TODAY ISP គឺជាក្រុមហ៊ុនអ៊ិនធឺណិតឈានមុនគេលើបច្ចេកវិទ្យាអ៊ុបទិក (Fiber Optic) ក្រោមដី នាពេលបច្ចុប្បន្ន បានរៀបចំការប្រកួតកម្មវិធីដើម្បីគាំទ្រវិស័យអប់រំតាមរយៈ Facebook Live លើទំព័រ Facebook របស់ក្រុមហ៊ុន មានចំនួន ៤ ថ្ងៃ ចាប់តាំងពីថ្ងៃទី ២០ មិថុនា រហូតដល់ ថ្ងៃទី ២៣ មិថុនា ជាថ្ងៃប្រកួតផ្តាច់ព្រ័ត្ត។
ចំពោះការប្រកួតនៅថ្ងៃទី ២៣ មិថុនា ក្រុមហ៊ុនបានជ្រើសរើសវិទ្យាល័យឈ្នះសម្លេងនៅ វគ្គទី១ ទី២ និង ទី៣ មកដាក់បញ្ចូលការប្រកួតប្រជែងនៅជុំចុងក្រោយ។ វិទ្យាល័យមានដូចជា វិទ្យាល័យ ហ៊ុន សែន សេរីភាព វិទ្យាល័យ ព្រះយុគន្ធរ និង វិទ្យាល័យ ហ៊ុនសែន តាខ្មៅ ហើយបន្ទាប់ពីបញ្ចប់ការ Live ក្នុង Facebook រួចរាល់ គឺ វិទ្យាល័យ ហ៊ុន សែន សេរីភាព ទទួលបានសម្លេង ៧១៤ ច្រើនជាងគេ និងទទួលបានការប្រើប្រាស់សេវាកម្មអ៊ិនធឺណិតឥតគិតថ្លៃពីក្រុមហ៊ុន។
ក្រុមហ៊ុន TODAY ISP សូមអបអរសារទរដល់វិទ្យាល័យ ហ៊ុន សែន សេរីភាព ដែលឈ្នះក្នុងការប្រកួតប្រជែងលើកនេះ ហើយក្រុមហ៊ុននឹងរៀបចំពេលវេលាជាក់លាក់មួយ ដើម្បីចុះជួបសំណេះសំណាល ក៏ដូចជាសុំការអនុញ្ញាតពីលោកនាយកវិទ្យាល័យដើម្បីតភ្ជាប់អ៊ិនធឺណិតឥតគិតថ្លៃក្នុងពេលឆាប់ៗ និងសន្យាថា ក្រុមហ៊ុននៅតែបន្តធ្វើការគាំទ្រលើវិស័យអប់រំជាបន្តទៀត។
សូមបញ្ចាក់ជាថ្មីថា ក្រុមហ៊ុន TODAY ISP គឺជាក្រុមហ៊ុនផ្តល់សេវាកម្មអ៊ិនធឺណិត ដោយផ្តោតសំខាន់លើទីផ្សារ អាជីវកម្ម របស់លោកអ្នក ព្រមទាំងមានសេវាជំនួយបច្ចេកទេសយ៉ាងមានជំនាញ។ ចំពោះលោកអ្នកមានចំណាប់អារម្មណ៍ចង់តភ្ជាប់សេវាអ៊ិនធឺណិត ឬ ចង់ស្វែងយល់ព័ត៌មានបន្ថែម សូមទំនាក់ទំនងក្រុមហ៊ុនតាមរយៈលេខ 023 21 55 77 / 087 21 55 77 ឬ តាមរយៈគេហទំព័រ www.today.com.kh។