ខេត្តក្រចេះ៖ ប្រជាពលរដ្ឋមានទំនាស់ជាមួយនឹងក្រុមហ៊ុនមេមត់ បាននាំគ្នាប្រហែលជាង២០០នាក់ ប្រដាប់ដោយកាំបិត និងពូថៅទៅបិទផ្លូវជាតិលេខ៧៦A ទើបកម្លាំងយោធាបំផ្ទុះអាវុធបំបែកហ្វូង កាលពីវេលាម៉ោង១១ព្រឹក ថ្ងៃព្រហស្បតិ៍ ៧រោច ខែផល្គុន ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី៨ ខែមីនា ឆ្នាំ២០១៨ នៅត្រង់ច្រកចូល ស្ថិតក្នុងភូមិជើងឃ្លេ ឃុំ២ធ្នូ ស្រុកស្នួល។
បើយោងតាមគណនីហ្វេសប៊ុក កុសល សុង បានសរសេរថា ប្រជាពលរដ្ឋដែលមានទំនាស់ដីធ្លីជាមួយក្រុមហ៊ុនមេមត់ ប្រហែលជាងជាង២០០នាក់ ប្រដាប់ដោយដំបង កាំបិត និងពូថៅនៅក្នុងដៃ បានចុះទៅបិទផ្លូវជាតិលេខ៧៦A ដោយសារខឹងនឹងកម្លាំងសមត្ថកិច្ចចម្រុះចុះមករុះរើផ្ទះរបស់ពួកគាត់ នៅតាមក្រវាត់ព្រំដីក្រុមហ៊ុនមេមត់ ដែលមានទំនាស់ មិនទាន់បានដោះស្រាយរួចរាល់។
ទោះជាយ៉ាងណា KBN មិនអាចទាក់ទងជាមួយនឹងក្រុមហ៊ុនមេមត់ អាជ្ញាធរ និងសមត្ថកិច្ចពាក់ព័ន្ធ ដើម្បីបំភ្លឺជុំវិញនឹងករណីនេះបានឡើយ កាលពីរសៀល ថ្ងៃទី៨ ខែមីនា នេះ៕
រូបភាពទាំងស្រុងពីគណនីហ្វេសប៊ុកកុសល សុង៖
https://www.facebook.com/sang.kosal.10/videos/605389869792527/?t=7
https://www.facebook.com/sang.kosal.10/videos/605390346459146/?t=8
https://www.facebook.com/sang.kosal.10/videos/605395489791965/?t=2
