បើតាមការឲ្យដឹងពី ហ្វេសប៊ូករបស់លោក ផែង វណ្ណៈ បានបញ្ជាក់ប្រាប់ថា ក្មេងស្រី ដែលផ្អើលថា ជនមិនស្គាល់មុខ មកល្បួងឲ្យជិះម៉ូតូទៅជាមួយនោះ ឥឡូវនាងបានមកដល់ផ្ទះវិញហើយ ។
បើតាមការឲ្យដឹង ពីគ្រួសារកុមារីរងគ្រោះ បានប្រាប់ថា ក្មេងស្រីរងគ្រោះ ត្រូវបានជនល្មើសដឹកយកទៅផ្លុងចោល ព្រោះមានការស៊ែរ ស្វែងរកនៅក្នុងបណ្តាញសង្គមហ្វេសប៊ូក កក្រើកខ្លាំងពេក ទើបជនល្មើសមានការភ័យខ្លាច ក៏យកក្មេងស្រី ទម្លាក់ផ្លុងចោលនៅមុខផ្សារមួយកន្លែង ហើយមានអ្នកដឹង និងស្គាល់ក្មេងស្រី នៅក្នុងហ្វេសប៊ូក ដែលគេស៊ែរតៗគ្នា ក៏បានទំនាក់ទំនងទៅឪពុកម្តាយរបស់ក្មេងស្រី ភ្លាមៗតែម្តង ៕
ប្រភព៖ ដកស្រង់ពីហ្វេសប៊ូក ផែង វណ្ណៈ និងបណ្តាញសង្គមហ្វេសប៊ូក
===========================
រំលឹករឿងរ៉ាវឡើងវិញ
កុមារីម្នាក់ត្រូវជនមិនស្គាល់អត្តសញ្ញាណម្នាក់ ល្បួួងឲ្យឡើងជិះលើម៉ូតូរបស់គេ ហើយដឹកនាងនាំទៅបាត់ បង្កឲ្យភ្ញាក់ផ្អើលឡើង កាលពីវេលាម៉ោង១០ព្រឹក ថ្ងៃទី២៣ ខែមិថុនា ឆ្នាំ២០១៧ នៅមុខសាលាបឋមសិក្សាទួលស្វាយព្រៃ ខណ្ឌចំការមន។
បើតាមសម្ដីឪពុកម្ដាយរបស់កុមារីរងគ្រោះ បានឲ្យដឹងថា កូនស្រីរបស់ពួកគាត់ដែលបានបាត់ខ្លួននោះឈ្មោះ អេន ណា ហើយនាងស្លៀកសំពត់ខៀវ អាវស។
អាណាព្យាបាលរបស់កុមារីរងគ្រោះបានបន្តថា បើតាមការសាកសួរនៅជិតកន្លែងកើតហេតុ មានគេប្រាប់ពួកគាត់ថា មុនពេលកើតហេតុ មានជនសង្ស័យម្នាក់បានបិទមុខជិត ជិះម៉ូតូម៉ាកវីវ៉ា (មិនចាំស្លាកលេខ) មកឈប់នៅមុខសាលា ហើយបានល្បូងកូនស្រីរបស់ពួកគាត់ ដោយភូតថា ម្ដាយរបស់នាងជួបនឹងគ្រោះថ្នាក់ចរាចរណ៍ និងត្រូវឲ្យនាងទៅមើលជាបន្ទាន់។ គ្រាន់តែឮបែបនេះ នាងក៏ព្រមឡើងជិះម៉ូតូ ទៅជាមួយនឹងជនសង័្សយ បាត់ទៅ។
ក្រោយពេលកើតហេតុភ្លាម ក្រុមគ្រួសាររបស់កុមារីរងគ្រោះ បានទៅដាក់ពាក្យបណ្ដឹង នៅនាយកដ្ឋាននគរបាលព្រហ្មទណ្ឌ នៃក្រសួងមហាផ្ទៃ ដើម្បីឲ្យសមត្ថកិច្ចជួយអន្ដរាគមន៍ តាមស្វែងរកកូនស្រីរបស់ពួកគាត់ និងចាប់ខ្លួនជនសង័្សយ។ ស្របគ្នានេះដែរ អាណាព្យាបាលរបស់កុមារីរងគ្រោះ ក៏សូមអំពាវនាវដល់ប្រជាពលរដ្ឋទាំងអស់ថា ប្រសិនបានឃើញក្មេងស្រីរងគ្រោះមានភិនភាគ ដូចរូបខាងក្រោមនេះ សូមទាក់ទងមកលេខទូរស័ព្ទ ០១២ ២២៨ ៣០០/០១២ ៥៤២ ១៩៩ផង៕ សហការី KBN-LIVE.com