ភ្នំពេញ៖ បន្ទាប់ពីសហគមន៍អឺរ៉ុប និងសហរដ្ឋអាមេរិកបានប្រកាសផ្អាកផ្ដល់ជំនួយដល់គណៈកម្មាធិការជាតិរៀបចំបោះឆ្នោតកម្ពុជា ដែលហៅកាត់់ “គជប”នោះមក រដ្ឋាភិបាល នៃសាធារដ្ឋប្រជាមានិតចិន បានសម្រេចផ្ដល់ជំនួយមកដល់ “គ.ជ.ប” សម្រាប់រៀបចំការបោះឆ្នោតជាតិ នាឆ្នាំ២០១៨ខាងមុខនេះ។
បើយោងតាមគេហទំព័ររបស់គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប កាលពីថ្ងៃទី២៧ ខែធ្នូ ឆ្នាំ២០១៧ បានឲ្យដឹងថា សាធារណរដ្ឋប្រជាមានិតចិនផ្ដល់ជំនួយមកកម្ពុជា តាមការស្នើសុំរបស់ គ.ជ.ប ដែលបានធ្វើឡើង កាលពីខែតុលា ឆ្នាំ២០១៧ និងកាលពីថ្ងៃទី២៤ ខែធ្នូ ឆ្នាំ២០១៧ ហើយការិយាល័យនៃទីប្រឹក្សាសេដ្ឋកិច្ច និងពាណិជ្ជកម្មនៃស្ថានទូតសាធារណរដ្ឋប្រជាមានិតចិន ប្រចាំនៅព្រះរាជាណាចក្រកម្ពុជា បានសម្រេចផ្តល់សម្ភារបរិក្ខារចំនួន៣០មុខមកដល់ គ.ជ.ប សម្រាប់ការបោះឆ្នោតជ្រើសតាំងតំណាងរាស្ត្រនីតិបាលទី៦ នាឆ្នាំ២០១៨ខាងមុខនេះ។
សេចក្តីប្រកាសព័ត៌មានដដែល បានឲ្យដឹងទៀតថា ភាគីចិនបានសន្យាថានឹងបន្តផ្តល់ជំនួយមកដល់ គ.ជ.ប បន្ថែមទៀត សម្រាប់ការរៀបចំជាបន្តបន្ទាប់ឲ្យប្រព្រឹត្តទៅដោយរលូន មានភាពត្រឹមត្រូវ មានតម្លាភាព និងគណនេយ្យភាព។
ទោះជាយ៉ាងណា គណៈកម្មាធិការជាតិរៀបចំការបោះឆ្នោត មិនទានបានបញ្ជាក់ពីចំនួនសម្ភារ នងបរិក្ខារដែលចិននឹងផ្តល់ជូនដល់ស្ថាប័នរបស់ខ្លួនថា មានតម្លៃជាទឹកប្រាក់ប៉ុន្មាននៅឡើយ។
សូមអានសេចក្ដីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោតទាំងស្រុងដូចខាងក្រោម៖
