ខេត្តព្រៃវែង៖ ក្មេងស្ទាវមួយក្រុមបានប្រើល្បិច នាំយុវតីម្នាក់ទៅដើរ ក្នុងអំឡុងបុណ្យចូលឆ្នាំ ហើយនាំនាងចូលក្នុងផ្ទះសំណាក់ចាប់រំលោភបូក ក៏ត្រូវសមត្ថកិច្ចចុះទៅឃាត់ខ្លួន កាលពីថ្ងៃទី២០ ខែមេសា ឆ្នាំ២០១៨ នៅក្នុងភូមិសទ្ធា ឃុំរំចេក ស្រុកព្រះស្ដេច។
បើតាមសម្ដីរបស់ជនរងគ្រោះ បានឲ្យដឹងថា កាលពីវេលាម៉ោង៥ និង៣០នាទីល្ងាច ថ្ងៃទី១៥ ខែមេសា ឆ្នាំ២០១៨ ទើបនឹងកន្លងផុតទៅថ្មីៗនេះ ជនសង័្សយ ឈ្មោះ តុន រាជ និងឈ្មោះ ផន សីហា បានប្រើល្បិចល្បួងនាង នាំទៅចាប់រំលោភសេពសន្ថវៈ នៅក្នុងផ្ទះសសំណាក់ជ័យជំនះ ស្ថិតក្នុងភូមិអ្នកលឿង ឃុំអ្នកលឿង ស្រុកពាមរក៏ ខេត្តព្រៃវែង។ បន្ទាប់ពីកើតមាននូវរឿងអាស្រូវបែបនេះ នាងបានយករឿងរ៉ាវទាំងនោះ មកប្រាប់ឪពុកម្ដាយ ទើបនៅថ្ងៃទី១៩ ខែមេសា ឆ្នាំ២០១៨ ឪពុកបង្កើតរបស់នាង បាននាំនាងបានទៅដាក់ពាក្យប្ដឹង។
មន្ត្រីអាវុធហត្ថស្រុកព្រះស្ដេច បានឲ្យដឹងថា ជនសង័្សយជាប់ពាក់ព័ន្ធឹងករណីចាប់រំលោភសេពសន្ថវៈ ដែលសមត្ថកិច្ចឃាត់ខ្លួន ទី១-ឈ្មោះ វន់ សុខរិទ្ធី ភេទប្រុស អាយុ១៦ឆ្នាំ មុខរបរមិនពិតប្រាកដ រស់នៅភូមិសទ្ធា ឃុំរំចេក ស្រុកព្រះស្ដេច ខេត្តព្រៃវែង ទី២-ឈ្មោះ ផន សីហា ភេទប្រុស អាយុ១៨ឆ្នាំ មុខរបរជាសិស្ស រស់នៅភូមិសទ្ធា ឃុំរំចេក ស្រុកព្រះស្ដេច ខេត្តព្រៃវែង និង ទី៣-ឈ្មោះ តុន រាជ ភេទ ប្រុស អាយុ២១ឆ្នាំ រស់នៅភូមិសទ្ធា ឃុំរំចេក ស្រុកព្រះស្ដេច ខេត្តព្រៃវែង។ រីឯនារីរងគ្រោះ ឈ្មោះ ប ស អាយុ១៧ឆ្នាំ មុខរបរជាកម្មការិនីរោងចក្រ មានលំនៅក្នុងឃុំរំចេក ស្រុកព្រះស្ដេច។
មន្ត្រីអាវុធហត្ថស្រុកព្រះស្ដេច បានបន្តថា បន្ទាប់ពីមានពាក្យបណ្ដឹងពីជនរងគ្រោះ ទើបសមត្ថកិច្ចបានចុះទៅឃាត់ខ្លួនជនសង័្សយទាំង៣នាក់ខាងលើ នាំមកសាកសួរ។ នៅពេលនោះ ជនសង័្សយបានសារភាពប្រាប់សមត្ថកិច្ចថា ពួកគេទាំង៣នាក់ពិតជាបានចាប់នារីរងគ្រោះរំលោភសេពសន្ថវៈប្រាកដមែន។ ចំណែកឈ្មោះ វន់ សុខរិទ្ធី មិនបានរំលោភនាងទេ គឺគ្រាន់តែបានចាប់ឱបថើបជនរងគ្រោះតែប៉ុណ្ណោះ។
ក្រោយទទួលបានចម្លើយសារភាពរបស់ជនសង័្សយ និងមានពាក្យបណ្ដឹងពីជនរងគ្រោះផង សមត្ថកិច្ចបានកសាងសំណុំរឿងបញ្ជូនជនសង័្សយទៅបញ្ជូនទៅតុលាការ ផ្ដន្ទាទោស តាមច្បាប់៕