនមុខ ស្មើនឹងទឹកប្រាក់១០លានបាត ។ ចំណែកម្ចាស់ផ្ទះលក់ផលិតផលខុសច្បាប់នេះ គឺជាស្ត្រីជនជាតិថៃ អាយុ២៤ឆ្នាំ និងស្វាមីជនជាតិចិន អាយុ២៨ឆ្នាំ ។

លោកវរសេនីយ៍ឯក Patthaphawit Wongphinij ធ្វើការផ្នែកបង្ក្រាបបទល្មើសខាងផ្លូ.វភេទតាមបច្ចេកវិទ្យាលើកឡើងថា បន្ទាប់ពីលោកបានត្រួតពិនិត្យការលក់ផលិតផលតាមអនឡាញឃើញថា ពួកគេបានផ្សព្វផ្សាយថា វាជាផលិតផលផ្នែកម៉ាស្សា ប៉ុន្តែផលិតផលជាក់ស្តែង គឺជាថ្នាំសម្រើ.ប និងឧបករ.ណ៍ផ្លូ.វភេ.ទ ដែលលួចនាំចូលពីចិន ។

លោក វរសេនីយ៍ឯក Patthaphawit Wongphinij បន្តថា ចំណែកជនល្មើ.សបានលាក់អត្តសញ្ញាណរបស់ខ្លួន ដោយប្រើប្រាស់ឈ្មោះអ្នកដទៃដើម្បីសុំចុះឈ្មោះបើកហាងលក់ផលិតផល ។ បន្ទាប់ពីប៉ូលិសបានស៊ើបអង្កេតរួចឃើញថា ផ្ទះមួយកន្លែងនេះជាទីកន្លែងលាក់ទុកផលិតផលខុសច្បាប់ ។ ដូច្នេះ ប៉ូលិសក៏បានស្នើឱ្យតុលាការចេញដីកាឆែកឆេរ និងចាប់ខ្លួនតែម្តងដើម្បីចាត់ការតាមផ្លូវច្បាប់ ។

ចុងក្រោយ ជនល្មើ.សបានទទួលស្គាល់ថា ពួកគេបាននាំចូលផលិតផលទាំងនេះពីប្រទេសចិន និងលួចដាក់លក់នៅប្រទេសថៃ អស់រយៈពេលជាង៣ឆ្នាំហើយ ។ ក្នុង១ខែៗ ពួកគេអាចលក់ផលិតផលទាំងនេះបានចំនួន២.០០០ប្រភេទ និងទទួលបានប្រាក់ចំណូលរាប់លានបាត ៕ ប្រភព ៖ Mono News

បរទេស៖ យោងតាមប្រតិបត្តិករបញ្ជូនរបស់បែលហ្ស៊ិក បានប្រកាសនៅថ្ងៃទី ៥ ខែតុលាថាខ្លួនបានទទួលអាជ្ញាប័ណ្ណដើម្បីសាងសង់កោះថាមពលសិប្បនិម្មិត Princess Elisabeth ដែលមានសមត្ថភាព ៣.៥ GW ។កោះ Princess Elisabeth រួមបញ្ចូលមជ្ឈមណ្ឌលថាមពលចម្ងាយ ៤៥ គីឡូម៉ែត្រពីឆ្នេរសមុទ្រ ដោយភ្ជាប់ប្រព័ន្ធអគ្គិសនីដីគោកទៅកាន់កសិដ្ឋានខ្យល់ថ្មី ក៏ដូចជាបណ្តាញតភ្ជាប់ពីចក្រភពអង់គ្លេស និងដាណឺម៉ាក ទៅកាន់បណ្តាញអគ្គិសនីបែលហ្ស៊ិក។ កោះនេះនឹងរួមបញ្ចូលគ្នាទាំងថាមពល DC និង AC ដូច្នេះការសាងសង់លើគម្រោងនេះនឹងចាប់ផ្តើមនៅដើមឆ្នាំ ២០២៤ ហើយនឹងបញ្ចប់ក្នុងរយៈពេលប្រហែល ២ ឆ្នាំ។

លោកស្រី Tinne Van der Straeten រដ្ឋមន្ត្រីក្រសួងថាមពលបែលហ្ស៊ិកបាននិយាយថា បែលហ្ស៊ិកគឺជាប្រទេសនាំមុខគេខាងថាមពលខ្យល់នៅឆ្នេរសមុទ្រ។ បែលហ្ស៊ិកក៏កំពុងជំរុញការផ្លាស់ប្តូរថាមពលដោយការបង្កើនសមត្ថភាពថាមពលខ្យល់ក្នុងសមុទ្រខាងជើងចំនួនបួនដង ដោយកសាងកោះថាមពល និងបណ្តាញតភ្ជាប់ជាមួយប្រទេសជុំវិញ។ លោកស្រី បានបន្តទៀតថា កោះថាមពលថ្មីនេះនឹងក្លាយជាមជ្ឈមណ្ឌលថាមពលខ្យល់នៅឯនាយសមុទ្រ ដោយផ្តល់ថាមពលថោក និងនិរន្តរភាពដល់គ្រួសារ រួមទាំងក្រុមហ៊ុនក្នុងប្រទេសបែលហ្ស៊ិក ដោយប្រែក្លាយសមុទ្រខាងជើងទៅជារោងចក្រថាមពលបៃតង។

បច្ចុប្បន្ន ប្រតិបត្តិកររបស់បែលហ្សិក បានបញ្ចប់ការរចនា ដោយរួមបញ្ចូលវិធានការការពារសត្វព្រៃនៅក្នុងសមុទ្រ និងនៅលើកោះ។ ការរចនានេះត្រូវបានបង្កើតឡើងដោយមានការណែនាំពីអ្នកជំនាញដើម្បីពិចារណាថាតើធាតុណាដែលត្រូវផ្លាស់ប្តូរ ឬបន្ថែមដើម្បីបង្កើនជីវចម្រុះនៅលើ និងជុំវិញកោះ។បេតុងសរុបចំនួន ២៣ បន្ទប់ បណ្តោយ ៦០ ម៉ែត្រ ទទឹង ៣០ ម៉ែត្រ និង កម្ពស់ ៣០ ម៉ែត្រ នឹងត្រូវអូសទៅកាន់ទីតាំងឈូងសមុទ្រ ហើយដំឡើងនៅនឹងកន្លែងក្នុងកំឡុងឆ្នាំ ២០២៤ និង ២០២៥។ នៅពេលដែលបានដំឡើងរួច កោះនេះនឹងត្រូវបានចាក់បំពេញឡើងវិញតាមរយៈកម្រិតខ្សាច់ និងការរៀបចំ សម្រាប់ការដំឡើងហេដ្ឋារចនាសម្ព័ន្ធអគ្គិសនី។ យោងតាមលោក Van Quickenborne ទួរប៊ីនខ្យល់ដំបូងនៅលើកោះនេះនឹងត្រូវបានចែកចាយនៅឆ្នាំ ២០២៨៕
ប្រភព៖cfef.com

ប្រទេសថៃ ៖ កាលពីថ្ងៃទី៣ ខែតុលា ឆ្នាំ២០២៣ ក្មេងប្រុសជនជាតិថៃម្នាក់ អាយុ១៤ឆ្នាំ បានធ្វើការបា.ញ់ប្រហា.រទៅលើមនុស្សម្នាដែលមកប្រើប្រាស់សេវាកម្មនៅ SIAM PARAGON ស្ថិតនៅទីក្រុងបាងកក ប្រទេសថៃ ដែលបណ្តាលឱ្យមនុស្សស្លា.ប់ចំនួន២នាក់ និងរងរបួ.ស៥នាក់ ។ អ្នកស្លា.ប់ដោយសារហេតុការណ៍នេះមានភ្ញៀវទេសចរចិនម្នាក់ និងជនជាតិមីយ៉ាន់ម៉ាម្នាក់ ។

ក្រោយមក លោក សេដ្ឋា ថាវីស៊ីន នាយករដ្ឋមន្ត្រី និងជារដ្ឋមន្ត្រីក្រសួងហិរញ្ញវត្ថុប្រទេសថៃ បានទំនាក់ទំនងទៅខាងស្ថានទូតចិន និងរាយការណ៍ពីស្ថានការណ៍ទាំងអស់ ។ លោកលើកឡើងថា ស្ថានការណ៍នៅប្រទេសថៃបានធូរស្រាល និងមានសុវត្ថិភាពជាធម្មតា ហើយហេតុការណ៍នេះនឹងមិនប៉ះពាល់ដល់វិស័យទេសចរណ៍ប្រទេសថៃទេ ។

កន្លងមក ប្រទេសថៃបានលើកលែងទិដ្ឋាការសម្រាប់ភ្ញៀវទេសចរចិន ចាប់ពីថ្ងៃទី២៥ ខែកញ្ញា ឆ្នាំ២០២៣ ដើម្បីទាក់ទាញភ្ញៀវទេសចរចិនមកកម្សាន្តនៅប្រទេសថៃ ឱ្យដូចក្នុងអំឡុងពេលមុនជំងឺកូវីដ-១៩ ឆ្លងរាតត្បាត ។ ប៉ុន្តែនៅពេលជំងឺកូវីដបានធូរស្រាល វិស័យទេសចរណ៍របស់ថៃហាក់ដូចជាប្រឈមនឹងបញ្ហាមួយចំនួន ព្រោះអ្នកលេងបណ្តាញសង្គមចិនជាច្រើននាក់បារម្ភពីសុវត្ថិភាពរបស់ពួកគេពេលដើរកម្សាន្ត ។

ជនជាតិចិនមិនចាប់អារម្មណ៍នឹងវិធានការលើកលែងទិដ្ឋាការរបស់ថៃទេ ដោយជនជាតិចិនខ្លះបញ្ចេញមតិក្នុងបណ្តាញសង្គមថា ៖ «សូម្បីតែសត្វឆ្កែ ក៏វាមិនមកលេងប្រទេសថៃដែរ បើទោះជាថៃលើកលែងទិដ្ឋាការដល់ភ្ញៀវទេសចរក៏ដោយ» ។

តាមការសង្កេតលើការបញ្ចេញមតិក្នុងបណ្តាញសង្គមរបស់ជនជាតិចិននាពេលបច្ចុប្បន្ន គឺមូលហេតុចម្បងដែលចិនមិនចង់ធ្វើដំណើរមកថៃ គឺអាចមកពីការផ្សាយព័ត៌មានពិត ឬព័ត៌មានក្លែងក្លាយអំពីការបោកប្រាស់ជនជាតិចិនឱ្យទៅធ្វើការខុសច្បាប់នៅប្រទេសជិតខាងរបស់ថៃ ។ ក្រោយការដាក់បញ្ចាំងខ្សែភាពយន្តបែបរន្ធ.ត់នៅប្រទេសចិន និងតាមរយៈការបញ្ចេញមតិរបស់ជនជាតិចិនក្នុងបណ្តាញសង្គមបង្ហាញថា ប្រព័ន្ធផ្សព្វផ្សាយចិនបានបង្ហាញពីផលប៉ះពាល់ដល់ភ្ញៀវទេសចរពេលមកលេងនៅប្រទេសក្នុងតំបន់អាស៊ាន ។

លើសពីនេះ ភ្ញៀវទេសចរចិនកាន់តែភ័យខ្លាចថែមទៀត នៅពេលមានហេតុការណ៍បា.ញ់ប្រហា.រនៅ SIAM PARAGON ស្ថិតនៅទីក្រុងបាងកក ប្រទេសថៃ និងបណ្តាលឱ្យភ្ញៀវទេសចរចិនម្នាក់ស្លា.ប់ក្នុងហេតុការណ៍នេះ ។ ដូច្នេះ បណ្តាក្រុមហ៊ុនទេសចរណ៍ ក៏ដូចជាពលរដ្ឋថៃបានសំណូមពរឱ្យស្ថាប័នពាក់ព័ន្ធជួយដោះស្រាយបញ្ហានេះ ដើម្បីលើកមុខមាត់ប្រទេសថៃឱ្យក្លាយជាតំបន់ទេសចរណ៍ទាក់ទាញដូចមុន ៕ ប្រភព ៖ MGROnline Live

សហរដ្ឋអាមេរិក និងរុស្ស៊ីបានចាប់ផ្តើមសាកល្បងប្រើប្រាស់ប្រព័ន្ធប្រកាសអាសន្នតាមបណ្តាញផ្សេងៗនៅទូទាំងប្រទេស ដើម្បីឱ្យអាជ្ញាធរបានត្រៀមខ្លួន និងឱ្យពលរដ្ឋបានដឹងព័ត៌មាន ព្រមទាំងស្វែងរកវិធីយករួចខ្លួនពីហេតុការណ៍គ្រោះថ្នាក់ ។ នៅពេលមានហេតុការណ៍គ្រោះថ្នាក់ណាមួយកើតឡើង ប្រព័ន្ធប្រកាសអាសន្ននេះនឹងបន្លឺសំឡេងឡើងនៅលើទូរស័ព្ទចល័ត និងបណ្តាញផ្សេងទៀតនៅទូទាំងប្រទេស ។

ការិយាល័យសង្គ្រោះបន្ទាន់ប្រចាំសហរដ្ឋអាមេរិកបានចាប់ផ្តើមសាកល្បងប្រើប្រាស់ប្រព័ន្ធប្រកាសអាសន្នជាទ្រង់ទ្រាយធំ កាលពីថ្ងៃទី៤ ខែតុលា ឆ្នាំ២០២៣ តាមរយៈបណ្តាញទូរស័ព្ទចល័ត, ស្ថានីយទូរទស្សន៍ និងស្ថានីយវិទ្យុនានា ។ ការិយាល័យសង្គ្រោះបន្ទាន់ប្រចាំសហរដ្ឋអាមេរិកបញ្ជាក់ថា គោលបំណងចម្បងរបស់ការសាកល្បងប្រើប្រាស់ប្រព័ន្ធប្រកាសអាសន្នលើកនេះ គឺដើម្បីបង្កើនប្រសិទ្ធភាពការប្រកាសអាសន្នទៅដល់ពលរដ្ឋ រហូតដល់ភ្នាក់ងារចាត់ការគ្រោះអាសន្នផ្សេងៗ ព្រមទាំងផ្តោតទៅលើការប្រកាសអាសន្ននៅទូទាំងប្រទេស ។

ចំណែកនៅប្រទេសរុស្ស៊ីវិញ ក៏បានសាកល្បងប្រើប្រាស់ប្រព័ន្ធប្រកាសអាសន្នដូចគ្នាដែរ កាលពីថ្ងៃទី៤ ខែតុលា ឆ្នាំ២០២៣ ។ ក្រសួងការងារគ្រោះអាសន្នរបស់រុស្ស៊ីលើកឡើងថា ការសាកល្បងប្រើប្រាស់ប្រព័ន្ធប្រកាសអាសន្ននេះ ដើម្បីឱ្យអាជ្ញាធរបានត្រៀមខ្លួន ព្រោះអាជ្ញាធរត្រូវទទួលខុសត្រូវពេលមានហេតុការណ៍មិនល្អកើតឡើង ក៏ដូចជាផ្តល់ដំណឹងឱ្យពលរដ្ឋបានដឹងផងដែរ ។ គេនឹងធ្វើការប្រកាសអាសន្នជាសាធារណៈនៅពេលមានហេតុការណ៍អាក្រក់កើតឡើងដូចជា ការគំរាមកំហែងដល់សន្តិសុខជាតិ, គ្រោះមហន្តរាយដែលបង្កឡើងដោយធម្មជាតិ និងមនុស្ស ។

ការសាកល្បងប្រើប្រាស់ប្រព័ន្ធប្រកាសអាសន្នរបស់រុស្ស៊ីលើកនេះ មានដូចជា ការបន្លឺសំឡេងស៊ីរ៉ែនប្រកាសអាសន្ន និងការប្រកាសអាសន្នតាមរយៈស្ថានីយទូរទស្សន៍នៅទូទាំងប្រទេសរុស្ស៊ី ។ រុស្ស៊ីបានចាប់ផ្តើមសាកល្បងប្រើប្រាស់ប្រព័ន្ធប្រកាសអាសន្នតាំងពីឆ្នាំ២០២០ មកម៉្លេះ ព្រមទាំងមានការសាកល្បងប្រព័ន្ធនេះចំនួន២លើកក្នុង១ឆ្នាំ ៕ ប្រភព ៖ Mono News