ភ្នំពេញ៖ នៅរាត្រីនេះ ក្រុមជម្រើសជាតិបាល់ទាត់នារីកម្ពុជានឹងប៉ះជាមួយម៉ាឡេស៊ី (ម៉ោង៧យប់) បន្ទាប់ពីក្រុមជម្រើសជាតិបាល់ទាត់នារីកម្ពុជា ឈ្នះក្រុមជម្រើសជាតិទីម័រខាងកើត ១២ទល់នឹង០ នៅក្នុងការប្រកួតបើកឆាកពានរង្វាន់ AFF WOMEN’S CHAMPIONSHIP 2018 នៅក្នុងប្រទេសឥណ្ឌូណេស៊ី កាលពីយប់ ថ្ងៃទី៣០ ខែមិថុនា ឆ្នាំ២០១៨កន្លងទៅនេះ។
នៅក្នុងប្រកួតនៅតង់ទី១ ក្រុមជម្រើសជាតិនារីកម្ពុជាបានសហការគ្នាលេងយ៉ាងល្អ ដោយបញ្ជូនបាល់ចូលទៅក្នុងតំបន់គ្រោះថ្នាក់របស់ទីម័រខាងកើតជាច្រើនលើក រហូតមានឱកាសស៊ុតបាល់បញ្ចូលទីគូប្រកួត រហូតដល់៧គ្រាប់ ក្នុងនោះ គឺនៅនាទីទី៩, ១២, ២០, ២៦, ៣៧, ៣៨ និងនាទីទី៤៥+២ ។ គ្រាប់បាល់ទាំង៧គ្រាប់ នៅក្នុងតង់ទីមួយនោះ គឺរកបានដោយកីឡាការិនី ហួត គឹមហុង (៤គ្រាប់) និងកីឡាការិនីបាន ជាវី (៣គ្រាប់)។
ចូលមកដល់តង់ទី២ ក្រុមជម្រើសជាតិនារីកម្ពុជានៅតែបន្តសង្រ្គប់ទៅលើគូប្រកួតរបស់ខ្លួន ដោយរកបានគ្រាប់បាល់ចំនួន៥គ្រាប់បន្ថែមទៀត គឺនៅនាទីទី៥៩, ៦២, ៦៣, ៦៥ និង៧០ ដែលរកបានដោយកីឡាការិ នីហួត គឹមហុង(២គ្រាប់), ភឿន គន្ធា, ណន មិនា និងឆាយ ស្រីលាភ។ ចុងបញ្ចប់ នៃការប្រកួតទាំង២តង់ កម្ពុជាឈ្នះទីម័រខាងកើត ក្នុងលទ្ធផល១២ទល់នឹង០។ ក្រុមជម្រើសជាតិនារីកម្ពុជា ទទួលបាន៣ពិន្ទុ ឈរលើកំពូលតារាងពូល A ខណៈក្រុមជម្រើសជាតិនារីអូស្ត្រាលីរកបាន៣ពិន្ទុដែរ ប៉ុន្តែឈរនៅលេខរៀងទី២ បន្ទាប់ពីក្រុមនារីមួយនេះយកឈ្នះក្រុមជម្រើសជាតិនារីម៉ាឡេស៊ី។
នៅវេលាម៉ោង៧យប់ថ្ងៃទី២ ខែកក្កដា ឆ្នាំ២០១៨នេះ ក្រុមបាល់ទាត់ជម្រើសជាតិនារីកម្ពុជា នឹងត្រូវជួបក្រុមនារីម៉ាឡេស៊ីជាបន្ត។ ដូច្នេះសូមបងប្អូនជនរួមជាតិរង់ចាំតាមដានទាំងអស់គ្នា ថាតើក្រុមនារីកម្ពុជាអាចយកឈ្នះលើគូប្រកួតរបស់ខ្លួនឬយ៉ាងណា ខណៈក្រុមនារីម៉ាឡេសុី ហាក់មានសមត្ថភាពខ្លាំងដែរ។
ដោយឡែកក្រុមជម្រើជាតិបាល់ទាត់កម្ពុជា U19 (ផ្នែកបុរស) នៅម៉ោង៧យប់នេះ ក៏ប៉ះគ្នាជាមួយនឹងក្រុមជម្រើសជាតិ U19 ប៊្រុយណេ នៅក្នុងពានរង្វាន់ AFF U19 ឆ្នាំ២០១៨។
ក្រុមជម្រើជាតិកម្ពុជា U19
បីប្រកួតចុងក្រោយ
AFC U19 28/10/17 Cambodia(U19)* 0-0 Philippines(U19)
AFC U19 26/10/17 Cambodia(U19) 3-2 Myanmar(U19)
AFC U19 24/10/17 Cambodia(U19) 0-1 China(U19)
ក្រុមជម្រើសជាតិ Brunei Darussala
បីប្រកួតចុងក្រោយ
AFC U19 08/11/17 Brunei Darussalam(U19)(N) 2-2 Timor Leste(U19)
AFC U19 04/11/17 Malaysia(U19)(N) 1-0 Brunei Darussalam(U19)
AFC U19 02/11/17 Korea Republic(U19)* 11-0 Brunei Darussalam(U19)
ប្រវត្តិជួបគ្នា
AFF U19 24/08/15 Cambodia(U19)(N) 5-1 Brunei Darussalam(U19)