ខេត្តត្បូងឃ្មុំ៖ យោងតាមផេកព័ត៌មាន របស់លោក ផែន វណ្ណៈ បានបង្ហោះរឿងដ៏គួរឲ្យហួសចិត្តមួយ កាលពីប៉ុន្មានម៉ោងមុននេះ ដោយលោកបាននិយាយថា “នៅរសៀលថ្ងៃនេះ ខ្ញុំបាទបានទទួលទូរស័ព្ទ ពីប្អូនស្រីម្នាក់ ដែលអះអាងថា ជាកូនស្រីរបស់ស្ត្រីរងគ្រោះ បានអោយដឹងថា ម្ដាយរបស់ខ្លួនជាស្ត្រីចំណាស់ម្នាក់ត្រូវបានលោកជំទាវ ផៃ ប៊ុនធឿន ភរិយា ឯកឧត្ដមឧកញ៉ា ម៉ា សម្ផស្ស មន្ត្រីបម្រើការ នៅក្នុងក្រសួងមហាផ្ទៃ ចាប់វាយបោចសក់ នៅចំណុចមុខតូបលក់ផ្លែឈើ ស្ថិតនៅភូមិថ្នល់ទទឹង ឃុំជប់ ស្រុកត្បូងឃ្មុំ ខេត្តត្បូងឃ្មុំ កាលពីថ្ងៃទី ៦ ខែ ឧសភា ឆ្នាំ ២០១៨ ។”
នៅក្នុងផេករបស់លោក បានបញ្ជាក់បន្តថា មូលហេតុទំនាស់ ត្រូវបានគេដឹងថា បណ្ដាលមកពីកូនស្រីស្ត្រីរងគ្រោះ និង បងប្អូនលោកជំទាវ មានមុខរបរ លក់ផ្លែឈើជិតគ្នា ហើយមានទំនាស់ពាក្យសម្ដីជាមួយគ្នា ក៏រាលដាលដល់លោកជំទាវ ធ្វើឲ្យយលោកជំទាវខឹង ហើយឲ្យស្វាមីដឹកបើករថយន្តជូនពីភ្នំពេញទៅវាយស្ត្រីរងគ្រោះដល់ខេត្តត្បូងឃ្មុំតែម្ដង។ បន្ទាប់ពីវាយរួចហើយលោកជំទាវខាងលើក៏ត្រឡប់ មកភ្នំពេញវិញ ។
ពាក់ព័ន្ធនឹងករណីនេះ លោកឧត្ដមសេនីយ៍ទោ បែន រ័ត្ន បានឲ្យសមត្ថកិច្ចចុះស្រាវជ្រាវ ដើម្បីរកយុត្តិធម៌ជូនស្ត្រីរងគ្រោះហើយ៕