ភ្នំពេញ៖ គណៈកម្មាធិការអចិន្ត្រៃយ៍រដ្ឋសភា នៅព្រឹកថ្ងៃនេះ បានបើកកិច្ចប្រជុំពិភាក្សា និងទទួលស្គាល់បញ្ជីបេក្ខជនតំណាងរាស្ត្រចំនួន៤៤រូប ដែលគណៈកម្មាធិការជាតិរៀបចំការបោះឆ្នោត ហៅកាត់ថា គជប បញ្ជូនទៅជូនរដ្ឋសភា កាលពីថ្ងៃទី២៣វិច្ឆិកា ម្សិលមិញ។
ប្រភពព័ត៌មានពីរដ្ឋសភា បានឲ្យដឹងថា បញ្ជីឈ្មោះបេក្ខជនទាំងនោះ មានសមាសភាព មកពីគណបក្សចំនួន៣ រួមមាន ទី១-គណបក្សហ៊្វុនស៊ិនប៉ិច មាន៤១រូប ទី២-គណបក្សសញ្ជាតិកម្ពុជា មាន២រូប និងទី៣-គណបក្សខ្មែរអភិវឌ្ឍសេដ្ឋកិច្ច មាន១រូប។ ក្នុងចំណោមមន្ដ្រីហ៊្វុនស៊ិនប៉ិចទាំង៤១រូបនោះ គឺសម្ដេចក្រុមព្រះ នរោត្តម រណឬទ្ធិ ទទួលបានអាសនៈ នៅមណ្ឌលកំពង់ចាម ជំនួសឲ្យលោក កឹម សុខា ប្រធានអតីតគណបក្សប្រឆាំងដែលកំពុងជាប់ឃុំ។ ក្រៅពីនេះ មន្ដ្រីសំខាន់ៗរបស់គណបក្សរាជានិយមមួយនេះ ក៏ត្រូវបានទទួលស្គាល់ពី គជប ដែរ ទៅតាមមណ្ឌលនានា ក្នុងនោះរួមមាន លោក យូ ហុកគ្រី អតីតតំណាងរាស្ត្រ និងសហរដ្ឋមន្ដ្រីក្រសួងមហាផ្ទៃ បានកៅអី នៅក្នុងខេត្តកំពង់ចាម។ លោក នុត សុខុម អតីតរដ្ឋមន្ដ្រីក្រសួងសុខាភិបាល ជាតំណាងរាស្ត្រមណ្ឌលកំពង់ឆ្នាំង។ ក្រៅពីនេះ ក៏មានវត្តមាន លោក ចាប ញ៉ាលីវុធ លោក ហេង ចាន់ថា លោក សាយ ហាក់ ដែលជាអតីតអភិបាលខេត្ត ក្នុងអំឡុងពេលដែលគណបក្សហ៊្វុនស៊ិនប៉ិច នៅក្នុងរដ្ឋាភិបាល ព្រមទាំងមន្ដ្រីជាច្រើនទៀត ដែលជាអតីតសមាជិកសភា និងមន្ដ្រីរដ្ឋាភិបាលស្និទ្ធនឹងគណបក្សហ៊្វុនស៊ិនប៉ិច។
ខាងក្រោមនេះ គឺជាបញ្ជីរាយនាមមន្រ្ដីគណបក្សហ៊ុនស៊ិនប៉ិច ដែលគណៈកម្មាធិការជាតិរៀបចំការបោះឆ្នោត(គជប)ផ្ញើជូនរដ្ឋសភា ដើម្បីប្រកាសសុពលភាពតំណាងរាស្រ្ដ ជំនួសតំណាងរាស្រ្ដរបស់គណបក្សសង្រ្គោះជាតិ ដែលត្រូវតុលាការកំពូលរំលាយចោល កាលពីថ្ងៃទី១៦ ខែវិច្ឆិកា ឆ្នាំ២០១៧កន្លងទៅនេះ៖