សិល្បៈ ៖ ចំពេលដែលអ្នកសិល្បៈជាច្រើនបង្ហាញការសោកស្ដាយចំពោះការបាត់បង់សិល្បករពោរពេញដោយសមត្ថភាពលោក អ៊ិត សេដ្ឋា អ្នកនាង យុគ ចិន្តា ដែលជាដៃគូធ្លាប់ឆ្លងកាត់ការងារក្ដៅត្រជាក់រាប់មិនអស់ ក៏បានចេញសារថា នាងពិតជាសោកស្ដាយណាស់ដែលមិនបានជួបមុខលោក អ៊ិត សេដ្ឋា ពេលចុងក្រោយ ព្រោះនាងកំពុងជាប់រវល់ការងារនៅសហរដ្ឋអាមេរិក។
សំណេរទាំងនេះគឺជាសាររបស់ យុគ ចិន្តា ”
ប្អូនស្ដាយណាស់ដែលមិនបានមកចូលរួមជូនដំណើរបងមុនដង្ហើមចុងក្រោយ ស្ដាយណាស់ដែលមិនមានឱកាសជួបមុខបងជាចុងក្រោយ រួមការងារជាមួយគ្នាអស់រយៈពេលជាច្រើនឆ្នាំបងជាដៃគូការងារដ៏ល្អបំផុត ជាបងប្រុសដ៏ល្អម្នាក់ដែលមិនរួញរានឹងការងារ អត់ធ្មត់គ្រប់បែបយ៉ាង សែនមហាសោកស្ដាយដែលបងចាកចោលប្អូនដោយមិនមានពាក្យលា អារម្មណ៍ប្អូននៅឆ្ងាយតែការនឹករលឹកពីអនុស្សាវរីយការងារល្អៗជាច្រើនដែលពួកយើងបានធ្វើជាមួយគ្នានាពេលកន្លងមក ពេលនេះបងលាចាកលោកហើយ”។
សារ យុគ ចិន្តា បន្តថា “ពេលនេះប្អូនកំពុងតែស្នាក់នៅរដ្ឋម៉ាសាយូសេត ទីក្រុងឡូវែល ដើម្បីអង្គាសថវិកាដើម្បីជួយដល់ក្រុមគ្រួសារបង ហើយ៣ថ្ងៃទៀតប្អូននឹងបន្តស្នាក់នៅរដ្ឋតិចសាស់ចំនួន១សប្ដាហ៍ ប្អូននឹងត្រលប់ទៅប្រទេសកម្ពុជាវិញ ប្អូននឹងប្រមែប្រមូលបច្ច័យទាំងអស់ជូនដល់បង សូមលោកអ្នកមេត្តាបរិច្ចាគថវិកាតាមរយៈទូរស័ព្ទរបស់ម្ដាយខ្ញុំនៅសហរដ្ឋអាមេរិកតាមរយៈលេខ 8323510241 លាហើយបងប្រុសជាទីស្រលាញ់ លាហើយដៃគូរដ៏កម្សត់កម្រ លាដោយគ្មានថ្ងៃវិលត្រលប់វិញ …….សូមដួងវិញ្ញាណក្ខន្ធបងប្រុសបានទៅសោយសុខសុគតិភពកុំបីឃ្លៀងឃ្លាតឡើយ” ៕ ផ្ដល់សិទ្ធដោយ៖ kqube
