តារាចម្រៀង ករុណា ពេជ្រ ត្រូវបានអ្នកលេងបណ្តាញសង្គមហ្វេកប៊ុកយ៉ាងខ្លាំងបន្ទាប់ពីលោកបកស្រាយចម្រៀងផ្ទាល់នៅក្នុងការប្រគំតន្រ្តីមួយកាលពីកន្លងមកនេះ។ ឆ្លើយនឹងពាក្យរិះគន់ទាំងនោះលោកបានបង្ហាញថាបណ្ឌិតហ្វេកប៊ុកខ្លះគឺប្រើគណនីក្លែងក្លាយចូលមកខម្មិនបែបជាន់ពន្លិចបំបាក់ទឹកចិត្តខ្លួននិងចង់ឱ្យដើរចេញពីអាជីពសិល្បៈទៀត។ តារាចម្រៀងរូបនេះថាទុកផ្លូវសម្រាប់លោកផងដើម្បីរកប្រាក់ចំណូលទប់ទល់ជីវភាពគ្រួសារខណៈសេដ្ឋកិច្ចពិបាករកលុយណាស់។

បកទៅរយៈពេលជាច្រើនឆ្នាំមុនតារាចម្រៀង ករុណា ពេជ្រ បានសាងប្រជាប្រិយភាពតាមររយៈបទល្បីៗមួយចំនួននៅក្នុងផលិតកម្មថោនដែលធ្វើឱ្យឈ្មោះរបស់លោកត្រូវបានមនុស្សជាច្រើនស្គាល់។ បន្ទាប់ពីផ្អាកពីសកម្មភាពរបស់ខ្លួនលោកក៏បានប្រឡូកក្នុងអាជីពចម្រៀងវិញហើយដោយចេញបទចម្រៀងថ្មី និង Remark បទល្បីៗរបស់ខ្លួនពីមុនដោយបញ្ចូលថែមការរ៉េបជាដើម។

យ៉ាងណាមិញ ថ្មីៗនេះតារាចម្រៀង ករុណា ពេជ្រ បានជ្រើសរើសបទ «នាំគេឱ្យស្រឡាញ់អូន» លាយជាមួយនឹងការរ៉េបថ្មី ហើយលោកបានបកស្រាយបទចម្រៀងផ្ទាល់លើឆាកប្រគំតន្រ្តីប៉ុន្តែត្រូវបានអ្នកលេងបណ្តាញសង្គមរិះគន់ចាស់ដៃ។ តារាចម្រៀងក្នុងទ្រនំថោនរូបនេះបានឆ្លើយតបនឹងការបញ្ចេញមតិទាំងនោះដោយរៀបរាប់នៅលើបណ្តាញសង្គមរបស់ខ្លួនថា «វីដេអូ ខ្លីមួយ ត្រូវបានខ្ញុំកាត់ចេញពី វីដេអូ វែងនេះ មកផុស ក៏ត្រូវបាន បណ្ឌិតពិត និង បណ្ឌិត fake acc ខ្លះចូលមក ខមិនបែបជាន់ពន្លេច និង ខ្លះរហូត ខមិនបំបាក់ទឹកចិត្តខ្ញុំ ខ្លះរហូតអោយខ្ញុំដាក់មេក្រូ ដើរចេញ ឈប់ ច្រៀងទៅ…. !ខ្ញុំដឹងថា សមត្ថភាពខ្ញុំមិនល្អគ្រប់ជ្រុងជ្រោយ រឺ ក៏ដូចតាមការចង់បានបងៗទេ ប៉ុន្តែ ក៏មិនគួរណាបងប្អូនចេញមកខមិនបែបនេះ លើ ផេក ផ្ទាល់របស់ខ្ញុំទេ … ម្យ៉ាងចាត់ទុកថា អាណិតខ្ញុំ ធ្វើបុណ្យសម្រាប់ខ្ញុំម្នាក់មួយចុះគ្រាន់ដើម្បីទុកផ្លូវឱ្យខ្ញុំដើរផង ដើម្បីរកចំណូលទប់ទល់ក្នុងជីវភាពគ្រួសារ ខណៈសេដ្ឋកិច្ច ពិបាករកលុយណាស់… »។

តារាចម្រៀង ករុណា ពេជ្រ ថាមនុស្សម្នាក់ៗសុទ្ធតែមានបន្ទុកគ្រួសាររៀងៗខ្លួន ហើយការរិះគន់បែបជាន់ពន្លិចបែបនេះប្រសិនបើលោកបាត់បង់ការងារទៅតើបានអ្នកណាជាជំហរគ្រួសារ។ លោកថាអ្នករិះគន់បែបជាន់ពន្លិចមួយចំនួនសុទ្ធតែអាខោនក្លែងក្លាយសប្បាយចិត្តនឹងជីវិតដែលបៀតបៀនបំផ្លាញគេ។ តារាចម្រៀងរូបនេះថាបើមិនពេញចិត្តលោកអូសរំលងទៅ ការបៀតបៀន បំផ្លាញគេ សុទ្ធតែជាអំពើបាប ហើយកម្មពារទាំងនោះមិនចាំជាតិក្រោយឡើយ។

ជាមួយគ្នានេះ ករុណា ពេជ្រ បានពោលពាក្យអរគុណសម្រាប់ទស្សនិកជនដែលខម្មិនលើកទឹកចិត្តលោកចេញពីចិត្តហើយនេះបានសមជាមនុស្សរងក្នុងសង្គមដូចគ្នា ចេះកែប្រែគ្នា ចេះឱ្យកម្លាំងចិត្តគ្នាទោះបីមានការងារក្រុមគ្រួសាររៀងខ្លួនក៏ដោយ៕

នាពេលថ្មីៗនេះនៅឯវិទ្យាស្ថានបច្ចេកវិទ្យាកម្ពុជា ឬទស្សនិកជនហៅថាសាលាតិចណូ បានរៀបចំកម្មវិធីសង្ក្រាន្តដោយមានការប្រគំតន្រ្តី ការរៀបចំក្បួនដង្ហែទេវតាឆ្នាំថ្មីផង។ ក្នុងឆ្នាំ២០២៦ នេះ ពេជ្រ វត្តីសារ៉ាវឌ្ឍី ត្រូវបានជ្រើសរើសជាពិសេសធ្វើជាតួអង្គតំណាងទេវតាឆ្នាំថ្មីដោយទទួលបានការចាប់អារម្មណ៍ជាច្រើន។

ពេជ្រ វត្តីសារ៉ាវឌ្ឍី បានបង្ហាញអារម្មណ៍រំភើបនិងសប្បាយចិត្តជាខ្លាំងដែលទទួលបានការស្វាគមន៍យ៉ាងកក់ក្តៅពីនិស្សិតនៅសាលាតិចណូក្នុងឱកាសលើកដំបូងរបស់នាងដែលតែងខ្លួនជាទេវតាឆ្នាំថ្មីសម្រាប់កម្មវិធីរបស់សាលា។ បវរកញ្ញាដ៏មានមានប្រជាប្រិយរូបនេះបានបង្ហោះនៅលើបណ្តាញសង្គមរបស់ខ្លួនថា «លើកទីមួយរបស់នាងខ្ញុំក្នុងការតំណាងឱ្យតួអង្គទេវតានៃឆ្នាំ២០២៦ របស់សាលាតិចណូព្រះនាម « រាក្យសាទេវី » មានសៀតផ្កាឈូក គ្រឿងប្រដាប់មោរា ភក្សាហារលោហិត (ឈាមស្រស់) អាវុធស្តាំត្រីសូល៍ ដៃឆ្វេងកាន់ធ្នូរ ជិះពាហនៈ អស្សតរ (សេះ)»។

ជាមួយនឹងការរៀបចំតាមបែបប្រពៃណីខ្មែរក្នុងឱកាសឆ្នាំចាស់ផ្លាស់ចូលឆ្នាំថ្មីនាពេលខាងមុខនេះការតែងខ្លួនជាតួអង្គទេវតារបស់ ពេជ្រ វត្តីសារ៉ាវឌ្ឍី និងបវរកញ្ញា រួមទាំងអ្នកសិល្បៈផ្សេងទៀតទទួលបាននូវការចាប់អារម្មណ៍យ៉ាងខ្លាំងជាមួយនឹងការទស្សនាយ៉ាងច្រើនកុះករពីអ្នកដែលទៅទស្សនាចូលរួមដោយផ្ទាល់នៅទីនោះ។

រូបភាពនិងវីដេអូរបស់ ពេជ្រ វត្តីសារ៉ាវឌ្ឍី ដែលបង្ហោះនៅលើអ៊ីនធឺណិតក៏បានរីកសាយភាយយ៉ាងឆាប់រហ័សជាមួយនឹងពេញចិត្តជាច្រើនពីទស្សនិកជនផងដែរ។
គួរបញ្ជាក់ផងដែរថា សកម្មភាពចុងក្រោយនេះ ពេជ្រ វត្តីសារ៉ាវឌ្ឍី បានខិតខំលើកស្ទួយយ៉ាងខ្លាំងទាំងការផ្សព្វផ្សាយវប្បធម៌និងតំបន់ទេសចរណ៍៕

វប្បធម៌ខ្មែរនិងថៃគឺជាជម្លោះនៅលើបណ្តាញសង្គមដែលមានអាយុកាលជាច្រើនឆ្នាំមកហើយដែលគ្មានវិធីដោះស្រាយណាមួយឡើយដោយសារតែការមិនព្រមទទួលស្គាល់នូវអ្វី ជាការពិតនិងរៀនសូត្រតែប្រវត្តិសាស្រ្តដែលក្លែងបន្លំ។ ស្របពេលនិន្នាការស្បៃកាន់តែរីកដុះដាលរាល់ពេលសិល្បការិនីខ្មែរគ្រងនូវឈុតស្បៃតែងតែត្រូវបានជនជាតិថៃមួយចំនួនចោទប្រកាន់ថាជាឈុតស្បៃរបស់ថៃ។ ហត់ចិត្តនឹងជនជាតិថៃមួយចំនួនពេក លីវ ជីលី ស្រាប់តែលើកឡើងចំៗបែបនេះតែម្តង។

ជាមួយនឹងឈុតស្បៃខ្មែរដ៏ស្រស់ស្អាត លីវ ជីលី បាននិយាយនៅលើបណ្តាញសង្គមរបស់ខ្លួនកាលពីពេលថ្មីៗនេះ(២៦ មីនា) ថា «ពេលខ្លះហត់ជាមួយប្រជាជនសៀមមួយចំនួនហ្នឹងម៉េស ទឹកដីក៏លួច វប្បធម៌ក៏លួច សំខាន់ឈុតខ្មែរស្បៃខ្មែរ អីហ្នឹងក៏វាថារបស់វា ឆ្ងល់ប្រាសាទពីរ៉ាមីត កំផែងរបស់ចិនអីហ្នឹងហាស់កាលណាវាថារបស់វាម្តងហត់ម៉េស»។

Miss Supranational Cambodia 2023 បានផ្តាំផ្ញើទៅកាន់ជនជាតិសៀមថាគួររៀនប្រវត្តិសាស្រ្តសាថ្មី កុំរៀនតាម ដូនតាដែលក្លែងប្រវត្តិសាស្រ្ត សម័យនេះជាសម័យ AI ហើយ។ ពិតប្រាកដណាស់នៅពេល លីវ ជីលី លើកឡើងខាងលើនេះក៏មានជនជាតិថៃមួយចំនួនចូលមកខម្មិនបញ្ចេញមតិជាច្រើនហូរហែផងដែរ។ លើសពីនេះទៅទៀត គណនីជនជាតិថៃខ្លះហេតុតែចង់ឈ្នះនឹងការបង្ហោះរបស់ លីវ ជីលី ថែមទាំងខម្មិនជាភាសាខ្មែរទាំងទទឹងទិសចូលក្នុងការបង្ហោះនោះទៀតផង។

ជារឿយៗនិងជាញឹកញាប់ឱ្យតែសិល្បការិនីខ្មែរគ្រងនូវឈុតស្បៃខ្មែរ ឬជនបរទេសណាក៏ដោយស្លៀកឈុតប្រពៃណីខ្មែរ ជនជាតិថៃតែងតែបញ្ចេញមតិថាជាសំលៀកបំពាក់របស់ពួកគេ មិនលើកលែងសូម្បីតែព្រះនាង ចេណ្ណា ក៏ត្រូវបានជនជាតិថៃមួយចំនួនបញ្ចេញមតិស្អប់ខ្ពើមដូចគ្នា៕

ថ្មីៗនេះតារាសម្តែងចិន Fan Bingbing បានបង្កឱ្យមានការភ្ញាក់ផ្អើលយ៉ាងខ្លាំង នៅពេលដែលនាងបានចែករំលែករូបថតមួយសន្លឹកជាមួយអ្នកដឹកនាំរឿង Squid Game លោក Hwang Dong Hyuk។ ការជួបគ្នារវាងអ្នកទាំងពីរបានកើតឡើងនៅឯមហោស្រពភាពយន្តអាស៊ីលើកទី១៩។ យោងតាមប្រព័ន្ធផ្សព្វផ្សាយ ជាធម្មតាវាអាចគ្រាន់តែជាការជួបគ្នាធម្មតាមួយប៉ុណ្ណោះ ប៉ុន្តែវាគឺជាចំណងជើងដែលភ្ជាប់មកជាមួយរូបថតដែលទាក់ទាញចំណាប់អារម្មណ៍បំផុត។

Fan Bingbing បានពិពណ៌នាវាថាជា «ការជួបគ្នានៃស្មារតី និងភាពច្នៃប្រឌិត» ដែលបង្កឱ្យមានការសង្ស័យអំពីកិច្ចសហការដែលអាចកើតមានរវាងអ្នកទាំងពីរ។ សកម្មភាពរបស់ Fan Bingbing នៅពេលនេះ គឺកាន់តែគួរឲ្យកត់សម្គាល់ថែមទៀត ខណៈដែលអ្នកដឹកនាំរឿង Hwang ទើបតែបានប្រកាសពីគម្រោងភាពយន្តថ្មីមួយ ដែលមានចំណងជើងថា «KO Club»។ យោងតាមរបាយការណ៍ គំនិតដំបូងសម្រាប់រឿងនេះត្រូវបានបង្កើតឡើងដោយអ្នកដឹកនាំរឿងភ្លាមៗបន្ទាប់ពីភាពជោគជ័យយ៉ាងខ្លាំងនៃ «Squid Game»។ ស្គ្រីបឥឡូវនេះត្រូវបានបញ្ចប់ ហើយខ្សែភាពយន្តនេះកំពុងស្ថិតក្នុងដំណាក់កាលជ្រើសរើសតួសម្តែង។

ទោះបីជាការអភិវឌ្ឍន៍ត្រូវបានពន្យារពេលដោយសាររឿងភាគដ៏ល្បីរបស់ Netflix ក៏ដោយ អ្នកដឹកនាំរឿង Hwang Dong Hyuk បានបង្ហាញជាយូរមកហើយនូវបំណងប្រាថ្នាចង់សម្រេចគំនិតដិតដល់នេះឱ្យបាន។ ខ្សែភាពយន្តនេះបានបំផុសគំនិតដោយអត្ថបទមួយរបស់អ្នកនិពន្ធជនជាតិអ៊ីតាលី Umberto Eco ដែលពិភាក្សាអំពីជម្លោះមួយជំនាន់ក្នុងសង្គមទំនើប។ អ្នកដឹកនាំរឿងរូបនេះថាខ្សែភាពយន្តនេះនឹងដោះស្រាយបញ្ហារសើបដូចជា បន្ទុកប្រាក់សោធននិវត្តន៍ វិសមភាពទ្រព្យសម្បត្តិ និងគម្លាតអំណាចនយោបាយរវាងជំនាន់នីមួយៗ ហើយអាចនឹងវ៉ាដាច់ «Squid Game»។ បន្ទាប់ពីដំណើរការជ្រើសរើសតួសម្តែងត្រូវបានបញ្ចប់ ការថតត្រូវបានគេរំពឹងថានឹងចាប់ផ្តើមនៅនិទាឃរដូវឆ្នាំ ២០២៧។

Fan Bingbing ធ្លាប់ជាតារាសម្តែងដ៏ល្បីល្បាញ និងជាបុគ្គលដ៏មានឥទ្ធិពលម្នាក់នៅក្នុងឧស្សាហកម្មកម្សាន្តចិន។ ទោះជាយ៉ាងណាក៏ដោយ បន្ទាប់ពីរឿងអាស្រូវគេចពន្ធក្នុងឆ្នាំ ២០១៨ សកម្មភាពរបស់នាងនៅក្នុងប្រទេសចិនត្រូវបានរឹតត្បិត។ ចាប់តាំងពីពេលនោះមក Fan Bingbing បានផ្លាស់ប្តូរការផ្តោតអារម្មណ៍របស់នាងបន្តិចម្តងៗទៅលើគម្រោងសកលលោក ដើម្បីស្វែងរកឱកាសសម្រាប់ការវិលត្រឡប់មកវិញ។ នៅក្នុងខែវិច្ឆិកា ឆ្នាំ២០២៥ Fan Bingbing បានឈ្នះពានរង្វាន់តារាសម្តែងស្រីល្អបំផុតនៅក្នុងពិធីប្រគល់រង្វាន់ Golden Horse Film Awards លើកទី៦២ របស់ តៃវ៉ាន់ សម្រាប់តួនាទីរបស់នាងនៅក្នុងខ្សែភាពយន្ត «Mother Bhumi» ។ ក្រៅពីការសម្ដែង នាងក៏ចូលរួមយ៉ាងសកម្មលើឆាកអន្តរជាតិផងដែរ៕