រឿវរ៉ាវស្នេហារវាង ថម មី និង សួស វីហ្សា កាន់តែស្អិតល្មួត បន្ទាប់ពីបែកធ្លាយពីចំណងស្នេហ៍ រវាងអ្នកទាំង២នៅតាម បណ្តាសារព័ត៌មានជាច្រើន ជាពិសេសបណ្តាញទំនាក់ទំនងសង្គម។ ទោះបីជា កញ្ញា វីហ្សា ព្យាយាមបដិសេធយ៉ាងណា ក៏អ្នកគាំទ្រ នៅតែព្យាយាមរកភស្តុតាង មកបញ្ជាក់ថា ពួកគេទាំង២នាក់ គឺជាគូរស្នេហ៍និងគ្នា ដូចជាការបង្ហាញស្នាមសាក់ នៅលើដៃរបស់ពួកគេទាំង២តែម្តង ។
ជាងនេះទៅទៀត មានអ្នកគាំទ្រ និងអ្នកលេងបណ្តាញសង្គមជាច្រើន គេបានដឹងអំពីដំណឹងស្នេហ៍នេះ ដែលបានឆាបឆេះជាយូមកហើយ ប៉ុន្តែកញ្ញា សួស វីហ្សា ធ្លាប់បានចេញមុខប្រតិកម្ម ដោយច្រានចោល ចំពោះដំណឹងទាំងនោះហើយលើកឡើងថា គ្មានការពិតនោះទេ។ ម្ចាស់បទ «បុប្ផាស្វាយរៀង» រូបនេះ ថែមទាំងលើកឡើងដែរថា ក្រុមគ្រួសារនាង មិនសប្បាយចិត្តនឹងដំណឹង ស្នេហ៍ដែលបានបែកធ្លាយនេះ ពិសេសក្រោយពេលលេចលឺថា ពួកគេរួមរស់នៅផ្ទះតែមួយ នឹងរងចាំថ្ងៃរៀបការនោះ។
អ្វីដែលមិនអាចប្រកែកបាន គឺស្នាមសាក់ឈ្មោះ សួស វីហ្សា ជាភាសាអង់គ្លេសនៅជាប់លើដៃឆ្វេង របស់លោក ថម មី អាចនិយាយបានថា វាមិនមែនជារឿងចៃដន្យនោះទេ ដែលអាចបញ្ជាក់បានថា ពួកគេមានទំនាក់ទំនងស្នេហា ពិតមែន។ អ្នកសិល្បៈម្នាក់លើកឡើងដែរថា មិនត្រឹមតែ ថមមី ទេ ដែលបានសាក់ឈ្មោះ សួស វីហ្សា សូម្បីតែសួស វីហ្សា ក៏ឆ្លាក់ឈ្មោះថម មី នៅលើដៃរបស់នាងដែរ ដែលនេះបានបង្ហាញថា ស្នេហាពួកគេគឺប្រហែលជាពិតប្រាកដមែន ៕