ខេត្តស្វាយរៀង៖ សត្វក្របីរបស់ប្រជាពលរដ្ឋភូមិធំ ឃុំបន្ទាយក្រាំង ស្រុកកំពង់រោទ៍ ខេត្តស្វាយរៀង ០៤ក្បាល ត្រូវរន្ទះបាញ់ងាប់នៅនឹងកន្លែង កាលល្ងាចថ្ងៃទី ០១ ខែឧសភា ឆ្នាំ២០១៧ម្សិលមិញ ក្នុងពេលមានភ្លៀងធ្លាក់ មួយមេធំយ៉ាងខ្លាំងរួមទាំងមានខ្យល់ ផ្គរនិងរន្ទះផងដែរ។
សត្វក្របីទាំង៤ក្បាលនោះ ត្រូវបានគេស្គាល់ថា ជាសត្វរបស់ឈ្មោះ សឿន ឌឿន ភេទ ប្រុស អាយុ ៦៣ឆ្នាំ ប្រពន្ធឈ្មោះ មុំ ស៊ីណា អាយុ ៤៥ឆ្នាំ ភូមិឃុំខាងលើ ហើយក្រៅពីក្របីងាប់ ហេតុការណ៍នេះមិនបង្កឲ្យ ប៉ះពាល់ដល់មនុស្សរងគ្រោះថ្នាក់នោះទេ។
យ៉ាងណាមិញ នៅដើមរដូវវស្សា ឆ្នាំ២០១៧នេះ គេសង្កេតឃើញថា ករណីខ្យល់កន្ទ្រាក់ និងរន្ទះបាញ់បានកើតឡើង ហើយនឹងបំផ្លាញដល់ទ្រព្យសម្បត្តិ និងអាយុជីវិត ពលរដ្ឋជាបន្តបន្ទាប់ នៅស្ទើរទូទាំងប្រទេសកម្ពុជា ជាក់ស្តែងកាលពីថ្មីៗនេះ ក៏មានស្ត្រីម្នាក់ និងគោ២ក្បាល ត្រូវរន្ទះបាញ់ស្លាប់ផងដែរ នៅខេត្តកំពង់ឆ្នាំ ដូច្នេះនៅពេល មានមេឃភ្លៀង សូមបងប្អូនមានការប្រុងប្រយ័ត្នខ្ពស់ ឬទៅរកកន្លែងមានសុវត្ថិភាព។
ដើម្បីអាចបង្ការ និងការពារពីរន្ទះបាញ់ សូមមើលគន្លឹះឬវិធីសាស្ត្រសំខាន់ៗមួយចំនួនខាងក្រោមនេះ៖
