កូរ៉េខាជើង បានចោទប្រកាន់ថា សហរដ្ឋអាមេរិក បានបញ្ជូនយន្តហោះ ទម្លាក់គ្រាប់បែក ល្បឿនលឿនជាងសំឡេងមួយគ្រឿង ទៅកាន់ឧបទ្វីបកូរ៉េ ដោយសំងាត់ និងថែមទាំងបាន ធ្វើសមយុទ្ធទម្លាក់គ្រាប់បែក នុយក្លេអ៊ែរទៀតផង។ នេះបើយោងតាម សារព័ត៌មានរដ្ឋទីក្រុង ព្យុងយ៉ាង KCNA កាលពីថ្ងៃទី០២ ខែឧសភា ឆ្នាំ២០១៧។
រដ្ឋាភិបាល កូរ៉េខាងជើង បានធ្វើការចោទប្រកាន់ យ៉ាងពេញទំហឹងថា សហរដ្ឋអាមេរិក បានបញ្ជូនយន្តហោះទម្លាក់គ្រាប់បែក ប្រភេទ B-1B មួយគ្រឿងទៀត បន្ថែមលើនាវាមុជទឹក ថាមពលនុយក្លេអ៊ែរ នាវាផ្ទុកយន្តហោះចម្បាំង ដែលកំពុងធ្វើសមយុទ្ធ នៅសមុទ្រខាងកើត នាតំបន់កោះ Peninsula កូរ៉េខាងត្បូង។
ទីក្រុងព្យុងយ៉ាងអះអាងថា យន្តហោះទម្លាក់គ្រាប់បែក នុយក្លេអ៊ែរអាមេរិក ម៉ាក B-1B ទើបបានបញ្ជូនចេញ ពីមូលដ្ឋានទ័ពអាកាស Guam មកកាន់ កូរ៉េខាងត្បូង ក្រោយមកបានធ្វើការហ្វឹកហ្វឺន ទម្លាក់គ្រាប់លើទីតាំង សំខាន់ៗមួយចំនួនលើទឹកដី កូរ៉េខាងជើងទៀតផង។ យ៉ាងណាមិញ ប្រទេសផ្ដាច់ការមួយនេះ ពុំទាន់ចេញសញ្ញាប្រឆាំង នឹងសមយុទ្ធថ្មីនេះនៅឡើយ៕
ផ្តល់សិទ្ធដោយ៖ kqube.net
