ភ្នំពេញ ៖ នារីម្នាក់បានជិះម៉ូតូធ្វើដំនើរតាមផ្លួវ ក៍ស្រាប់តែជនសង្ស័យ ពីរនាក់បានធ្វើសកម្មភាពឆក់យកកាបូបស្ពាយបានសំរេច រួចជិះគេចខ្លួនបាត់ ព្រមទាំងធ្វើអោយនារីរងគ្រោះ ដួលបោកទៅនៅថ្នល់ រងរបួសបែកមុខបែកមាត់ ដោយហេតុការណ៍នេះ កើតឡើងនៅវេលាម៉ោង៧និង១០នាទីយប់ ថ្ងៃទី៣ ខែឧសភា ឆ្នាំ២០១៧ ទុលមុខផ្ទះលេខ34AEO.E1 ផ្លូវ៣៦៨ ក្រុម៤២ ភូមិ៤ សង្កាត់បឹងកេងកង៣ ខណ្ឌចំការមន ។
នារីរងគ្រោះមានឈ្មោះ រយ សុវណ្ណ ភេទស្រី អាយុ ២៣ឆ្នាំ ស្នាក់នៅផ្ទះជួល ផ្លូវ៣៦០ សង្កាត់បឹងកេងកង៣ ខណ្ឌចំការមន ។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកើតហេតុ គេបានឃើញនារីរងគ្រោះខាងលើ មិនដឹងថាគោលបំណងទៅណានោះទេ បានជិះម៉ូតូម៉ាកស៊ុយសុគីនិក ពណ៌ក្រហមលាយស បានធ្វើដំនើរតាមផ្លូវ៣៦៨ ក្នុងទិសដៅពីកើតទៅលិច ខណៈមកដល់ចំនុចកើតហេតុ ក៏ស្រាប់តែមានបុរស ២នាក់ បានជិះម៉ូតូមិនចាំម៉ាក មួយគ្រឿងធ្វើដំណើរមកពីក្រោយ រួចហើយបានធ្វើសកម្មភាពឆក់យកកាបូបស្ពាយពីនារីរងគ្រោះបានសម្រេច បណ្ដាលឲ្យនារីរងគ្រោះដួលបោកទៅនៅថ្នល់ រងរបួសបែកមុខបែកមាត់និងបាក់ធ្មេញ និយាយលែងកើត ។ ជនសង្ស័យឃើញសភាពដូចនេះ បានបន្ថែមល្បឿនបើកម៉ូតូរត់គេចខ្លួនបាត់ស្រមោល ។
ក្រោយពេលកើតហេតុ ឃើញមានសមត្ថកិច្ចមូលដ្ឋានបានចុះទៅដល់កន្លែងកើតហេតុ រួចហើយបានទំនាក់ទំនង់ ហៅរថយន្តសង្គ្រោះអោយមកដឹកជនរងគ្រោះ យកទៅសង្គ្រោះនៅគ្លីនិក ហុងហាក់ ។ ចំនែកម៉ូតូរបស់ជនរងគ្រោះ ត្រូវបានសមត្ថកិច្ចយកទៅរក្សាទុកប៉ុស្តិ៍នគរបាលបឹងកេងកង៣ ដើម្បីទុកប្រគល់អោយម្ចាស់វិញ ៕ សហការី kbn-live.com