ក្រោយពីការបង្ហោះ និងចែកចាយនៅលើបណ្តាញសង្គម ជុំវិញការដាក់លបខុសច្បាប់នៅលើបឹងទន្លេសាប ខណៈនេះរដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ បានធ្វើការចេញលិខិតបកស្រាយ។

ជុំវិញករណីនេះរដ្ឋបាជលផល បានធ្វើការបំភ្លឺដូចខាងក្រោម៖

១. ទីតាំងដែលត្រូវបានថតយកមកផ្សព្វផ្សាយ គឺជាផ្នែកមួយតូចនៃបឹងទន្លេសាបតែប៉ុណ្ណោះ ដែលមានឈ្មោះថា “កន្លកបាយក្អែក” នៅក្នុងឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ មិនមែនស្ថិតនៅលើផ្ទៃបឹងទន្លេសាប ឬច្រកផ្លូវ ដែលត្រីឆ្លងកាត់នោះឡើយ។២. ទីតាំងនោះជាឆកនិងមានប្រជាពលរដ្ឋ ជាច្រើនពាន់គ្រួសាររស់នៅកកកុញក្បែរទីតាំងនោះ។ នៅពេលទឹកធំក្នុង រដូវវស្សា ការនេសាទដោយប្រើឧបករណ៍របាំងលបនៅទីនោះមានភាពធំទូលាយនិងស្ថិតនៅដាច់ៗពីគ្នា តែជាប្រពៃណៃ នៅពេលទឹកស្រក កន្លែងនោះរួមតូចនាំឱ្យការដាក់របាំងលបចាប់ត្រីនៅកៀកៗគ្នា ដើម្បីផ្តល់លទ្ធភាពឱ្យពួកគាត់អាចរកត្រី បានគ្រប់គ្នា ដែលជាប្រភពអាហារនិងសម្រាប់ផ្គត់ផ្គង់ជីវភាពប្រចាំថ្ងៃ។ ទោះជាយ៉ាងណាទំហំក្រឡានិងប្រវែងរបាំងសាច់ អូនតែងតែត្រូវបានត្រួតពិនិត្យជារឿយៗ។

៣. ឧបករណ៍នេសាទដែលមានរាងដូចជាព្រួញនោះគឺជាឧបករណ៍នេសាទស្របច្បាប់ ឱ្យតែទំហំក្រឡានិងប្រវែង របាំងសាច់អូនស្របតាមច្បាប់ស្តីពីផលផល។ រដ្ឋបាលជលផលនិងសមត្ថកិច្ចពាក់ព័ន្ធតែងតែធ្វើការត្រួតពិនិត្យទំហំក្រឡានៃ របាំងសាច់អូននិងកាត់តម្រឹមប្រវែងដែលវែងខុសច្បាប់ជាប្រចាំផងដែរ។ ទោះបីជាពេលខ្លះការថតអាចឃើញបង្គោលដែល នៅសល់ ប៉ុន្តែរបាំងសាច់អួនផ្នែកខាងក្រោមត្រូវបានកាត់ផ្តាច់យកចេញរួចហើយ។

៤. មន្ត្រីជលផលធ្វើការយ៉ាងជិតស្និទ្ធជាមួយបងប្អូនសហគមន៍នេសាទ ដោយធ្វើការថ្លឹងថ្លែងពីទិដ្ឋភាពច្បាប់និងរក្សា ភាពបត់បែនដើម្បីប្រយោជន៍សហគមន៍ ធ្វើយ៉ាងណាឱ្យប្រជាពលរដ្ឋរាប់ពាន់គ្រួសារ នៅតំបន់នោះអាចមានលទ្ធភាព អាស្រ័យផលនិងទ្រទ្រង់ជីវភាពប្រចាំថ្ងៃបាន។ ប៉ុន្តែដាច់ខាតមិនអនុញ្ញាតឱ្យមានការធ្វើលើសពីប្រវែង និងទំហំក្រឡាដែល ច្បាប់បានកំណត់ ជាពិសេសចំពោះការធ្វើអាជីវកម្មនេសាទទ្រង់ទ្រាយធំដោយខុសច្បាប់។ជាលទ្ធផលគណៈកម្មការអន្តរ ក្រសួងដើម្បីទប់ស្កាត់និងបង្ក្រាបបទល្មើសនេសាទនៅបឹងទន្លេសាប បានបង្ក្រាបការប្រើឧបករណ៍របាំងសាច់អូននិង ស្បៃមុងប្រវែង១ ៦៥០ ៦១៧ម៉ែត្រ លបនិងលូ១៥ ២២៩គ្រឿង ឧបករណ៍ឆក់ក្តៅ ឆក់ត្រជាក់១ ៤៧៣គ្រឿង អូនអូស ទឹកសាប៥៣វង់ អូនហ៊ុម៣៣វង់ ម៉ាញ់១៤វង់ ឈ្លក់រួមផ្សំភ្លើង១២៧គ្រឿង និងឈិបយន្ត២៣គ្រឿង។

ការបំភ្លឺនេះមានគោលដៅជម្រាបឱ្យសាធារណៈជនបានដឹងពីជីវភាពជាក់ស្តែងនៅក្នុងតំបន់ កន្លកបាយក្អែក” ជៀស វាងការយល់ច្រលំ ជាមួយនឹងស្ថានភាពរស់នៅក្នុងតំបន់បឹងទន្លេសាបទាំងមូល និងសកម្មភាពដែលរដ្ឋបាលជលផលបាន និងកំពុងអនុវត្តច្បាប់ ស្តីពីផលផល៕

ថ្មីៗនេះ មានគណនីសង្គមហ្វេសប៊ុកមួយ (Facebook) ឈ្មោះ អ៊ុក សីលា/Seila បានសរសេរ និងបង្ហោះខ្លឹមសារថា៖” កោះអាចម៍សេះរបស់ខ្មែរម៉េច Google ដាក់ថាកោះរបស់វៀតណាម” ព្រមទាំងភ្ជាប់រូបភាពថតចេញពី Google Map និងរូបថតប៉ុស្តិ៍កោះអាចម៍សេះប៉ុន្មានសន្លឹកថែមទៀត។

ពាក់ព័ន្ធនឹងករណីនេះ រដ្ឋលេខាធិការដ្ឋានកិច្ចការព្រំដែន បានធ្វើការនិងបញ្ជាក់ជូន សាធារណជនជាតិនិងអន្តរជាតិ និងជនរួមជាតិទាំងក្នុងនឹងក្រៅប្រទេសឱ្យបានដឹងថា៖”កោះអាចម៍សេះ គឺជាកោះមួយដែលមានទីតាំងស្ថិតនៅក្នុងសង្កាត់កែប ក្រុងកែប ខេត្តកែប នៃព្រះរាជាណាចក្រកម្ពុជា ដោយមានទីស្នាក់ការប៉ុស្តិ៍នគរបាលការពារព្រំដែនទឹក ប៉ុស្តិ៍កោះអាចម៍សេះ ឈរជើងយាមនៅទីនោះ និងមាន ភ្ញៀវទេសចរចេញចូលទស្សនាកម្សាន្តជាប្រចាំ”។រដ្ឋលេខាធិការដ្ឋានកិច្ចការព្រំដែន ក៏បានសង្កត់ធ្ងន់ថែមទៀតថា៖” ផែនទី Google Map មិនមែនជាផែនទីផ្លូវការ ដែលកំណត់ខ្សែ បន្ទាត់ព្រំដែនរវាងរដ្ឋ និងរដ្ឋឡើយ ហើយផែនទីនេះបង្កើតឡើងសម្រាប់តែគោលដៅពាណិជ្ជកម្មរបស់ខ្លួនតែប៉ុណ្ណោះ”។

ហេតុដូចនេះ ជនរួមជាតិទាំងអស់ មេត្តាជ្រាបជាព័ត៌មាន តាមការគួរ និងចែកបាយសេចក្តីបំភ្លឺនេះ ឱ្យបានទូលំទូលាយដើម្បីឱ្យមហាជនបានយល់ជ្រួតជ្រាបអំពីការពិត លើបញ្ហានេះ ហើយរដ្ឋលេខាធិការដ្ឋានកិច្ចការព្រំដែន នឹងធ្វើកិច្ចការបន្តជាមួយក្រុមហ៊ុន Google ចំពោះបញ្ហាមួយនេះ នឹងកែតម្រូវឱ្យមកត្រូវដូចដើមវិញ៕

តើអ្នកធ្លាប់ជួបបញ្ហានៅពេលដែលចតរថយន្តនៅកន្លែងណាមួយ ហើយពេលបើកទ្វាររថយន្តម្តងៗគឺមានក្លិនស្អុ…យជះចេញពីរថយន្តតែម្តង តើនេះមកពីមូលហេតុអ្វីដែលបណ្តាលឱ្យរថយន្តរបស់អ្នកមានក្លិនស្អុ…យបែបនេះ? ចម្លើយនោះគឺដោយសារមូលហេតុដូចខាងក្រោម៖

១.សំលៀកបំពាក់ដែលសើមដោយញើស៖ ជាការពិតណាស់ នៅពេលដែលអ្នកធ្វើអ្វីមួយបែកញើសខ្លាំងដូចជា រត់ហាត់ប្រាណ ឬលេងកីឡាផ្សេងៗ អ្នកប្រាកដជាស្លៀកសម្លៀកបំពាក់សើម ហើយនៅពេលដែលអ្នកត្រឡប់ចូលក្នុងឡានវិញ នោះក្លិនញើសនឹងកកកុញនៅខាងក្នុងរថយន្ត ធ្វើឱ្យវាមានក្លិនស្អុយ ប្រសិនបើវាជាកៅអីក្រណាត់នោះក្លិនស្អុយនឹងជាប់ក្នុងរថយន្តយ៉ាងយូរ។

វីធីដោះស្រាយ៖ ផ្លាស់ប្តូរសម្លៀកបំពាក់ស្ងួតជានិច្ចមុនពេលចូលក្នុងរថយន្ត ដោយសម្លៀកបំពាក់ដែលសើមញើសគួររក្សាទុកក្នុងថង់ដាច់ដោយឡែកមួយ ហើយដាក់នៅលើកម្រាលកៅស៊ូ ដើម្បីការពារផ្នែកកំរាលព្រំពីការស្រូបយកសំណើម។ លើសពីនេះ អ្នកគួរប្រើក្រណាត់សើមភ្លាមដើម្បីជូតឱ្យស្ងួត នោះវានឹងជួយកាត់បន្ថយក្លិនស្អុយដែលកកកុញ។

២.ប្រព័ន្ធម៉ាស៊ីនត្រជាក់៖ មូលហេតុពេញនិយមបំផុតនៃក្លិនស្អុយនៅខាងក្នុងរថយន្តនោះគឺជាប្រព័ន្ធម៉ាស៊ីនត្រជាក់របស់រថយន្ត។ នេះគឺដោយសារតែម៉ាស៊ីនត្រជាក់មានជាតិសំណើមកកកុញនៅខាងក្នុង ជាពិសេសនៅរដូវវស្សាដែលមានសំណើមខ្ពស់ បើទុកយូរ វានឹងបណ្តាលឱ្យមានបាក់តេរី រហូតដល់វាក្លាយជាប្រភពនៃក្លិនស្អុយនៅខាងក្នុងរថយន្ត។

វិធីដោះស្រាយបញ្ហា៖ ក្លិនស្អុយដែលបណ្តាលមកពីប្រព័ន្ធម៉ាស៊ីនត្រជាក់នឹងធុំក្លិនយ៉ាងច្បាស់បន្ទាប់ពីម៉ាស៊ីនត្រជាក់ទើបតែបានបើក។ ដំណោះស្រាយជាមូលដ្ឋានគឺទុករថយន្តក្រោមពន្លឺថ្ងៃយ៉ាងហោចណាស់ ២-៣ ម៉ោង (បើអាចធ្វើទៅបាន សូមទុកទ្វារឱ្យចំផង) នេះនឹងជួយយកសំណើមពីម៉ាស៊ីនត្រជាក់ ហើយនឹងជួយកាត់បន្ថយក្លិនស្អុយយ៉ាងមានប្រសិទ្ធភាព។

៣.ក្លិនសត្វចិញ្ចឹម៖ ទោះបីជាអ្នកបានងូតទឹកឱ្យសត្វចិញ្ចឹមរបស់អ្នកបានទៀងទាត់ក៏ដោយ ក៏ក្លិនរបស់ពួកវាពេលចូលក្នុងឡានបណ្តាលឱ្យស្អុយផងដែរ ដោយសារមានស្នាមប្រឡាក់ទឹកមាត់ ឬភាពកខ្វក់ដែលអាចជាន់ឈ្លីពីកន្លែងផ្សេងៗ ទាំងនេះនឹងធ្វើឱ្យមានក្លិនមិនល្អនៅខាងក្នុងរថយន្តដោយមិនដឹងខ្លួន។

ដូច្នេះសម្រាប់ដំណោះស្រាយគឺ កន្លែងអង្គុយ ឬកន្លែងផ្សេងៗគួរតែត្រូវបានសម្អាត បន្ទាប់ពីដឹកសត្វចិញ្ចឹមរបស់អ្នកទៅដល់គោលដៅ វានឹងជួយកាត់បន្ថយឱកាសនៃក្លិនសត្វដែលជាប់ក្នុងរថយន្ត។

៤.សំណល់អាហារ និងភេសជ្ជៈ៖ ប្រសិនបើអ្នកយកអាហារចូលក្នុងឡាន មិនថាជាអាហារអ្វីនោះទេគឺវាអាចបង្កឱ្យមានក្លិនស្អុយក្នុងឡាន។ ជាពិសេសប្រសិនបើវាជាឡានដែលមានកៅអីក្រណាត់ ឬកំពប់លើកំរាលព្រំ នោះក្លិននឹងជាប់យ៉ាងយូរ មិនថាអ្នកជូតវាដោយរបៀបណានោះទេ វានឹងមិនត្រលប់មកស្អាតវិញទេ។

ហេតុនេះសម្រាប់ដំណោះស្រាយ៖ ជៀសវាងការនាំយកអាហារដែលមានក្លិនខ្លាំងចូលក្នុងឡាន ហើយសម្រាប់អ្នកចូលចិត្តកាហ្វេ ឬភេសជ្ជៈផ្សេងៗ គួរតែយកវាចេញនៅពេលដែលអ្នកចាកចេញពីរថយន្ត នឹងមិនគួរទុកវានៅក្នុងឡានជាដាច់ខាត ព្រោះបើទុកចោលមួយយប់អាចនឹងមានក្លិនស្អុយរលួយពេញឡាន៕

គូរស្វាមីភរិយាដែលទើបតែរៀបការថ្មីថ្មោងមួយគូរ កាលពីពេលថ្មីៗគឺបានមានការបង្ហោះទារលុយពីសំណាក់ម្ចាស់សំអាង ជាងថត អ្នកភ្លេង ចុងភៅ…ជាហូរហែ ព្រោះតែតាំងពីថ្ងៃរៀបការរួចមកគឺបាត់ស្រមោលសូន្យឈឹងតែម្តង មិនព្រមទូទាត់ថ្លៃចំណាយផ្សេងៗដែលខ្លួនបានជួលមករៀបចំក្នុងថ្ងៃមង្គលការនោះទេ ថែមទាំងបង្ហាញពីជីវិតដ៏សុខសប្បាយរបស់ខ្លួននៅលើបណ្តាញសង្គមទៀត។

កាលពីថ្ងៃទី ២៦ ខែកុម្ភៈ ឆ្នាំ២០២៤ យោងតាមការបង្ហោះនៅលើគេហទំព័រហ្វេសបុកដោយគណនីមួយមានឈ្មោះថា «សំអាងការ រស្មីឧត្តម» គឺបានរៀបរាប់ទាំងឈឺចិត្តនិងអស់សំណើចចំពោះគូរស្វាមីភរិយាមួយគូរទំនងជាមកជួលកញ្ចប់សេវាកម្មរៀបចំក្នុងកម្មវិធីមង្គលការ រួមមាន សំអាងការ ជាងថត របាំ ភ្លេងខ្មែរ ចុងភៅជាដើម។ ប៉ុន្តែនៅពេលបានបញ្ចប់កម្មវិធីខ្លួនដោយរលូនហើយ គូរស្នេហ៍មួយគូរនេះបែរជាមិនទូរទាត់ថ្លៃចំណាយផ្សេងៗនោះទេ ថែមទាំងព្យាយាមពន្យារពេលពីមួយថ្ងៃទៅមួយថ្ងៃ រហូតមកទល់ពេលនេះគឺរយៈពេល៣ខែហើយ។ ស្របពេលដែលគេចមិនព្រមសងលុយម្ចាស់សំអាងនិងអ្នករៀបចំកម្មវិធីផ្សេងៗហើយ គូរស្នេហ៍មួយគូរនេះគឺតែងតែបង្ហោះរូបភាពនិងវីដេអូបង្ហាញពីជីវិតដ៏ស៊ីវិល័យ សំញែងសម្ភារៈនិយម នៅលើបណ្តាញសង្គមយ៉ាងមានសេចក្តីសុខទៀតផង។

ម្ចាស់គណនីក៏បានធ្វើការបង្ហោះរូបភាពរបស់គូរស្នេហ៍មួយគូរនេះ អមជាមួយនឹងសំណេរមួយឃ្លាដោយសរសេរថា «សុខទុក្ខយ៉ាងណាហើយគូស្វាមីភរិយាជាទីស្រលាញ់? រៀបការ៣ខែជាងហើយ តេទៅមិនទទួលទូរស័ព្ទសោះ ចង់ផ្ញើក្តីនឹករលឹកពីចម្ងាយផង មាន (ភ្លេងខ្មែរ ជាងថត របាំ តែងផ្ទះ ចុងភៅ អ្នកដើរហែរជំនូន រានក្រុងពាលី) ព្រោះបើឃើញក្នុងហ្វេសបុកដូចជាសុខជាខ្លាំងសង្ឃឹមថានឹងនឹកដល់ពួកខ្ញុំវិញខ្លះដែរ»។
ទោះជាយ៉ាងណាក៏ដោយ ទាំងនេះគឺគ្រាន់តែជាការលើកឡើងរបស់ភាគីតែម្ខាងប៉ុណ្ណោះ រីឯការពិតយ៉ាងណានោះ គឺមានតែរងចាំមើលការបកស្រាយពីសំណាក់គូរស្វាមីភរិយាខាងលើផងដែរ៕