ជនជាតិដើមឈ្មោះ Sentinelese មានអាយុកាល ជិត៦ម៉ឺនឆ្នាំ កំពុងរស់នៅលើកោះ Sentinel ក្នុងមហាសមុទ្រឥណ្ឌា ។ ជនជាតិដើមទាំងនោះ ល្បីល្បាញដោយសារ តែជំនាញបាញ់ព្រួញរបស់ពួកគេ ពិសេសនៅពេលមនុស្ស ពីខាងក្រៅចូលទៅ ទោះជាតាមផ្លូវទឹក ឬផ្លូវអាកាសក៏ដោយ ។
ក្រោយស៊ូណាមិឆ្នាំ ២០០៤ ឧទ្ធម្ភាគចក្រសង្គ្រោះ ព្យាយាមចុះនៅលើកោះ Sentinel ប៉ុន្តែត្រូវបានបណ្ដេញដោយ គ្រាប់ព្រួញរបស់ជនជាតិដើម ដែលបង្ហាញថា ពួកគេគ្មានគ្រោះថ្នាក់ឡើយ ក្នុងមហន្តរាយស៊ូណាមិនាពេលនោះ ។
អ្នកស្រាវជ្រាវវាយតម្លៃថា ជនជាតិដើម Sentinelese មានចំនួនចាប់ពី ៥០ នាក់ ទៅ ៥០០ នាក់ រស់នៅលើកោះ Sentinel ចិញ្ចឹមជីវិតដោយការបរបាញ់ និងបេះផ្លែឈើ ហើយប្រឆាំងចំពោះ រាល់បំណងរបស់មនុស្ស សង្គមខាងក្រៅ ដែលចង់ចូលទៅកាន់កោះនោះ ។
អង្គការអន្តរជាតិ ការពារជនជាតិដើម ប្រកាសថា ពិភពលោកត្រូវតែគោរព បំណងរបស់ជនជាតិដើម នៅលើកោះ Sentinel ដែលមិនចង់ធ្វើទំនាក់ទំនង ជាមួយពិភពខាងក្រៅ ។ ក្នុងទសវត្សឆ្នាំ ១៩៧០ និងទសវត្សឆ្នាំ ១៩៩០ មានមនុស្សជាច្រើន ព្យាយាមចូលទៅកាន់កោះនោះ ប៉ុន្តែពួកគេបាន ជួបនឹងការប្រយុទ្ធទប់ទល់យ៉ាងខ្លាំង ពិសេសគឺក្រុមបាញ់ព្រួញ ។ ឆ្នាំ ២០០៦ អ្នកនេសាទពីរនាក់ ត្រូវបានជនជាតិដើម សម្លាប់នៅពេលដេកលក់ ហើយទូកក៏រសាត់ទៅដល់កោះនោះ ៕
ប្រភពៈ independent
ផ្តល់សិទ្ធដោយ៖ kqube.net