ហេតុការណ៍បាញ់ប្រហារ នៅព្រះវិហារ ម៉ូសូលៀម ខាងត្បូងទីក្រុងតេអេរ៉ង់ ប្រទេសអុីរ៉ង់ បានសម្លាប់មនុស្ស យ៉ាងហោចណាស់០១នាក់ និង ០៥នាក់រងរបួស។ ភ្នាក់ងារសារព័ត៌មានអុីរ៉ង់បានរាយការណ៍ នៅថ្ងៃពុធ មុននេះបន្តិចថា ប៉ូលិសចាប់បានភេរវករស្ពាយគ្រាប់បែ កអត្តឃាតចំនួន២នាក់ ចំពេលដែលពួកគេ កំពុងបាញ់ប្រហារ។ នេះបើយោងតាមការចេញផ្សាយ ដោយព័ត៌មាន Channel News Asia។
បើតាមព័ត៌មានបឋម បានរាយការណ៍តាមរយៈ Twitter ថា មានមនុស្សម្នាក់ស្លាប់ និង ៥នាក់រងរបួស ខណៈដែលក្រុមសកម្មប្រយុទ្ធចំនួន ០៣ ក្នុងចំណោម ១០នាក់ បាញ់រះទៅកាន់ប្រជាជនប្រមាណជា ១០នាក់ ដែលកំពុងទៅលេង នៅព្រះវិហារគោរពបូជា មួយកន្លែងឈ្មោះ Imam Khomeini។
ភ្នាក់ងារសារព័ត៌មានអុីរ៉ង់ Fars News Agency បញ្ជាក់ថា ប៉ូលិសបានចាប់ខ្លួនភេរវករចំនួន ២នាក់ ហើយម្នាក់ប្រើគ្រាប់បែក បំផ្ទុះខ្លួនឯង នៅទល់មុខស្ថានីយប៉ុស្តិ៍ប៉ូលិសទៀតផង។ យ៉ាងណាមិញព័ត៌មានលម្អិត នឹងចុះផ្សាយនៅពេលក្រោយ៕
ផ្តល់សិទ្ធដោយ៖ kqube.net