ភ្នំពេញ៖ ប្រជាពលរដ្ឋ ជនបរទេស ព្រមទាំង ម្ចាស់ខុនដូរមួយកន្លែង បាននាំផ្ទះការ តវ៉ា ឱ្យអាជ្ញាធរដែលពាក់ព័ន្ធ ជួយដោះស្រាយរឿង ក្លឹបកម្សាន្ត ដែរមានយីហោ 57 Bub ដែលស្ថិតនៅផ្លូវ ៥៧ កែងនិងផ្លូវ ៣១០ សង្កាត់បឹងកេងកង១ ខណ្ឌចំការមន និងមួយកន្លែងទៀតឈ្មោះ Blue dog ដែលផ្តល់សំលេងរំខានដល់ពួកគាត់ រកតែដេកពួនមិនបាន ដែល ការផ្ទះការតវ៉ានេះ បានធ្វើឡើងនៅវេលាម៉ោង ១១យប់ ថ្ងៃទី៣០ ខែតុលា ឆ្នាំ២០១៧ ស្ថិតនៅនៅក្នុង ខុនដូរមួយកន្លែង ដែលមានឈ្មោះ រំដួល បុប្ផា អាផាតមេន២ ផ្ទះលេខ៣៦ ផ្លូវ៥៧ កែងនិង៣១០ សង្កាត់បឹងកេងកង១ ខណ្ឌចំការមន ។
បើតាមសម្តីកម្មករ ប្រជាពលរដ្ឋ ព្រមទាំងជនបរទេស ដែលបានមកស្នាក់នៅក្នុង អាផាតមិននេះ បានលើកឡើងថា ពួកគាត់មានការរំខាន ចេញពីក្លឹបកម្សាន្ត ដែលមានយីហោ 57 Bup ដែលស្ថិតនៅផ្លូវ ៥៧ សង្កាត់បឹងកេងកង១ ខណ្ឌចំការមន បានឱ្យដឹងថា ក្លឹបនេះបានបើកសំឡេងឮខ្លាំង ចេញមក ធ្វើឱ្យពួកគាត់ ព្រមទាំង ជនបរទេសដែលរស់នៅ កន្លែងនោះ សំរាកមិនបានសោះ ហើយក្លឹបនេះ គឺចាប់បើកពីម៉ោង៩យប់ ដល់ម៉ោង១រំលងអាធ្រាត្រ តែបើថ្ងៃសៅរ៍ អាទិត្យ គឺបើករហូតដល់ម៉ោង ៣ភ្លឺទៀតផង ។
ចំពោះរឿងនេះ ម្ចាស់ខុនដូរព្រមទាំង ជនបរទេស ដែលស្នាក់នៅទីនោះ បាននាំគ្នាដាក់ពាក្យបណ្តឹង ទៅអាជ្ញាធរមូលដ្ឋាន គ្រប់ជាន់ថ្នាក់ ចំនួនមួយដងរួចមកហើយ តែពេលនោះ មានខាងមន្ត្រី ដែលពាក់ព័ន្ធ បានចុះយកលិខិត នែនាំ និងទៅវាស់ស្ទង់កំរិតសំឡេង ក៏ត្រូវខាងអ្នកកាងក្លឹបបានយក ក្រដាស់ ហែក ចោល ព្រមទាញកាំភ្លើងគំរាមផងដែរ ។
ប្រភពដដែលបានឱ្យដឹងថា លុះមកពេលនេះ គឺពួកគាត់ អត់ទ្រាំលែង បានលើកគ្នាមកតវ៉ា បត់ជើង លើកដៃ សំពះ សូមឱ្យ អាជ្ញាធរដែលពាក់ព័ន្ធ និងសម្តេចជួយអន្តរាគមន៍ បិទទ្វាក្លឹបនេះផង ពីព្រោះពួកគាត់ ពិបាករស់នៅខ្លាំងណាស់ ៕
