បច្ចុប្បន្នរដូវកាលផ្លែទុរេនក៏បានមកដល់ហើយ ជឿជាក់ថាអ្នកដែលចូលចិត្តផ្លែទុរេនខ្លាំងប្រាកដជាបានទិញមកបរិភោគរួចទៅហើយផងដែរ។ យ៉ាងណាមិញ ចម្ងល់មួយគឺតែងតែលេចឡើងនៅក្នុងចំណោមមហាជន ទាំងអ្នកដែលចូលចិត្តនិងមិនចូលចិត្តផ្លែទុរេន ខណៈពាក្យចចាមរាមមួយបានលើកឡើងថា ការបរិភោគផ្លែទុរេន ស្របពេលដែលផឹកស្រា កូកា ឬកាហ្វេនោះ នឹងបណ្តាលឲ្យពុ.លស្លា.ប់ភ្លាមៗតែម្តង តើវាជាពិតឬទេ?https://blogger.googleusercontent.com/img/b/R29vZ2xl/AVvXsEhZPtED_8GgKgSNNNJY9jthdgWYnhkYNxtNGUVS2WMo61OA34m0rP6b1xmGd7X53FomzjDiWYnqFLfWjPKAGnVCwwoqSNYS-433evvQ-js2GF-dh99-1oEzkLOFUJ4uJsUHSKGND7UUibqy6fHr6Xi1AYuEMinJM-BR4YscXv5EUbY_kWl1U493pu3zdcQ/s1200/2fk713vg_fizz_625x300_14_December_23.jpg

ទុរេនគឺផ្លែឈើហូបផ្លែម៉្យាងដែលមានតម្លៃថ្លៃ និងជាទីពេញនិយមបំផុតក្នុងចំណោមប្រជាជននៅក្នុងប្រទេសកម្ពុជា ព្រោះតែវារសជាតិផ្អែមឆ្ងាញ់ ប្លែកនិងមានក្លិនក្រអូប ថែមទាំងកម្រដាំបានទៀតផង។ ទោះជាយ៉ាងណា ក៏នូវមានមនុស្សមួយចំនួនទៀតដែលមិនចេះទទួលទានផ្លែទុរេននេះទេ ដោយគេលើកឡើងថាផ្លែរបស់វាគឺមានក្លិនស្អុយទៅវិញ។

យោងតាមការបញ្ជាក់ពីគេហទំព័រ Hello គ្រូពេទ្រ ,លោកវេជ្ជបណ្ឌិត ហ៊ាង រតនា ឯកទេសជំងឺទូទៅ បានប្រាប់ឲ្យដឹងថា បន្ទាប់ពីបរិភោគទុរេនហើយ អាហារ២ប្រភេទដែលអ្នកមិនគួរទទួលទានតាមក្រោយភ្លាមៗនោះគឺ ប្រភេទអាហារដែលមានជាតិហ្គាស និងអាហារមានជាតិផ្អែម។ https://blogger.googleusercontent.com/img/b/R29vZ2xl/AVvXsEjNhrryD476IKoP-CSyy3LSKqwt4TMaFkQznugkwAP5Trmgg3mj5AcL5evFnK2OLl6MJ3bp3HEdYmLdu3qb1Z7fPhsN1vpYUZtD5EQoyW07BFo1fL5HaFqBPXJGGSgk2dRi6nNDUZ3DCAZRKa6hAckuciPueVhs-VmLoEwK_V1TNFCCGAk9H-CkeZQzgTs/s600/durian-hand-plate.webp

លោកវេជ្ជបណ្ឌិតបានសង្កត់ធ្ងន់ថា ការញ៉ាំអាហារ២ប្រភេទនេះភា្លម ក្រោយញ៉ាំទុរេន អាចបណ្តាលឲ្យមានអាការៈមួយចំនួនដែលអាចនឹងផ្តល់ផលអវិជ្ជមានទៅកាន់រាងកាយ។ ចំពោះអាហារមានជាតិហ្គាស នឹងបណ្តាលឈឺពោះ, ឆ្អល់ពោះ ,ហើមពោះ, រាក,និងក្អួត។ ហើយបើញ៉ាំអាហារមានជាតិស្ករថែមទៀត អាចបណ្តាលឲ្យរងាក់រងើក ដោយសារលើសជាតិស្ករផងដែរ។ ទាំងនេះហើយគឺជាកត្តារួមចំណែកនៃការស្លាប់ដោយសារតែការបរិភោគផ្លែទុរេន។

https://blogger.googleusercontent.com/img/b/R29vZ2xl/AVvXsEhZPtED_8GgKgSNNNJY9jthdgWYnhkYNxtNGUVS2WMo61OA34m0rP6b1xmGd7X53FomzjDiWYnqFLfWjPKAGnVCwwoqSNYS-433evvQ-js2GF-dh99-1oEzkLOFUJ4uJsUHSKGND7UUibqy6fHr6Xi1AYuEMinJM-BR4YscXv5EUbY_kWl1U493pu3zdcQ/s1200/2fk713vg_fizz_625x300_14_December_23.jpg

បើយោងតាមការសិក្សាស្រាវជ្រាវផ្សេងទៀតបានឲ្យដឹងថា ការទទួលទានទុរេនក្នុងពេលតែមួយជាមួយស្រាអាចបណ្តាលឱ្យមានបញ្ហាសុខភាព ដូចជា ក្អួតចង្អោរ និងញ័រទ្រូង។ អ្នកវិទ្យាសាស្ត្រជឿជាក់ថាសមាសធាតុដូចទង់ដែងនៅក្នុងទុរេនអាចការពារអង់ស៊ីមមួយចំនួនពីការបំបែកជាតិអាល់កុលដែលបណ្តាលឱ្យកម្រិតជាតិអាល់កុលកើនឡើងនៅក្នុងឈាម ធ្វើឲ្យស្ទះឬដាច់សរសៃឈាម។ បន្ថែមពីនេះក៏នឹងមានបញ្ហាដល់ការរំលាយអាហារ និងខ្យល់ដង្ហើមមិនល្អជាដើម។https://blogger.googleusercontent.com/img/b/R29vZ2xl/AVvXsEiYItnlH7VtzNAJS_on6wmxOCAaEhY2P5BWFt5wp9SRW1Hjucm7dkeduKT_o12Jedji4QvqxMq880Gol99y6nISaTaHajBq5_vvG7C5eCIjhyphenhyphenvy6dVYflhsy1ykSsMSyKEX_GoWNshIfcUuTJj2wQRu9nf8f4OeATvqr3a6g8Jpb9Yx1wH6yWWWTKLCQkk/s602/main-qimg-2b5d9404596a9c724701b81bfdc904f4-lq.jpg

ចំណែកការផឹកកាហ្វេនិងភេសជ្ជៈមានជាតិហ្គាសវិញ បន្ទាប់ពីពិសារទុរេនរួចនឹងងាយប្រតិកម្ម បណ្ដាលឲ្យតានតឹងក្នុងសារពាង្គកាយឈានទៅដល់គាំងបេះដូងបាន។ លើសពីនេះ ទុរេនសម្បូរជាតិស្ករ កាឡូរីនិងកូឡេស្តេរ៉ូលខ្ពស់, វាគឺមិនសក្ដិសមទេសម្រាប់អ្នកមានជំងឺទឹក នោមផ្អែម អ្នកធាត់ និងអ្នកមានសម្ពាធឈាមកើនឡើងខ្ពស់។ ចំពោះអ្នកដែលមានជំងឺបេះ ដូង តម្រងនោម ក៏ពុំគួរបរិភោគទុរេនដែរ ព្រោះតែផ្លែទុរេនមានផ្ទុកនូវបរិមាណប៉ូតាស្យូមខ្ពស់ខ្លាំងណាស់ ដែលងាយប្រតិកម្មនិងគាំងបេះដូងភ្លាមៗតែម្តង៕