ថៃ៖ កាលពីពេលថ្មីៗនេះ កាសែតក្នុងស្រុក បានចុះផ្សាយពីពិធីមង្គលការមួយ ស្ថិតនៅក្នុងទីរួមខេត្ត Nakhorn Sithom Reach ដោយនៅក្នុងពិធីមង្គលការនោះ គឺស្រីរៀបការជាមួយស្រីដូចគ្នា ជាមួយនិងពិធីហែរជំនូន ព្រមជាមួយនិងក្រុមសាច់ញាតិ និងបណ្តាការយ៉ាងច្រើន សន្ធឹកសន្ធាប់ យ៉ាងអាធិកអាធមបំផុត ។
កូនកំលោះ ឈ្មោះ ក. បួថង ហៅក្រៅ កេន អាយុ២៩ឆ្នាំ បានស្លៀកពាក់តាមបែប ប្រពៃណីថៃ រួមជាមួយនិងសាច់ញាតិ បាននាំជំនូនដើម្បី ហែរចូលទៅកាន់ផ្ទះ ខាងកូនក្រមុំ។ ចំណែកកូនក្រមុំឈ្មោះ ក. កិតិម៉ា មុនមិត្ត ហៅក្រៅ Bell អាយុ៣១ឆ្នាំ រស់នៅក្នុងខេត្តខាងលើ ស្លៀកពាក់ជាកូនក្រមុំ ។
កូនកំលោះបាននាំឪពុកម្តាយ ដែលជាតំណាងរាស្ត្រ ប្រចាំខេត្តខាងលើ ព្រមជាមួយបណ្តាការ ជាទឹកប្រាក់ ៧សែនបាត មាសមួយចំនួន និងចិញ្ចៀនពេជ្រ ចំនួន២វង្ស សរុបជាទឹកប្រាក់ អស់ជាង១លានបាត មិនតែប៉ុណ្ណោះ មានសាច់ញាតិទាំង២គ្រួសារ បានអញ្ជើញមកចូលរួម យ៉ាងច្រើនកុះករផងដែរ ។
ក. កេន បានរៀបរាប់ថា ខ្លួនជាមួយកូនក្រមុំ បានស្រលាញ់គ្នា ជាច្រើនឆ្នាំមកហើយ បើគិតទៅអស់រយៈពេល ១២ឆ្នាំ១១ខែ ដោយពួកនាងទាំង២នាក់ បានប្រកបអាជីព លក់សម្លៀកបំពាក់តាមផ្សារណាត់ ផ្សេងៗក្នុងទីរួមខេត្ត។ ក្រោយពីស្រលាញ់គ្នាយូរ និងស្គាល់ចិត្តគ្នាហើយ ទើបពួកគេសម្រេចចិត្តរៀបការ ជាមួយគ្នាតែម្តង។
នាងបានប្រាប់បន្តថា កាលដែលពួកនាងស្រលាញ់គ្នា បានពីរបីឆ្នាំ គ្រួសារពួកនាងទាំង២ ពុំសូវមាននរណា ទទួលស្គាល់ក្តីស្នេហារបស់ពួកគាត់ឡើយ លុះស្រលាញ់គ្នាបាន៥ឆ្នាំ ខាងឪពុកម្តាយនាង បានព្រមទទួលស្គាល់ពួកនាង រហូតធ្វើឲ្យពួកនាង បានរៀបចំពិធីមង្គលការជាមួយគ្នា ព្រោះតែការស្រលាញ់ចំពោះ Bell ដែលជាមនុស្សស្រី ដែលមានអារម្មណ៍រួសរាយ រាក់ទាក់ ។
ពួកនាងទាំង២នាក់ ជាស្រីដូចគ្នា ប្រសិនបើចិត្តពួកនាង មិនដូចគ្នា ប្រាកដណាស់ពួកនាងមិនអាច រួមរស់ជាមួយគ្នាបានឡើយ ហើយសេចក្តីស្នេហា ពិតជាមិនប្រកាន់ភេទ អាយុនោះឡើយ។ ប្រសិនបើយើងរស់នៅ ជាមួយមនុស្សដែលយើងស្រលាញ់ ហើយមានសេចក្តីសុខ ប្រាកដជាមានសុភមង្គលហើយ មិនតែប៉ុណ្ណោះក្នុងពិធីមង្គលការនោះ បានអញ្ជើញភ្ញៀវចំនួន ១,៤០០នាក់ ចូលរួមផងដែរ ដែលវាជាមង្គលការដ៏ធំ នៅក្នុងខេត្តខាងលើនេះ ៕
