តារាចម្រៀងស្រីវ័យក្មេង កូនកាត់អាល្លឺម៉ង់ Jannine Weigel (Ploy Chompoo) តារាក្នុងបេះដូង របស់មិត្តៗយុវវ័យ ដែលបទចំរៀងរបស់នាង កំពុងមានប្រជាប្រិយភាព ពីរោះជាប់ចិត្ត ស្ដាប់ហើយ ចង់ស្ដាប់ម្ដងទៀត។
នាងនឹងធ្វើដំណើរ មកប្រទេសកម្ពុជា នៅចុងសប្តាហ៍នេះ ដើម្បីចូលរួមការប្រគំតន្ត្រី Ganzberg Golden Uber Concert អបអរស្រាបៀរ Ganzberg ឈ្នះមេដាយមាសពិភពលោក ឆ្នាំ២០១៧ ជាមួយគ្នានោះផងដែរ តារាចំរៀងកំពុងមានប្រជាប្រិយភាព របស់កម្ពុជា រ៉េត សូហ្សាណា ក៏នឹងមានវត្តមានក្នុងការ ប្រគំតន្រ្តីនោះផងដែរ។
តាមការបញ្ជាក់ អោយដឹងពីក្រុមការងារ Ganzberg Golden Uber Concert បានអោយដឹងថាIdol ទាំងពីនឹងបង្ហាញវត្តមាន លើឆាកតន្ត្រីតែមួយ ហើយក៏នឹងចាប់ដៃគ្នា សម្តែងបទចំរៀងរួមគ្នាផងដែរ។
តាមរយៈទឹកដមសំឡេង យ៉ាងក្រអួនក្រអៅ បូករួមនឹងសម្រស់ស្រស់ស្អាត របស់តារាស្រីវ័យ ១៨ឆ្នាំរូបនេះ បានធ្វើឲ្យអ្នកគាំទ្រនាង កើនឡើងកាន់តែច្រើន ពី១ថ្ងៃទៅមួយថ្ងៃ។ បទចម្រៀងរបស់នាងភាគច្រើន តែងទទួលបានការគាំទ្រ ច្រើនមិនធម្មតា ដូចធ្លាប់បានទទួលស្គាល់ កន្លងមកដូចជាបទ Away និង Because of you ជាដើម។
កុំអោយខកខាន ថ្ងៃអាទិត្យទី២៣ កក្កដា ២០១៧នេះ ជួបគ្នានៅកោះពេជ្រទាំងអស់គ្នា ៕
