វត្តពុទ្ធគីរីកម្ពុជា គឺជាវត្តមួយ ដែលស្ថិតនៅក្នុងភូមិត្រពាំងស្ការ ឃុំត្រពាំងក្រញូង ស្រុកត្រាំកក់ ខេត្តកតាកែវ ហើយប្រជាជនខ្មែរមួយចំនួន នៅមិនទាន់បានស្គាល់ និងបានទៅដល់នៅឡើយនោះទេ ទើបតែពេលថ្មីៗនេះ មានការបង្ហោះពីរូបព្រះពុទ្ធរូប ដែលត្រូវបានដាក់នៅជុំវិញភ្នំ ចំនួនជាង២ម៉ឺនអង្គ ទើបធ្វើឲ្យមានការភ្ញាក់ផ្អើល និងចាប់អារម្មណ៍យ៉ាងខ្លាំង ។
បើតាមការឲ្យដឹង ពីអ្នកដែលនៅក្បែរតំបន់នោះ បានប្រាប់ថា ភ្នំនេះស្ថិតនៅក្នុងភូមិសាស្ត្រ ស្រុកត្រាំកក់ ខេត្តតាកែវ ហើយត្រូវបានរចនាឡើង ដោយដាក់ព្រះពុទ្ធរូបចំនួន ជាង២ម៉ឺនអង្គ ព័ទ្ធជុំវិញភ្នំ ហើយគំរោងរបស់គណៈកម្មការ រៀបចំវត្តបានគ្រោងដាក់ឲ្យបាន ចំនួនរហូតដល់ទៅ៨ម៉ឺន៤ពាន់អង្គផងដែរ ៕
